رد على: مين دحرج الحجر ؟
اخي الفاضل كثير الادب ادب الحوار.
تروي لنا البشارات احداث القيامه بقصص مكمله لبعضها, ولم يكن هدفها الاسهاب في الشرح و الوصف لكن لتدوين اهم حدث في الكون الا وهو قيامه المسيح.
ان كنت تبحث عن الاحداث المتسلسله زمنيا حتى لايحدث اللبس فيما حصل وجرى صباح يوم الاحد فهي كما يلي.
1) قيام النساء في بكر الصباح لتحنيط السيد المسيح (متى 28 : 1-4 , مرقس 16: 1 -3 لوقا 24: 1, يوحنا 20 :1)
2) دحرجه الحجر من مكانه بواسطه ملاك (مرقس 16 :4, لوقا 24 :2, يوحنا 20 :1)
3) عوده مريم المجدليه لتخبر بطرس ان الجسد اختفى ثم اسراع بطرس ليستكشف الامر بنفسه, ثم عاد الى موضعه من جديدبعد ان وجد الاكفان وحدها دون الجسد (لوقا 24 :12, يوحنا20 :2-10)
4) عاد بطرس و اما النساء فبقوا ثم دخلوا القبر (مرقس 16 :5, لوقا 24 :3, يوحنا 20 :11)
5) ثم ظهور الملاكين للنسوه (لوقا 24 :4, يوحنا 20 :12)
6) ثم تكلم الملاكين للنسوه ( متى 28 :5-7, مرقس 16: 6-7, لوقا 24 :5-7, يوحنا 20 :13)
7) وبعد ذلك خرجوا النساء ليعودوا الى موضعهم ليخبروا التلاميذ بما قاله الملاكين (متى 28 :8 , مرقس 16 :8 , لوقا 24 :8-9)
8) ثم رائوا المسيح في طريق عودتهم ليخبرهم ان يلتقوا في الجليل (متى 28 :9-10)
9) اما مريم فكانت تظن ان الجسد قد سرق و كانت تبكي, فظهر لها المسيح, فعادت تخبر التلاميذ ما راءت (يوحنا 20: 15 -18)
10) وصول النسوه للتلاميذ و اخبارهم بما حدث ( متى 28: 11-15, مرقس 16: 9-20 , لوقا24: 10-12)
اتمنى ان تكون اتضحت.
سلام المسيح
عزيزي شكرا انك استشعرت أدبي ده لأنك مؤدب بالاصل .
واضح انك قدمت شىء تشكر عليه .
ولكن مش ده قصدي .
بص يا سيدي كل اللي حضرتك قلته ده .
ما فيش ذكر للملاك اللي قعد على الحجر وكلم مريم المجدلية ومريم التانية بكل اللي حصل .
وهوه ده قصدي تمام .
نسوه رايحين القبر وبينهم مريم المجدلية .
حصل زلزال وهمة ماشيين .
يعني الملاك حرك الحجر وقعد عليه .
وصلت مريم مع النسوة .
في اللحظة دي كلمهم الملاك (ومريم كانت بينهم بشهادة متى).
قال الملاك للنسوة ومعاهم المجدلية ان يسوع قام وطلب منهم يقولوا للتلاميذ الكلام ده وانه حيسبقهم للجليل .
هنا بقى أى حاجه تحصل بعد كده والحجر متزحزح .
تبقى مريم خدت علم ان يسوع قام .
غريب انها تقول لبطرس حسب انجيل يوحنا انهم اخدوا الجسد وما تعرفش هوه فين !
بينما في لوقا كان بطرس بين الاحدعشر تلميذ بيسمع من مريم المجدلية والنسوة ان يسوع قام .
وبناء على كلام مريم والنسوة راح اتأكد .
راجع كده نص متى اللي بيأكد حدوث الزلزال وزحزحة الملاك للحجر في الوقت اللي كانت فيه مريم المجدلية ومريم التانية رايحين القبر .
وأول ما وصلوا القبر شافوا الحجر متزحزح فقالهم الملاك : لا تخافا (يعني قال لمريم المجدلية)
وشرحلهم كل اللي حصل .
وما تنساش ان انجيل متى بيأكد ان مريم المجدلية شافت يسوع بعد ما سابت القبر وهية فى طريق العودة .(يعني بعد ما سمعت من الملاك كل حاجة) . فازاى هنا برضه تبكي وكانها مش عارفه انه قام !
وانجيل لوقا بيأكد ان النسوة شافوا 11 تلميذ (وبطرس طبعا كان بينهم).
وقالولهم ان يسوع قام ، التلاميذ ما صدقوش ، لكن بطرس هنا وبعد ما شكوا التلاميذ راح يتأكد .
يعني باختصار .
معنى ان مريم شافت الحجر متزحزح .
ده معناه برضه انها خدت علم باللي حصل من الملاك اللي زحزح الحجر وقعد عليه .
ولو شافت مين ما شافت بعد ما شافت الحجر اتزحزح وشافت الملاك .
مش حيبقى منطق انها قالت لبطرس أو لغيره (أخدوا المعلم) وكمان تقول (ما تعرفش حطوه فين)!!!!!!!!!!!!!!
لأن انجيل لوقا أكد ان مريم بعد ما خدت علم مع النسوة باللي حصل .
قالت للتلاميذ ان يسوع قام .
وساعتها بطرس راح يتأكد .
عرفت دلوقتي ليه أنا مستغرب .
بانتظار تفسيركم مع الشكر .