أقتحام أعماق كاتب ... متجدد "الضيف الثالث Dona Nabil "

[Twin]

بعد أن تم الأعلان عن هذا الموضوع هنا أجمل الذكريات ... عند الأخرين ,,, للمهتمين بقسم الكتابات

نبدأ اليوم وعلي بركة الله ​

والموضوع ببساطة ....
أننا هنستضيف كاتب ... من كُتاب المنتدي المتميزين ...
ال أثروا المنتدي بمواضيع لها ثقل ورونق ...
مواضيع علي مر سنوات ... مواضيع علي كل المستويات​

وهنحاول اانا نكتشف شخصية هذا الكاتب من خلال قلمه

فالكتابة موهبة كأي المواهب ... ولكنها تختلف ...
فهي تستطيع أن تعبر عن شخصك وحالك بشكل دقيق ومثمر
فالكتابة قد تنمو وقد تذدهر ... مع الوقت ... ولكنها موهبة ... لا يستطيع أن يقتنيها الكثيرين
فالرسام مثلاً ... موهوب بالفطرة نعم ...
ولكنه قد يرسم ويعبر عن ما يراه وما يحتك به ... ولكن ... من الصعب أن يعبر عن ما بداخله من مشاعر مثلما يعبر عنها قلم الكاتب ​

وهنا وفي هذا الموضوع ... نستضيف كاتب ... وسيقوم بأستضافته محاور ومحاورة ... مع المتابعين طبعاً ... فالموضوع مفتوح للكل وبأي شكل

فكل ما سنحتاجه ... أن نقرأ مواضيع هذا العضو ... إن أمكن كلها
وسنحاول أن نشاركه فيها بمشاعرنا وبكلماتنا ... سواء بالتقدير والتكريم أو بالنقد البناء
وهذا الموضوع وجد خصيصاً ... لتكريم هؤلاء
وسيتسمر ليصل الي كل من أثري القسم هنا والمنتدي بقلمه وبمواضيعه ​

وع البركة :t13:​

 

[Twin]

فهرست الموضوع ​

الضيف الأول ... كانت معنا العضوة الرائعة ‏G.a.L.a.x.y ... هنا
الضيف الثاني ... العضو الرائع elamer1000 ... هنا
الضيف الثالث الرائعة ‏Dona Nabil ... هنا ​

 

[Twin]

مع الضيف الأول -الكاتب-

عضوة هي ... لها رونق وشكل في عالم الكتابة ... لها أسلوب مميز ... بسيط ... تلقائي
أعطت المنتدي الكثير والكثير
عضوة من منتصف عام 2007 معانا في المنتدي
عرفناها بأسم كيريا ... والأن لها أسم أخر ... G.a.L.a.x.y
عاشقة الشيكولاته :hlp:
كان -ومازال- لها تواجد في كل الموضيع في المنتدي ... وخاصة في قسم الكتابات

فمرحباً بها

ومرحباً بالأخ عبود والأخت كوينا ... معانا كمستضفين للضيف ​

 

[Twin]

وقبل بدأ الحوار ...​

هذا أجمل ما دونته كيريا -G.a.L.a.x.y -​

حلمت ان ..​

مال الدنيا معندانى (غريب يازمانى)​

انا طير وبعشق الجنون ‏​

الحق الفرصه يبمكن بكرة متلحقش ‏​

لما الرب أنار قلبى ... خواطر عابر من الظلمه ‏​

انتهت بالتمنى مع المجهول انا خايفه قوى ‏​

ساعات بكون خايف ​

هى من الدنيا ولا مننا احنا؟؟​

انا لحبيبى​

لم اضع لها عنوان ( الجزء الاول) ​

انسى انت مش قدى​

عايزة الون حياتى بلون بمبى​

زغرتــوا يابنــات العــذرا زارتنــا​

محتاجـــلك ‏​

صـــــــــــــــــــــــــــرخه مجروح​

اكـــــــــــــــــــ قيودى ـــــــــــــــــــــسر​

متظلموش الحب ياريت​

اسمحيلى بعناق اخير لوداعك صديقتى ​

يمكن محتاجلك​

​

​

 

[+Nevena+]

تسجيل متابعه

لحد ما اقرا المواضيع واجي اقول رايي

 

[عبود عبده عبود]

قريت لك موضوعين ...وجارى قراءة الباقى
بالنسبة للشعر أنتى بتكتبى أزاى ؟
يعنى : بينتابك شعور معين فالقلم بيكتب ؟
أو بتقرى كتابات محددة بتاثر فيكى ؟
دة كان بداية لغاية ما اقرا كل أعمالك ...

 

[G.a.L.a.x.y]

قريت لك موضوعين ...وجارى قراءة الباقى
بالنسبة للشعر أنتى بتكتبى أزاى ؟
يعنى : بينتابك شعور معين فالقلم بيكتب ؟
أو بتقرى كتابات محددة بتاثر فيكى ؟
دة كان بداية لغاية ما اقرا كل أعمالك ...

