معاناة مع ( كيمو كونو )

[YOYO JESUS]

ازيكوا يااحلى اخوات . النهاردة المعاناة مع اخف دم فى المنتدى هو ( كيمو كونو ) crazy man
++++++++++++++++++++++++++++++++++++++++++++++++++++++++++++
يويو : اهلا بصلة
كيمو كونو : ازيك لايا . قولتلك بلاش بصلة وبطوط دول :t26:
يويو : انا حرة يابصلة :gy0000:
كيمو كونو : ماشى يابطاطسية
يويو : ها حامل اية النهاردة ؟
كيمو كونو ؟ يعنى اية حامل دى ؟
يويو : قصدى عامل اية يعنى ؟
كيمو كونو : اها كويس وانت
يويو : عاتيى عاتيى :08:
يويو : شوفت انا موضوعك بتاع الرومنسية
كيمو كونو : هههههههههه وعاجبك
يويو : اها اوى اوى
كيمو كونو : انهى صورة ؟
يويو : بتعات العريس والعروسة

كيمو كونو : حوة دى ؟
يويو : اااااااااااااااه اوى ههههههههههه
كيمو كونو : عقبال ماتبقى مكان اللى فى الصورة
يويو : يارب ههههههههههههههههههههه
كيمو كونو : المهم كنت عاوزك فى موضوع
يويو : قول يابصلية
كيمو كونو : من اولها لو قولتى بصليه او بطوط هاديكى كف ع وشك :t26:
يويو : :gy0000: عونيا
يويو : احكى احكى
كيمو كونو : بصى ياستى
يويو : بصيت
كيمو كونو : انا شوفت بنتوتة فى النادى
يويو : طيب تمام الفرح امتى ؟ :new6:
كيمو كونو : وحياة ابو زحلوف ؟ هنهزر ؟
يويو : خلاص اسفة كمل كمل
كيمو كونو : شوفتها وعاجبنى اخلاقها
يويو : من النادى ؟
كيمو كونو : اهاااااااااا
يويو : وعاجبك اخلاقها ؟
كيمو كونو : ايوة يابت
يويو: واية اللى عاجبك بتعرف تلعب تنس عدل ؟ :smil15:
كيمو كونو : تصدقى انك رخمة يابت
يويو : عارفة ماما بتقولى علطول كدة
يويو : المهم كمل
كيمو كونو : نفسى اكلمها
يويو : وجايلى انا اقوالك ؟
كيمو كونو : قولت يعنى انك بنت وممكن تفيدينى ولا انا غلطت ؟ ^_^
يويو : واضح ان فى تريقة لا وفى اجماع ع كدة :t9:
كيمو كونو : هههههههههههههههههههههه يلا بقى قولى
يويو : روح قولها انا معجب بيكى وعاوز اروح لبابا
كيمو كونو : ؟؟؟؟؟؟؟؟؟ والنبى ؟؟؟؟
يويو : اصل انت بتستهبل
كيمو كونو : لية ياخالتشى
يويو : اصل انا اعرف ان الاعجاب لو زاد عن 4 شهور يبقى حب
لكن من 3 دقايق فى النادى وبحبك ^_^
كيمو كونو : بتتريقى يايويو ؟
يويو : اة اة اة :t30:
كيمو كونو : المهم انا اعمل اية ؟
يويو : الفت نظرها
كيمو كونو : ازااااااااااااااااااااااااااااااى ؟
يويو : يعنى مثلا اعمل حركة احمد ادم فى شجيع السيما قدامها
كيمو كونو : اة يعنى اجيب اى اهبل اتخانق معاه قدامها ؟
يويو : اة بقى وياسلام لو الراجل ضربك بحق وحقيقى زى فى فيلم عادل امام وميرفت امين
كيمو : اية فيلم خيال علمى اللى انتى خارجه منه دا ؟
يويو : اوصفلى شكلها كدة
كيمو كونو : بصى
يويو : بصيت
كيمو كونو : مش طويلة ولا قصيرة
مش حلوة ولا وحشة
مش بيضة ولا سمرا
مش تخينة ولا رفيعة
يويو : مش هبلة ولا عبيطة :new6:
كيموكونو : مش انتى اللى قولتى اوصفها ؟
يويو : انا قولت اوصفها مش تخيلها
يويو : طيب اسمها اية ؟
كيمو كونو : مش عارف !!!!!!
يويو : عندها كام سنة ؟
كيمو كونو : مش عارف !!!!!!!!!!!
يويو : طيب اى معلومة عن الولية دى طيب ؟
كيمو كونو : ولا الهواااااااء
يويو : ومعجب بيها ؟
كيمو كونو : لابحبها
يويو : ياخراشى


كيمو كونو : لايا اتهدى :t26:
يويو : ؟؟؟؟؟؟؟؟؟؟؟؟؟؟؟
كيمو كونو : طيب قوليلى رايك فى الموضوع
يويو : بص
كيمو كونو : ها
يويو : اهم حاجة فى الفطير ان صوابعك تبقى حنينة عليه وانت بتفرده عشان ميكلكعش

