إسبوع الآلام

[الباحثه عن الحق]

سلام ونعمه يا منتداي العزيز
استفسار
اسبوع الآلام
ايامه ايه وايه
وازاي بيتم الاحتفاء والاحتفال ولو فيه لينك اقراه عشان مش اتعبكم يكون احسن
وشكرا مقدما يا عسلات

 

[+إيرينى+]

بس إسبوع الالام خلص خلاص:08:

بصى هو بيبدأ يوم أحد الزعف : اللى هو الأحد اللى قبل عيد القيامة دايركتلى

و تبدأ الكنيسة فى صلوات معينة لغاية يوم الجمعة العظيمة

و فيه صلوات كمان من بالليل لغاية الصبح ( يوم الجمعة) يعنى زمانهم راجعين منها من قيمة ساعتين كدة

الصلوات غالبيتها قراءات من الكتاب المقدس

بالليل بأة النهاردة : قداس عيد القيامة

و بكرة بأة العيد : كل سنة و انتى طيبة

​

 

[الباحثه عن الحق]

يعني احد الزعف وبعد كده
الاثنين ايه
الثلاثاء ايه
الاربعاء ايه
الخميس ايه
الالجمعه ايه
السبت ايه
الاحد اللي هو بكره العيد بنعمل فيه ايه ؟؟؟

 

[+إيرينى+]

أحد الزعف دا اللى هو الاحد اللى فات
و هو تذكار دخول المسيح أورشليم
لما الناس إستقبلوه بالزعف


الاتنين و التلات و الاربع : صلوات فقط

الخميس بأة : دا تذكار العشاء الأخير

اللى هو يوم ما قعد المسيح مع تلاميذه و اعلمهم بـأنه سيموت و يقوم
و هو في نفس اليوم دا : أسس سر التناول
و فى نفس اليوم غسل أرجلهم

و الخميس دا إسمه خميس العهد اللى هو كان أول إمبارح دا

يوم الجمعة العظيمة : تذكار صلب المسيح

يوم عيد القيامة اللى هو بكرة : بيبقى إحتفالات كدة بس للأطفال عشان يهيصوا

يعنى إحنا الكبار مش بنعملوا فيه حاجة ​

 

[ElectericCurrent]

اسبوع الالام
1- سبت اليعازر : تذكار الوليمة التى اقامها اليعازر واختيه عقب اقامة الرب لاليعازر - اقاموها فى منزلهما الذى كان يملكه إقطاعى ثري فريسي إسمه سمعان الابرص فى قرية بيت عنيا ... [ ألـعازرية حاليا]... نصلي فيه قداساتنا نقرا فصول الانجيل الخاصة بإقامة أليعازر و قيام مريم بسكب الطيب وجلوسها عند اقدام مخلصنا فيما انشغلت شقيقتها بالخدمات المتنوعة.

يختتم اليوم ب [ صلاة عشية أحد الزعف ..(الشعانين) ]

2] - احد الشعانين .. تحريف لفظى للكلمة العبرية هوشعينا (خلصنا)..
قداس نصليه ... ونحيي فيه زكرى دخول المسيح الاحتفالى -النهائي - الى اورشاليم وهيكلها [ المعبد الرئيسي] وتطهيره ثلاث مرات متكررات [تكررت صبيحة الاحد والاثنين والثلاثاء] [ وأمضي المسيح الثلاث نهارات كاملة فى التعليم العلنى فى باحات الهيكل واعظاً من أعلى منابره فى الجموع موجهها نقده لرجال الدين اليهودى و طريقتهم فى تفسير المكتوب ..]- بعد ان ثار على الاسواق المنصوبة داخل ساحات المعبد والصيارفة و((باعة الذبائح)) ومنع ان يجتاز احد الى الهيكل الا المصليين العابدين المتخشعين فقط لاغير.

3] اثنين البصخة (تسمية للتمييز فقط) تقام فيه الصلاوات والقراءات التى تظهر
تينة برزت على الطريق مقدمة نفسها أنها مورقة ناضرة وبالتالى مثمرة [ قبل الوقت المحدد لها ولفصيلتها ] وعند إختبار حقيقتها إكتشاف انها لا تحوى أى ثمر الا فقط مظهر للثمار...
إبلاغها بالاعلان الالهى عن الحكم العادل بانه لا ولن يأكل منها احد ثمر فيبست حالا من الاصول .
وظهر للجموع من ال 12 وال70رسول وغيرهم ذبول مجموعها الخضري ..

