(معاي واحد زيو ..تشتريه بكام)
(أنتا جاي تشتري ولا تبيع)
(لا دا ولا دا ..بس فى تليفون أول أمبارح أتسرق مني زي دا...)
(هل يوجد عقد الشراء او ضمان الهاتف...فأن أتذكر تاريخ الشراء...فى يوم وأخبرته التاريخ)
(هشوف التاريخ فى الضمان)
(هوا التليفون أتسرق منك أمتا )
(هل يمكنك ان تخبرني مواصفات الشخص الذي باعه لك)
(هوا لابس جلابيه..وتابع الوصف...وقال..أنا شكيت فيه من منظروا بس لاقيته جايب الكرتونه وعقد الشراء بأسم أبن عمه..وطابقت بطاقته بالأسم الموجود فى عقد الشراء..فقلت أكيد مش مسروق لانه بتاع أبن عمو)
(لا هوا مسرقنيش ولا حاجه )
طلبت منه أن أعرف بأي مبلغ أشتري منه الهاتف بصدق..
(بصراحه أنا أشتريتوا منو ب600 جنيه)
(وأنتا شايف أنو يساوي 600 جنيه)
(تصدق بالله أنا لو قلتلوب100 جنيه كان هيبيعوا )
شكرته جدا وخرجت وأنا فى ذهول ...
لما لم يخبرني بما فعل....؟
قررت أن ألتزم الصمت ..لأني لو عارضته فى ما فعل سيقول أنه هاتفه وأني أحصل علي ثمنه حسب الأتفاق
مضي أسبوع وأسبوعان وشهر وشهران وجاء أخر الشهر الثالث...
ذهبت له فى البيت ..وقلت له بعد غد ميعاد القسط...
(بعد بكره أن شاء الله هتكون ال 100 جنيه معاك)
(متحرجنيش مع حد ما يستاهلش)
(عيب يا ابن عمي ..أنا مرضهالكش)
قلت فى نفسي ربما هو لم يستطع التعامل مع الهاتف فمل منه وباعه..
(معلش يا ابن عمي الحاله وحشه قوي أصبر يومين كمان)
(أنا مش قلتلك الكلام ده ..وأنتا مشمعتش كلامي....)
(انا ملتزم بأتفاق مع الراجل ...ايه الحل دلوقت)
(معلش يا ابن عمي أديلو ونا هحاسبك)
حينها لم أجد ما يمنعني أن أخبره عن كل ما عرفته
(طيب انتا بعت ليه التليفون)
(مين قالك الكلام دا ..بعتو ازاي)
(أنتا بعتوا فى المحل الفلاني ...وبعتو ب600 جنيه)
(ايوا بعتوا ..عايز أيه...)
(لا مش عايز حاجه ..بس متنساش أني أنا اللي مدبس فى الموضوع...)
(انتا بتذلني ...قولتلك يومين)
(أنا مش بذلك ولا حاجه بس عيز أجمع حل معاك)
(بص أنا قلتلك يومين مش محتاجه كلام كتير)
علمت أن الله لا ولن يشأ ...لأني عرفت أن أبن عمي ينوي أن لا يدفع شيء ..وسأكون أنا المتضرر..وسأتحمل نتيجه ثقتي العمياء فى أبناء عمي....
وبالفعل ..ذدهبت للرجل فى الميعاد وأعطيته ملبغ 100 جنيه
وبعد يومان ...ذهبت لأبن عمي ...
(ربنا يحلها كدا وهتفرج أكيد..بس أنتا متزعلش)
(أنا دفعت القسط..وعندي أستعداد أدفع الملبغ كلو دلوقت...)
(يا عم خلاص عارفين أنك تقدر وبلاش تحسسنا أنك أعلي مننا كدا وأنا أحنا مش لاقيين ناكل)
(انا مبقلكش كدا علشان تقول الكلام دا ..بس عايز أعرف أنتا فعلا ناوي تدفع القسط ولا أخدها من قصيرها وأدفع المبلغ اللي فاضل كلو..)
(أنتا تقصد أني أنا بدحك عليك ومش عايز أديلك)
(انتا ليه بتفكر بالطريقه دي ..عادي يا أبن عمي والله ...احن ولاد عم متفرقش...)
