الحـــ ♥ ـــــب

[انت شبعي]

سلام و نعمة على كل الاعضاء الحلوين
بصوا بقى النهاردة عاوزين نتكلم في مشكلة خطيرة جدا بدأت الاحظها بكثرة
المشكلة دي هي الحب
و انا لما بقول الحب بقصد المعنى الشامل للحب
و بصراحة اللي دفعتني اني اتكلم في الموضوع دة اني ملاحظة ان كل المشاكل النفسية و الصحية ايضا اللي بيتعرض ليها الانسان في حياته بيكون سببها الحب !!
اة ما تستغربوش
شوف اي واحد متضايق كدة و اسأله مالك ايه اللي مزعلك
هتلاقي ( غالبا ) هيقولك حاجة من دول
اما زوجي مش بيحبني
او حماتي مش بتحبني
او اخت ( اخو ) زوجي مش طايقني
او بحب واحد/ة و هي مش حاسة بيا
او محدش بيحبني خالص و مش لاقي قبول
او صاحبي ( صاحبتي ) اتغير من ناحيتي
او بابا ( ماما ) بيحب اخويا ( اختي ) اكتر مني
او اخويا ( اختي ) مش بيحبني
او زميلي في الشغل مش بيحبني

مش بيحصل كدة ؟ و يمكن كتير مننا اتعرض لموقف زي كدة في حياته
السؤال بقى
ليه الحب هو السبب الرئيسي ( غالبا ) في اي مشكلة بيمر بيها الانسان ؟
ايه سر اللغز اللي اسمه اللحب ؟
ياريت تناقشوني لاني بجد محتارة :smil13:

 

[kawasaki]

لأن الحب غريزه اساسيه في الانسان
فأما تكون ليه سبب سعاده اوسبب تعاسه ​

 

[انت شبعي]

لأن الحب غريزه اساسيه في الانسان ​

فأما تكون ليه سبب سعاده اوسبب تعاسه ​

طيب كل الكلام دة حلو جدا جدا
و انا معاك في ان الحب غريزة و احتياج انساني
لكن السؤال بقى
ليه فيه ناس بتلجأ لطرق مش صادقة علشان تحصل عليه
ماهو هيبقى حب غاش و مزيف يعني مش هيشبعهم
لكن لو حصلوا عليه بطريقة سليمة اكيد هيكون سبب سعادة ليهم
صوح و لا لع ؟

 

[kawasaki]

طبعا صوح
الانسان اللي بيحاول يلجاء للحب بطريق مش تمام
دا بيبقي مرض نفسي
اقصر طريق بين نقطتين الخط المستقيم
​

 

[YOYO JESUS]

الحب غريزة زى ماقالك ساكى ياميرا
ومافيش انسان يقدر يعيش من غير حب
سواء كان انسان وحش او حلو
مافيش انسان يقدر يعيش من غيره
​

 

[kawasaki]

ايوا يا لارا
ميرا تقصد اللي بيخترع حوارات علشان يحبب حد فيه ​

 

[YOYO JESUS]

دا يبقى مرض نفسى بعيد عنك
او ممكن نقول انه انسان محبط وشايف ان الكل مش بيحبه
فبيحاول يحببهم فيه
او هو عارف انه انسان بطريقته واسلوبهبيخلى الناس تبعد عنه فبيحاول يحببه فيه
بس برضه الانسان اللى بيحاول يحبب الناس فيه بحوارات ؟
يعنى اية ؟؟؟؟؟؟؟
الانسان بااسلوبه بيخلى الناس تحبه او لالالا
والحوارات ملهاش دعوة خالص
بس برضه انا مهيسة متركزش فى كلامى هههههههههههههههههههههههههههههههههههه
​

 

[انت شبعي]

طبعا صوح ​

الانسان اللي بيحاول يلجاء للحب بطريق مش تمام
دا بيبقي مرض نفسي
اقصر طريق بين نقطتين الخط المستقيم ​

هو دة اللي انا عاوزة اوصله بقى
ان الحب سبب للامراض النفسية
اشمعنى ؟ طب ما الانسان محتاج مشاعر كتير زي الامان و الحرية و حاجات كتير
اشمعنى الحب هو السبب الرئيسي في المشاكل النفسية ( غالبا )
ايه السر في الحب و ايه اللي بيخليه متعب كدة ؟

 

[انت شبعي]

الحب غريزة زى ماقالك ساكى ياميرا

ومافيش انسان يقدر يعيش من غير حب
سواء كان انسان وحش او حلو
مافيش انسان يقدر يعيش من غيره​

