أريد الاجابة بنعم أو لا

[kemonet91]

نحن جئنا الى الحياة رغم أنفنا...بالعامية إننا جئنا للحياة غصب عننا أى مش بإرادتنا
أى لم نسأل من قبل هل تريد أن تعيش الحياة أو لا....هل هذا الكلام صحيح أم خطأ...وشكرا أخوتى​

 

[Light Of Christianity]

نحن جئنا الى الحياة رغم أنفنا...بالعامية إننا جئنا للحياة غصب عننا أى مش بإرادتنا
أى لم نسأل من قبل هل تريد أن تعيش الحياة أو لا....هل هذا الكلام صحيح أم خطأ...وشكرا أخوتى

ايوة ... بس تفتكر انت لو ليك الخيار هتختار ايه وانت مجربتش الدنيا ؟؟
وتفتكر كمان ربنا يختبرنا ازاى لو مش عيشنا الدنيا ؟؟ طبعا انا عارفة انك هتقول وهو يختبرنا ليه نفترض اانا مش عايز حد يختبرنى هقولك انت وانت عندك 4 سنين تقريبا اهلك بيدخلوك المدرسة رغم انك بتعيط وتقول مش عايز وحاجات من دى بس هما بيبقو شايفين انهم ادرى بمصلحتك ؟؟ انت ايه رايك ؟

 

[kemonet91]

اشكر تجاوبك...لكن الله فى الاساس هو الذى أتى بى للحياة وبالتالى لا ألوم على أهلى الذين يفرضون على أى شئ لأن الله نفسه فعل ذلك​

 

[Light Of Christianity]

اشكر تجاوبك...لكن الله فى الاساس هو الذى أتى بى للحياة وبالتالى لا ألوم على أهلى الذين يفرضون على أى شئ لأن الله نفسه فعل ذلك

اولا لاشكر على واجب انا بحب التفكير ده جدااا اينعم مش هتلاقى اجابة تريحك بس انا افكر اذا انا موجود
ثانيا انا اقصد زى مقارنة بسيطة يعنى هو زى الجملة المشهورة ليه حكمة اكيد من حياتك زى اهلك اما بيقولوا انهم ادرى بمصلحتك

 

[kemonet91]

مانا فاهم حضرتك...بس أنا كل ما افكر فى كده وإنه حتى لو عشت مع ربنا وربحت الحياة الابدية
إلا إنه هذه الحياة اتيت لها غصبا أى إجبارا فأين حرية إرادتى!!!!!!!!​

 

[Light Of Christianity]

مانا فاهم حضرتك...بس أنا كل ما افكر فى كده وإنه حتى لو عشت مع ربنا وربحت الحياة الابدية
إلا إنه هذه الحياة اتيت لها غصبا أى إجبارا فأين حرية إرادتى!!!!!!!!

اعتقد محدش هيديك اجابة ؟؟ لان سؤالك مفيش غير واحد بس يجاوبك عليه هو ربنا بس انت حاليا قدام امر واقع انت فى الدنيا سواء اخترت او مخترتش انت مجبر تمشى الطريق لنهايته

 

[MATTEW]

نحن جئنا الى الحياة رغم أنفنا...بالعامية إننا جئنا للحياة غصب عننا أى مش بإرادتنا

أى لم نسأل من قبل هل تريد أن تعيش الحياة أو لا....هل هذا الكلام صحيح أم خطأ...وشكرا أخوتى​

سلام ونعمه المسيح معك حبيبي

احنا لما جينا للحياه اكيد لينا هدف و اكيد ربنا معملش حاجه او اقصد خلق حاجه و ملهاش لزمه

هاتلي حاجه في الحياه ملهاش لزمه

لكن بالنسبه لإرادتك انك تيجي او متجيش

هل قبل متتوجد هل انت كنت مدرك لا طبعا و بالتالي الموضوع مش اختياري انك تيجي او لأ

لكن الأنسان لازم يتأقلم مع الحياه اللي اتوجد فيها و يعيش و يتعايش زي ما بيقوا ويحقق هدف الله في حياته

 

[fredyyy]

​

إلا إنه هذه الحياة اتيت لها غصبا أى إجبارا فأين حرية إرادتى!!!!!!!!
​

​

طبعًا الكلمات الجاية مش إجابة لكن علشان تعيد حساباتك

سأفترض أن الله أجبرك على الوجود !!

وهو يُجبرك على التنفس الآن !!