(خلاص لو تقدر أدفعوا كلو علشان متيلش هم..وأنا وعد أني أول ما تيجي قداميس فلوس هديهالك)
(ماشي يا ابن عمي ...بس خلي فى بينا ثقه وأحكيلي ..لو فى حاجه معاك...ولو ناوي تعمل حاجه)
(انا خفت تزعل لو أنا بعت التليفون)
(أنا هزعل أن أبن عمي يتسرق منو تليفون ...وميعرفش يجيبوا)
(منا بردو أتزليت بالموضوع دا ..وكلو قعد يقلي أني بتسرق وخدوها عليا زله)
(ولا يهمك يا ابن عمي ...)
أستأذنته وشعرت أنه بمجرد أن قررت المغادره وكأن روحه عادت له....
جزاء حماقتي دفعت باقي المبلغ كله وخصم الرجل مبلغ 100 جنيه لكوني سددت المبلغ دفعه واحده
ليصبح المجمل...3100 جنيه بعد خصم 100 جنيه لتسديد المبلغ قبل الميعاد
تبقي معي من ما أدخره من المرتب 3000 جنيه
ذهبت الي الحقل فى وقت متأخر جدا من اليلل ..وجلست أفكر
ما هذا التفكير الشيطاني الذي أستدرجني به أبن عمي...؟
أم أنه ليس تفكير شيطاني...بل حماقه متناهيه مني...؟
هل يعاقبني لأني وثقت بأبن عمي ونفذت طلبه عندما قصدني فى شيء ...؟
وماذا ينتظر مني أن أفعل ....
وما سيكون رد فعل أي شخص أخر كان فى مثل هذا الموقف...؟
انا علي يقين أن أبن عمي لن يدفع لي ...وفعلا لم يدع لي مليم واحد...وكنت محرج أن أسأله...
وهو كان يتجاهل كل شيء..كنت محرج ان أجلس معه ..فربما يظن أني أريد أن أطلب منه ما لي عنده
وهو كان يهرب من أي مكان أنا فيه ...حتي جاء يوم وأفتعل مشكله من لا شيء معي..وجعلها طريقه للتخلص مني
بعد يومان ظننت أني ربما أكون جرحت مشاعره..فذهبت له لأصالحه فى المنزل ...
قلت له
(معلش يا أبن مي ..متزعلش مني..)
قال لي
(أنتا عايز ايه..)
قلت له
(مش عايز حاجه..جاي أصالحك...)
قال لي
(بص أنا عارف أنك جاي تصالحني علشان تقدر تطلب مني فلوسك..بس أنتا ملكشي عندي فلوس)
قلت له
(أنا بجد جاي أصالحك ومش عايز الفلوس..)
قال لي
(بص لا تصالحني ولا أصالحك..وخلاص كدا...)
قلت له
(انتا زعلان مني للدرجادي)
قال لي
(انا مش زعلان من حاجه..بس أختصرني وأختصرك..)
قلت له
(طيب وأيه اللي حصل لكدا...موقف وخلص ...وانا لو كنت غلطان أديني بعتزرلك...)
قال لي
(بص اللي عندي قلتو..وخلينا ولاد..عم أحسن...)
قلت له
(وهوا في ولاد عم بيختصروا بعضهم...)
قال لي
(ياعم أنا قلت اللي عندي ومتدينيش حكم ومواعظ)
قلت له
(حاضر يا ابن عمي اللي يريحك...سلام.)
كم انا أحمق وأحمق قلبي..ومجرد من العقل تماما...
ما هذا التفكير الذي وصل أليه الناس....
لا ليسوا الناس....أنهم أقرب الأقرباء...
بأمانة المسيح أبناء عمي جميعهم ...لا يفوتهم فرض...!!!!
ما الذي يجعل أبن عمي يتكلم بتلك الشجاعه معي رغم أنه يعلم أنه مديون لي ويجب أن يرد دينه....؟!!
هل هو سبب من الله لمعاقبتي...كما ستكون العديد والعديد من الشخصيات سببا فى تدميري..ومعاقبتي علي محبة قلبي لهم