ايون فاهمة بأمانة
بس اشمعنى الحب بالذات اللي بيسبب اغلبية المشاكل
ليه واحدة تنتحر عشان حبيبها سابها او واحد يدمن الخمور و المخدرات عشان حبيبته سابته
في حين انه لو عربيته اتسرقت مش هيعمل كل اللي بيعمله لو اتعرض لازمة عاطفية
اشمعنى الحب بالذات ؟؟

 

[YOYO JESUS]

بصى ياميرا
الحب دا تقريبا اغلى حاجة ممكن يقدمها الانسان للى قدامه
يعنى انا بعز واحدة او واحد اوى
هقدمله حبى ولا اقدمله عربية ؟؟؟؟؟؟؟؟
الحب هو اسمى المعانى
فبالتالى الانسان لما بيقدم اغلى حاجة عنده اللى هى الحب
وخسرها
هيتدمر
​

 

[انت شبعي]

ايوا يا لارا ​

ميرا تقصد اللي بيخترع حوارات علشان يحبب حد فيه ​

لا مش بالظبط كدة
انا اقصد الحب بكل ما يتعلق بيه
سواء كان حب حقيقي او مزيف
ليه هو سبب اغلبية المشاكل اللي بيتعرض لها الانسان ؟

 

[انت شبعي]

بصى ياميرا

الحب دا تقريبا اغلى حاجة ممكن يقدمها الانسان للى قدامه
يعنى انا بعز واحدة او واحد اوى
هقدمله حبى ولا اقدمله عربية ؟؟؟؟؟؟؟؟
الحب هو اسمى المعانى
فبالتالى الانسان لما بيقدم اغلى حاجة عنده اللى هى الحب
وخسرها
هيتدمر​

طيب دة في حالة لو الانسان قدم حب و انخدع او انجرح او انصدم او اتعرض للخيانة
طب في حالة لو انسان بيخدع اكتر من بنت
او بنت بتخدع اكتر من ولد
في وقت واحد عشان يحصل او عشان تحصل على الحب و في الاخر لما الشخص دة يتأكد انه خلاص حصل على حبهم يبدأ يعذبهم
ليه بقى ؟
ليه بيعذبهم ؟
مش هو كان محتاج للحب و اخده و خلاص ؟ ايه لزوم يعذبهم بقى ؟
دي حاجة
الحاجة التانية لو خلاص خدع واحدة و عذبها و بهدلها ليه بيدور على ضحية تانية و تالتة و هكذا

 

[YOYO JESUS]

دا بيبقى اسمه مرض نفسى
بيبقى انسان ممكن يكون معقد نفسيا
واحيانا يكون اتعرض لمواقف فى حياته حولته لذئب بشرى
او ممكن يكون حصل فيه كدة زمان وبيحاول ينتقم من الناس
وشايف انه ممكن كدة يشفى غله والمه اللى شافه زمان
مش عارفة صدقينى
​

 

[انت شبعي]

دا بيبقى اسمه مرض نفسى​

بيبقى انسان ممكن يكون معقد نفسيا
واحيانا يكون اتعرض لمواقف فى حياته حولته لذئب بشرى
او ممكن يكون حصل فيه كدة زمان وبيحاول ينتقم من الناس
وشايف انه ممكن كدة يشفى غله والمه اللى شافه زمان
مش عارفة صدقينى ​

طيب لما هو اتألم زمان من الحب ليه بيعيد التجربة تاني ؟
ماهو لما يخدع الناس غصب عنه هيتألم بردو و يمكن اكتر مما كان بيتألم قبل كدة
دي حاجة
الحاجة التانية طالما هو اتخدع و جرب احساس الخداع قد ايه مؤلم ليه بيرضاه على غيره ؟

بمعنى لو انا مثلا مسكت كوباية شوربة و كانت سخنة و لسعتني ليه اخلي غيري يمسكها مش مفروض انبهه عشان انا مجربة و عارفة
الحاجة الاهم من دة كله
ليه يعذب و ينتقم من ناس ابرياء مالهمش ذنب
طيب ما ينتقم من اللي جرحوه و سببوا له الالم النفسي و العقدة الصعبة دية
الحاجة الاكثر اهمية من كل دول
ليه ما يدورش على حب صادق يفرحه و يعوضه عن كل اللي فات دة
او يتجوز و يريح دماغه بدل الحب و الانتقام و وجع القلب دة كله

 

[kawasaki]

ما هو يامير يا اختي الغاليه

الانسان الصالح اللي مفيش في قلبه ضغينه
بيقدم الحب الصادق
كون ان الطرف التاني جرح
تبقي دي مشكله الطرف التاني ​

 

[انت شبعي]