4] ثلاثاء البصخة (تسمية للتميز فقط) تقام فيه الصلاوات والقراءات التى تبرز قيام التلاميذ بالتنقيب فى اصول التينة الماضية فيتأكد لهم تمام يبوستها ونهايتها بالكامل من جذورها .
أمضي اليوم مخلصنا فى الهيكل فى القاء اغلب امثلته التبسيطية التدريسية .

5] اربعاء ايوب : امضاه المخلص معتكفا فى بيت اليعازر ومرثا ومريم فى بيت عنيا مقاطعا الهيكل
ندرس فيه اجزاء من سفر ايوب بصفته انموذج للشخص الصابر الخاضع لمشيئة الله- وهو برئ- رمزا للسيد المسيح .

تمت فيه المشورة الرديئة بين التلميذ المؤتمن على صندوق التبرعات والفقراء - التلميذ المنتخب وبين رؤءساء الكهنة ان يسلم المسيح يسوع شخصيا لا سواه ولا غيره - خلوا من الجمع وفى فرصة مناسبة باقل الخسائر الممكنة ..وباقل جلبة ممكنة وبعيدا عن الشغب فى العيد..

6 ] خميس العهد الجديد :
الذى اسس فيه المسيح سر الافخارستيا معلنا ان جسده الطاهر ودمه الكريم هو الفصح الحقيقي الذى يهب الخلاص والبراءة والعتق
بعد ان خلع عبائته وتخلى عن ابهة الملابس المزخرفة
وغسل لتلاميذه الاثنى عشر ارجلهم كخادم.


7] ليلة الجمعة العظيمة : نحيي فيها صلاة المسيح فى البستان طالبا ان يعبر عنه الكأس الا أن يشربها
القبض على يسوع بعد ان اخذه يهوذا تلميذه المؤتمن [..].بالاحضان والقبلات ...


سهراتنا فى الكنيسة استمرارا لاحياء لمحاكمات يسوع السبع

8] صلاوات الجمعة العظيمة طوال اليوم
من محاكمات المسيح المذعن المستكين الى جلداته
الى تعليقه على الصليب بين لصين ...كلماته السبع وهو ينازع الموت
خضوعه للاب وسجوده بالرأس وتسليمه الروح فى عصر ذلك اليوم ...


صلاوات الدفن فى مغرب الجمعة الكبيرة : نحيي فيها تولى شخصان من خارج منظومة تلاميذ المسيح ال 12 وهما الثري : يوسف الرامى البار (لقب ناله من يهود ) و الرئيس الفريسي (الفقى ) نيقوديموس ..
استلام جسد سيدنا المصلوب وتكفينه ودفنه فى ملكيته الخاصة وتحت حراسة أمنيةمشددة.

9] تسابيح ليلة سبت الفرح : نسبح الوهية المسيح المسجى جسده ميتا فى القبر.. بأن نذكر تفاصيل معلنة عن الوهيته وملكوته المزمع -موضحة فى سفر الرؤيا النبوى ..


10] قداس عيد القيامة المجيد الذى يبدأ من ليلة الاحد[بعد غروب شمس السبت ] وينتهى نواحى شروق أضواء فجر صباح الاحد ... الاعلان عن قيامة الرب يسوع ..بازاحة الحجر لنا عن القبر الفارغ الذى خرج منه الرب القائم وهو مختوم.

++++
1- اسبوع الالام يتم حساب توقيته [فى بعض الكنائس ]..بحيث يقع أحد القيامة تالياً مباشرةً لأكبر وأول أيام عيد الفصح اليهودى فى اورشاليم [على اعتبار ان الرمز النبوى يسبق المرموز اليه ]
..
2- تلزم الكنيسة الحانها وموسيقاها وستائرها بمظاهر الحداد الرزين الرصين العقلانى ..
حزنا على خطايانا التى نراها موجبة للالام والاوجاع واللعان علينا نحن حملها بدلنا المسيح.
تبدأ مظاهر الحداد مع الوصول للبند 3 وتنهتى بالوصول للبند 9 من الرحلة بأعلى.

3- تركز الكنيسة فى عبادتها للمسيح على تأكيد ايمانها بقوته وعزته وكرامته وقدرته التى تخلى هو اختياريا عن مظاهرها.
:
:4402


​

 

[حبيب يسوع]

شكرا للسائلة
وشكرا لكل من اجاب