أسماء مناطق بالشام وسبب تسميتها

[لمسة يسوع]

في كتير مناطق بالشام بتحمل اسماء غريبة بس لأنو تعودنا عليها بطلنا نحسها غريبة، مع هيك كل منطقة أو شارع في قصة من ورا تسميتها، خلونا نتعرف على شوي من هالقصص:

شارع أبو رمانة:​

تسمى بهالاسم نسبة لضريح كانموجود فيه مشهور باسم ضريح أبو رمانة وبينحكى انو كان لأحد الأولياء الصالحين من دون ما ينعرف اسمه فسموه الناس أبو رمانة لوجود شجرة رمان بتطل على قبره.

 

[لمسة يسوع]

سوق الحميدية:​

نسبة للسلطان عبد الحميد ويلي بلش ببنائه السلطان عبد الحميد الأول (1137-1203) وأتم بناءه السلطان عبد الحميد الثاني (1293-1328).

 

[لمسة يسوع]

صلوا من احل سوريا لانه هي بلد مميزة لا تستحق الي عم يحصل فيها
ربنا قادر
نتابع

 

[لمسة يسوع]

سوق العصرونية:​

تسمى بهالاسم نسبة للمدرسة العصرونية اللي أنشأها الملك العادل نور الدين الزنكي وسلمها لقاضي القضاة الإمام شرف الدين عبد الله بن أبي عصرون المتوفي سنة 585 هرية فانتسبت له

 

[لمسة يسوع]

سوق المسكية:​

اختص السوق ببيع أنواع العطور، وساحة المسكية اللي ينتهي فيها سوق الحميدية بتعتبر من أقدم ساحات دمشق اللي انبنت بالقرن الرابع الميلادي.

 

[لمسة يسوع]

التكية السليمانية:​

نسبة للسلطان العثماني سليمان القانوني وبتعتبر من روائع الفن العثماني ومن أجمل إبداعات المعماري الشهير سنان باشا ونبنت مكان القصر الأبلق وهو قصر قديم بناه السلطان الظاهر بيبرس بالوادي الأخضر والمعروف بمرجة الحشيش

بلش الشغل فيها سنة 962ه واكتمل سنة 967ه وألحق فيها مسجد ومدرسة عظيمة في عهد الوالي لالا مصطفى باشا سنة 973ه وأول من خطب في مسجدها العلامة عبد الرحمن بن قاضي القضاة ابن الفرفور.

 

[لمسة يسوع]

حي الصالحية:​

وهي المنطقة اللي سكن فيها بعض المهاجرين الصالحين اللي اجوا من فلسطين عام 1156م أيام حروب الفرنجة وعلى رأسهم الشيخ أحمد بن قدامة المقدسي من نابلس فسميت المنطقة نسبة لسكانها.

 

[لمسة يسوع]

نستريح معكم مع هاد الفيديو ثم نتابع

 

[لمسة يسوع]

شارع العابد:​

نسبة لمحمد علي بن عزت العابد أول رئيس سوري بعد الاستقلال.

 

[لمسة يسوع]

ساحة السبع بحرات:​

انبنت بسنة الـ 1925م وسميت بساحة الكابتن ديكار بانتري، بتتكون من قبة وسبع بحرات والكابتن ديكار بانتري كان قائد لقوات حرس الهجانة الفرنسية في سورية أيام الاحتلال العثماني ومات عام 1925 فكانت الساحة نصب تذكاري مكون من قبة وسبع بحرات ضمن الساحة وبعد جلاء قوات االفرنسين عن سورية انهدمت القبة وبقيت البحرات، وتم تجديد الساحة السنة الماضية بطريقة تحافظ على شكبها الثديم ويعطيها شكل جديد

 

[لمسة يسوع]

 

[لمسة يسوع]

جادة عرنوس:​

كانت المنطقة اسمها بستان عرنوس نسبة لوجود ضريح لولي اسمه عرنوس، وكان في بالمنطقة تربة لآل عرنوس ويمكن هاد السبب الأصح للتسمية

 

[لمسة يسوع]

جامع الدرويشية:​

نسبة للوالي العثماني درويش باشا اللي بناه عام 1574م .

شارع النصر:​

شارع قديم وسعه جمال باشا عام 1914 وسمى الشارع باسمة (شارع جمال باشا) وبعدين رجع تسمى باسم شارع النصر نسبة لأحد أبواب دمشق لباب النصراللي كان موجود بمدخل سوق الحميدية.

زقاق رامي:​

أو ما يعرف الآن بشارع رامي فتحه رامي أفندي رئيس كتاب الوالي ناظم باشا.

جامع لالا باشا:​

نسبة للصدر الأعظم القائد العسكري كارا مصطفى باشا 1500-1580م وقد لقب بــ لالا وهي كلمة تركية معناها المربي وكان ألباني أو بوسني الأصل وكان قائد للقوات العثمانية خلال حصار مالطا وفتح قبرص وفتح جورجيا دفن في دمشق بمنطقة السنانية، وفي جامعين باسمه واحد بدمشق والتاني بقبرص.

 

[لمسة يسوع]

قصر العظم:​

نسبة لوالي دمشق أسعد باشا العظم اللي بناه عام 1749م بعد خان أسعد باشا في وسط البزورية.

 

[لمسة يسوع]

سوق مدحت باشا:

والي دمشق مدحت باشا وأسمه مدحت الصلح وكان يلقب بالباشا عمل باواخر العهد العثماني على توسيع هذا السوق واللي كان اسمه سابقا سوق جقمق سنة 1878 وبينقال أنو أشعل الحرائق عمدا بالبيوت يلي كانت بالسوق بعد معارضة سكانها أوامر الاخلاء ومن وقتها تسمى باسمه وبالـ 1925 إحترق قسم منه اثناء القصف الفرنسي لمنطقة الحريقة

 

[لمسة يسوع]

نتابع ان حبيتوه