ما هو يامير يا اختي الغاليه ​

الانسان الصالح اللي مفيش في قلبه ضغينه
بيقدم الحب الصادق
كون ان الطرف التاني جرح

تبقي دي مشكله الطرف التاني ​

ممكن اعترض على كلمة صغيرة بعد اذنك ؟؟
كلمة الانسان الصالح لانه مفيش حد صالح غير ربنا و بس
خلينا نقول الانسان التقي اللي بيخاف ربنا
ايون ماشي دة كلام جميل
ماهو لو الكل خاف ربنا و قدم الحب بصدق ماكانش هيبقى فيه مشكلة و لا امراض نفسية و لا اي تعب من اي نوع صح ؟
الطرف التاني جرح ازاي ؟
ما الجرح دة انواع
جرح طبيعي بيحصل في اي حب من اشتياق و حنين و الكلام دة
جرح غير مقصود قال كلمة مش قاصدها او اي حاجة غير مقصودة
اما بقى الجرح المقصووود الناتج عن الخداع هو دة المشكلة الاساسية
ليه انسان يخدع حد ؟ قولنا عشان يحصل على الحب اللي هو محتاجه
طييب ليه بقى بعد ما يحصل على الحب يجرح و يخون و يعذب .... الخ
مش حصل على الحب و خلاص
لزومه ايه دة كله بقى ؟

 

[YOYO JESUS]

بصى ياميرا ياحبيبتى
ربنا مالخقش كل الناس ليهم قلب واحد
يعنى مش الكل ليهم القلب الطيب اللى ممكن يسامح
يعنى لو عملنا مقارنة بي اتنين
والاتنين حبو
والاتنين اتخانوا مثلا
بس واحد سامح ومعرفش ينسى بس ماانتقمش من حد
وواحد قرر انه ينتقم ولما معرفش بينتقم من الاناسان اللى اذاه
اتنتقم من الناس التانية لانه شايف بكدة انه هيبقى سعيد وانه ممكن يحس باللذه اللى الانسان اللى جرحه حس بيها
صح ؟؟؟؟؟؟؟؟؟؟
فالناس كلها مش زى بعض
مش زى بعض فى الاخلاق او الطبع او النظرة او التفكير او حتى القلب
كل واحد بيختلف عن التاانى
الحاجة الوحيدة اللى اتفقنا عليها يوم ماربنا خلقنا هو المحبة لبعضنا البعض
بس ربنا شاب طريق الشر
وطريق الخير
مفتوحين
فواحد اختار طريق الشر وانه يبقى قلبه قاسى
وواحد اختار طريق الخير وان يسامح ويصبر ربنا يجبله حقه
فهمتى ؟؟؟؟؟؟؟؟؟؟؟
معلش مش عارفة افهمك اوى
​

 

[انت شبعي]

بصى ياميرا ياحبيبتى​

ربنا مالخقش كل الناس ليهم قلب واحد
يعنى مش الكل ليهم القلب الطيب اللى ممكن يسامح
يعنى لو عملنا مقارنة بي اتنين
والاتنين حبو
والاتنين اتخانوا مثلا
بس واحد سامح ومعرفش ينسى بس ماانتقمش من حد
وواحد قرر انه ينتقم ولما معرفش بينتقم من الاناسان اللى اذاه
اتنتقم من الناس التانية لانه شايف بكدة انه هيبقى سعيد وانه ممكن يحس باللذه اللى الانسان اللى جرحه حس بيها
صح ؟؟؟؟؟؟؟؟؟؟
فالناس كلها مش زى بعض
مش زى بعض فى الاخلاق او الطبع او النظرة او التفكير او حتى القلب
كل واحد بيختلف عن التاانى
الحاجة الوحيدة اللى اتفقنا عليها يوم ماربنا خلقنا هو المحبة لبعضنا البعض
بس ربنا شاب طريق الشر
وطريق الخير
مفتوحين
فواحد اختار طريق الشر وانه يبقى قلبه قاسى
وواحد اختار طريق الخير وان يسامح ويصبر ربنا يجبله حقه
فهمتى ؟؟؟؟؟؟؟؟؟؟؟
معلش مش عارفة افهمك اوى ​

ايون انا فهمت بجد
قصدك ان مش كل الناس كويسين و مش كل الناس وحشين و في ناس شايفة ان انتقامها من غيرها هيشفي غليلها و يسعدها
و ان قلبها القاسي هيخليها تحس بلذة
ماشي متفقين على الكلام دة

 

[YOYO JESUS]

طيب كويس انى عرفت افهمك اوصلك اللى عاوزة اقوله ياميرا
وموضوعك حلو ربنا يباركك
​

 

[paul iraqe]

اسمعي اغنية الحب كدة للسيدة ام كلثوم

وانتي حتعرفي الاجابة