تقدر تختار ألا تتنفس ... علشان تهرب من إجبار الله ليك ؟
**************************************

شوف ربنا بيقول إيه

التثنية 30 : 19
أُشْهِدُ عَليْكُمُ اليَوْمَ السَّمَاءَ وَالأَرْضَ. قَدْ جَعَلتُ قُدَّامَكَ الحَيَاةَ وَالمَوْتَ.
البَرَكَةَ وَاللعْنَةَ. فَاخْتَرِ الحَيَاةَ لِتَحْيَا أَنْتَ وَنَسْلُكَ
​

أمامك الحياة والموت ... البركة واللعنة ... ولك أن تختار

لكن الله يُشير عليك أن تختار الحياة ... لأنه يعلم قسوة الموت ورهبته

 

[جاليلليو]

يا اخي انت تأل لانك تشعر بنوع من الكراهية والتعب النفسي عني لانك غير مستر فو تعلم ان الدنيا مجرد مرحلة قصيرة جدا لحياة حقيقية حياة لا تعب فيها حياة اعظم مما تتصور فعندما تنتقل لتلك الحياة فستتمنى لو انك رجعت للدنيا وعملت اكثر واكثر حتى تستمتع بتلك الحياة اكثر
ووجودنا صحيح بدون رغبتنا لان الانسان لا يحق له ان يسأل عما يفعل الله ولكن محبة الله لنا سبب وجودنا وتعبنا في الدنيا-القصيرة- ثمن لحياة ابدية دائمة حياة لا يمكن وصفها (( ما لا عين رات ولا اذن سمعت ولا خطر على قلب بشر))

 

[حمورابي]

تحية
الزَميلْ صاحِبُ المَوضوعّ
حضّرتُك لمْ تأتي الى الحَياة رُغم (أنفِك) . .
بَلْ وُجودّ حضرتُك هو ناتِج ل ِ عَملية زَواج بَين فَرّدين . الرَجُلْ و الأُنثى .
فَلو لَمْ يَكن سَبب لَما تَواجَد َ على هذه الدُنيا .
لا تَرمي أوزارَك على الله تعالى . .
أعظمْ هدية قدمها الله للبشرية أنهُ أوجدهمْ في هذا العَالمْ وأعطاهُم كـُلْ شئ وجَعَلهُم
أسياداً على كـُلْ طائراً يَطيرُ وكـُلْ زاحَفاً وحيَواناً برياً . وكُلْ نَفس حيتاً في المياه كــُلها سلمها الى ألأنسان .
الا يَكفي هذه الســُلطة والسيادة التي سَخرها الله للبشرية . بَعدّ ان خَلَقهُ و أوجدهُ لسبب . أوجدهُ
بسَببْ العَلاقة التي وضَعها في الرَجُلْ والأُنثى للتَكاثُر . . ولِتواجد بشرية تَكون خَليفة ً لهُ مَن بَعدِهما . على هذه ألأرض التي خَلقها وصورها للسَكن . . وأوجد الهَواء فقط على هذا الكَوكبْ وأوجد الفُصول والحَيوانات وألأوقات و وضع العَلمْ في عقلْ ألأنسان لكي يـُطور نفسهُ وينموا . .
هذه كـُلها للأنسان أبن آدم وحواء . اليس هذا أفضلْ تَكريم وتواجد قدمهُ الله للأنسان
وأظف الى ذلِك أعطاهُ طبيعتين بشرية . فانية وروحانية أبدية . .
أشكُر الله أنك تواجدّ في طَبيعتين . مَجد الرب في الجَسد لكي تَكون نفساً حياً في ألأبد .

 

[Strident]

مانا فاهم حضرتك...بس أنا كل ما افكر فى كده وإنه حتى لو عشت مع ربنا وربحت الحياة الابدية
إلا إنه هذه الحياة اتيت لها غصبا أى إجبارا فأين حرية إرادتى!!!!!!!!​

ما انت عشان تختار لازم تكون موجود...يعني هتكون جيت للحياة كده كده!

 

[Jesus Son 261]

مانا فاهم حضرتك...بس أنا كل ما افكر فى كده وإنه حتى لو عشت مع ربنا وربحت الحياة الابدية
إلا إنه هذه الحياة اتيت لها غصبا أى إجبارا فأين حرية إرادتى!!!!!!!!

لم تأتي الحياه بارادتك
ولم تأتي باجبار من الله

أتيت الي الحياه بارادة والديك الذان تزوجا و انجباك

يعني هي الارادة البشرية
سواء ما تريده لنفسك او تريده للناس او يريده الناس لك

لكن الله لم ولن ولا يجبرك علي شئ​