كيمو كونو : بتهرجى ؟
يويو : لاصدقنى اللى يتقال ع الفطيرة ينفع ع البت بتاعتك
كيمو كونو : ثوانى واجيلك
يويو : طييييييييييييييييييييييييب
كيمو كونو : لو مجيتش يبقى اغمى عليا منك ld:
يويو : ههههههههههههههههههههههههههههههههههههههههه

وبعد 10 دقايق

يويو : كيمووووووووووووووووووووووووووو
الوووووو الووووووووووووووو
انت موت بجد ولا اية
طيب خلاص حقك عليا بلاش نظرية الفطيرة خليك فى نظرية المانجا
الوووووووووووووووووووووووو

وبكدة يبقى كيمو اغمى عليه من رخمتى الفظيعة عليه
ربنا يرحمه :new6::new6:
اقابلكم فى حلقة جديدة من برنامج ماما والاربعين حرامى
​

 

[!! Coptic Lion !!]

اشك في حوار النادي ده
​

 

[YOYO JESUS]

انا اللى بألف ياعياد هو مش بيقولى الكلام دا اصلا
انا اللى بعمل الحوار من دماغى
​

 

[!! Coptic Lion !!]

بردو شاكك
​

 

[YOYO JESUS]

شاكك من اية ياخال ؟
​

 

[!! Coptic Lion !!]

شاكك قصادي هههههه
​

 

[YOYO JESUS]

بنالش حضرتك ؟ ^_^
يلا اتفضل قيم
​

 

[!! Coptic Lion !!]

بنالش حضرتك ؟ ^_^
يلا اتفضل قيم
​

قيم واخلاق هههههههههههه
​

 

[YOYO JESUS]

هتخلص الوصلة بتعات الالش امتى ياعياد ؟ ^_^
​

 

[واثقه فيك يارب]

اخص عليكي يالارا
مش تقوليلي انكم بتدلعووا كيمو وتقولولوا يابصله

بس الحوار جميل يايويو وضحكني كتير
تسلم ايديكي

وياتري مين الضحيه الجايه
​

 

[YOYO JESUS]

هفكر وابقى اقوالك مين الضحية الجديدة
​

 

[!! Coptic Lion !!]

هتخلص الوصلة بتعات الالش امتى ياعياد ؟ ^_^
​

بعد ألش ليه وليله هههههههههه
​

 

[بنت الانبا انطونيوس]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
دلوقتى كيمو ييجى ويشوف فضيحته
ربنا يكون فى عونك يا لارا
حاسة انك هتتقتلى النهاردة

 

[+KiMO+]

سواني بقي ... محدش يحوش يا جدعان ,,,

مين ده يا بت انتي يا بت انتي الي انتي بتتكلمي عليه ...

كتبتي وصيتك ولا لسة !!!


ليكي يوم يا لايا ... ليكي يوم

 

[YOYO JESUS]

بعد ألش ليه وليله هههههههههه
​

ليك يوم ياظالم
​

 

[YOYO JESUS]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
دلوقتى كيمو ييجى ويشوف فضيحته
ربنا يكون فى عونك يا لارا
حاسة انك هتتقتلى النهاردة

هههههههههههههه مضربنيش اهو ههههههههههههه
​

 

[YOYO JESUS]

سواني بقي ... محدش يحوش يا جدعان ,,,

مين ده يا بت انتي يا بت انتي الي انتي بتتكلمي عليه ...

كتبتي وصيتك ولا لسة !!!


ليكي يوم يا لايا ... ليكي يوم

والنبى عسل يااخواتى ههههههههه
​

 

[ابن يسوعنا]

ومالة مش عيب
خليك جرئ يا كيمو ومتسئألس حد
اديك لما سالت اية اللي حصلك
المنتدي كلة عرف
انك مش عارف اسمها
ودة غلط
لازم كنت تجيب الاسم الاول
بس يا كيمو لو عايز
مدفع رشاش وناس تحتل بلدهم
قولي انا اخوك
وشكلة الدور الجاي عليا
ربنا يستر وعدد القتلي يكون اقل من الفين
​

 

[YOYO JESUS]

ومالة مش عيب
خليك جرئ يا كيمو ومتسئألس حد
اديك لما سالت اية اللي حصلك
المنتدي كلة عرف
انك مش عارف اسمها
ودة غلط
لازم كنت تجيب الاسم الاول
بس يا كيمو لو عايز
مدفع رشاش وناس تحتل بلدهم
قولي انا اخوك
وشكلة الدور الجاي عليا
ربنا يستر وعدد القتلي يكون اقل من الفين
​

هههههههههه ايامك بيضة
​

 

[soul & life]

بصلة .. بصلة منك لله يا شيخة بقا انا اقول للواد كيمو كونو يا لذيذ يا رايق وانتى تشحوريه وتقوليله بصله
ههههههههههه وانت ساكت على كده يا كيمو الا مشوفتلك حرف تعترض ولا تحتج ولا اى حاجة
انا كمان بشك فى حوار النادى ده :t9: