أنا داخل على السنة الجديدة دي

[لمسة يسوع]

أنا داخل على السنة الجديدة دي
وأنا ممتن لربنا…
ممتن إني عديت السنة اللي فاتت رغم إنها ما كانتش سهلة خالص.

كانت سنة فيها مشاكل،
وفيها قلق،
وفيها خوف،
وفيها إحباط.

بس الحقيقة.. أنا فخور بنفسي إني ما استسلمتش…
إني فضلت واقف، أتعلم، وأشتغل على نفسي،
حتى وأنا تعبان، وحتى وأنا مش فاهم كل حاجة.

السنة دي علّمتني كتير…
علّمتني أعرف نفسي أكتر،
وأفرّق بين اللي في إيدي واللي محتاج أسلّمه لربنا،
وأفهم إن ضعفي مش عيب…

مش بقول إن كل حاجة كانت حلوة،
بس بقول إن ربنا كان حاضر،
حتى في الأيام اللي حسّيت فيها إني لوحدي.

وعشان كده…
أنا داخل اللي جاي بقلب أهدى،
وبامتنان حقيقي،
وبإيمان إن اللي جاي أحسن…
مش لأني ضامن ان الجاي هيبقى أسهل،
لكن لأن ربنا ما سابنيش،
ومش هيسيبني، وده الضامن الوحيد.



منقول