أرجوكم ساعدوووووووونى؟؟؟

[NoSSA]

السلام والنعمه لكم جميعا انا عضوه جديده معاكم فى المنتدى وارجوكم محتاجه رايكم وصلواتكم ارجوكم ، انا عندى 20 سنه ومخطوبه بقالى سنه ونصف ولكن مع الاسف مش مبسوطه خالص فى خطوبتى فقررت انى افك ، لكن بصراحه سبب عدم ارتياحى فى خطوبتى هو انى كنت مرتبطه عاطفيا قبل ما اتخطب لكن الظروف فرقت بيننا وانا للاسف مقدرتش انساه ومازلت بحبه ويمكن هو ده السبب اللى مخلانيش احب خطيبى ، لكن مشكلتى الاكبر هى ان الانسان ده ظهر فى حياتى تانى بعد ما عرف انى هفك خطوبتى وعاوز يرجعلى مع العلم انه جرحنى قبل كده اكتر من مره لكن للاسف مازلت بحبه ، لكن بجد هو اتغير جدا 360 درجه عن الاول وبقى عقلانى اوى ويمكن ظروف شغله وحياته فى الاول هى الى خلته يجرحنى مع العلم انى انا بصراحه اتخليت عنه فى موقف قبل كده ، بس انا دلوقتى محتاره اوى ارجعله ولا لاء مع العلم انى لو رجعتله هواجه مشاكل كتير عندى فى البيت لان اهلى عارفين انه هو جرحنى قبل كده ، بس بجد انا حاسه انه اتغير جدا زائد انى انا لسه بحبه جدا لدرجه انى قعدت سنه ونصف بحاول احب خطيبى مقدرتش ، فهل اديله فرصه تانيه اختبره فيها واختبر مدى حبه وتغييره ، مع العلم انى انا مش هخسر حاجه من الفرصه دى بل ممكن يكون فعلا صادق فى كلامه المره دى واكسبه ؟
ام ارفضه تانى واضيع حب عمرى بجد ؟

ارجوكم ياريت لو فى اباء كهنه مشرفين على المنتدى يدونى رايهم وياريت انتوا كمان تدونى رايكم وتصلوا من اجلى

صلوا من أجل ضعفى
NoSa

 

[marem80]

رد على: أرجوكم ساعدوووووووونى؟؟؟

سلام ونعمة الرب يسوع المسيح وامنا مريم العذراء معنا.....
اختي العزيزة انا من راي الخاص لو كنت مكانك ومررت بهكذا موقف انظر للوضع من كل جوانبه وان تتاكدي من مشاعرك اكثر من مرة والاهم من ذلك هل انت متاكدة ان حبيبك الاول متغير بحق وانتي متاكدة انه يرجع لك لانه يحبك او مجرد رد كرامة لانكي انخطبتي لشخص غيره وان في حالة قبلتي الرجوع له هل سيتقدم لخطبتك ليبرهن صدق نيته وان تقدم لخطبتك فالافضل ان توافقي ان كان قد تغير حقا كي لا تعيشي طول عمرك تشعري بالندم عليه وان تظلمي الانسان الذي تتزوجيه ان تكوني معه وتفكري بانسان اخر ,صلي واطلب من الرب يسوع المسيح ان يبين لك نيته صادقة ام لا ,تحياتي لك.

 

[vetaa]

رد على: أرجوكم ساعدوووووووونى؟؟؟

اولا /ربنا معاكى ويرشدك للطريق الصح

ثانيا/انتى فى رأيي
حل مشكلتك انتى عارفاة وكتبتية جوة المشكلة
انتى خلاص بتحبى واحد ومش قادرة تكملى مع خطيبك
يبقى خلاص سبية وممكن تدى الاول دة فرصة تانى
وفترة الخطوبة معمولة علشان كدة
وانتى لسة صغيرة يعنى ماتتسرعيش فى اى قرار

ثالثا/ صلى وخلي ربنا قدام عنيكى وقوليلة يرشدك
وتنفذى قرارة مهما ان كان القرار دة

ربنا يوفقك يا نوسة

 

[ut2]

رد على: أرجوكم ساعدوووووووونى؟؟؟

سلام ونعمة
ربنا موجود
لا تنسي هذة العبارة لانها تحوى الكثير من المعانى ضعى ربنا امامك فى كل حين واطلبى منة انة ينورلك الطريق الصح وصلى بحرارة
وبعدين بلاش واحذرى من التسرع فى اتخاذ القرارات المصيرية دي
خليكي واضحة وصريحة مع نفسك وانتى بتقولى انك ممكن تواجهي مشاكل مع اسرتك شوفى اية المشاكل دي وازاى يمكن حلها وبطريقة منطقية وتكونى مقتنعة بيها وهم كمان يكونوا مقتنعين واكيد انت ليكي اب اعتراف اشرحي الموقف لية وهو اكيد يفيدك.
بس اهم شي لو حترجعي له انك ترجعي لة فى النور بعلم اسرتك واب اعترافك وكمان يفضل لو هو انسان جاد واتغير زي ما بتقولى المفروض انة يتقدم رسمي ( نصيحة بحكم انى شاب )
وربنا معاكي