بص انا بديت اكتب وانا فى تالته ابتدائى كنت بكتب سطرين واطير بيهم من الفرح
رغم انى مكنتش اعرف غير القصايد الا بندرسها فى اللغه العربيه لكن كنت بحب اكتب
عمرى لا قريت لحد ولا اعرف كتابات حد غير الا كنت بقراهم فى المذاكرة لما كبرت قريت قليل اووى لصلاح جاهين لكن تقدر تقول انى بكتب بدون ما يكون عندى ثقافه قرايه لحد ولا ثقافه سماع حد ولا قوانين الشعر حتى

انا مش بقدر اكتب كل لحظه الا بحسه بس ويأثر فيا بيخلينى اكتب ودة كان من فترة اول مرة اخد الموضوع جد واكتب كان شعورى قوتها عايزة انفجر فى اى حد بس بطبيعتى انى مش عصبيه ولا بعرف ازعق فكانت الكتابه هى المنفذ الوحيد ليا اخرج فيه كل مشاعرى ففتحت موبايلى وفضلت اكتب اكتب وملاحظتش غير بالاخر ان الا كتبته كان موزون ومقفى فنزلته فى المنتدى كانت قصيده غريب يا زمانى تعتبر اول قصيده حقيقيه ليا بسيطه ومعانيها بسيطه

ممممممم اهم حاجه انى مش بحب الكلام المعقد المسترسل بحب القصيده الا تحس انك بتقرا قصه السطور مترابطه ببعض وكل سطر بيكمل الا بعده الكلام بسيط مش محتاج معجم عشان تفهمه يقدر يترجم مشاعرك زى ما ترجم مشاعرى

اخيرا الخاطرة الا تحسها مش مفهمومه او محتاج تعلق عليها اسألنى لانى لما كنت بكتب مكنتش بهتم ان غيرى يفهمه

اسفه طولت بالكلام

 

[حبو اعدائكم]

متابعه...

 

[عبود عبده عبود]

اخيرا الخاطرة الا تحسها مش مفهمومه او محتاج تعلق عليها اسألنى لانى لما كنت بكتب مكنتش بهتم ان غيرى يفهمه

أفضل أنواع الكتابات لما تتكتبى لنفسك ...
أول ما كُتب هو أفضل ما كُتب ...سأعود اليكى

 

[sha2awet 2alam]

متابعة يا قمراية و هقرا كل المواضيع تباعًا باذن ربنا

 

[Twin]

متابع ... وليا عودة

منورة يا جلاكسي​

 

[G.a.L.a.x.y]

نــــــدل

مخدوعين فيا مستوايا متدحدر على الاخر هههههههههه
مسجله متباعه معاكم اشمعنى انتم تسجلوا متابعه وانا لا :new6:

 

[Twin]

سؤال يا كيريا ....
من كاتب لكاتب

موضوعك ... سواء كان مقاله أو شعر أو حتي قصقوصه
بتكتبيها مرة واحدة لايف يعني ... والا ممكن تعيدي وتذيدي فيها لحد اما تخلصيها

وغير كدة ... أول شعور بالنسبة لك ... واول سطر بيكتبه قلمك ... بالنسبة ليكي هو الأصدق والأدق ... والا ممكن تعيدي تكوينه ليكون أدق ؟

فهمتي ؟​

 

[Twin]

سؤال ع السريع تاني ... أيه اقرب موضوع لقلبك هنا في المنتدي ؟
قوليلي عليه علشان أفتتح القرايه بيه ​

 

[PoNA ELLY]

فعلا الأخت جلاكسي كلامها وكتاباتها جميل

متابع
​

 

[G.a.L.a.x.y]

سؤال يا كيريا ....
من كاتب لكاتب

موضوعك ... سواء كان مقاله أو شعر أو حتي قصقوصه
بتكتبيها مرة واحدة لايف يعني ... والا ممكن تعيدي وتذيدي فيها لحد اما تخلصيها

وغير كدة ... أول شعور بالنسبة لك ... واول سطر بيكتبه قلمك ... بالنسبة ليكي هو الأصدق والأدق ... والا ممكن تعيدي تكوينه ليكون أدق ؟

فهمتي ؟​

بص يا توين مش هكدب عليك انا مش بكون محضره انى اكتب بتيجى لوحدها كدة
ومن غير تعديلات ببتدى اكتب والاقى الكلام مشى لوحده والقصيده خلثت حتى مش بفكر اعدل عليها
المرة الوحيده الا عدلت فيها وظبطتها كانت بمساعده مشرف فى المنتدى بقصيده للعابرين بعد ما كتبتها قالى الكله دى غيريها دى حطيها دى نونيها كدة يعنى


مش بحسبها بالطريقه دى لانى لما باجى اكتب حاجه تعبر عنى بحط كل مشاعرى فيها من اول سطر لاخر سطر
لما تيجى تعدل عليه هيكون شكله احلى بس يفضل المعنى واحد والاحساس واحد يعنى مش ممانعه اعدل عليه واظبطه عشان يكون احلى ويرتقى لمستوى قصيده شعريه مدام نفس احساسى فيه متغيرش

 

[G.a.L.a.x.y]

سؤال ع السريع تاني ... أيه اقرب موضوع لقلبك هنا في المنتدي ؟
قوليلي عليه علشان أفتتح القرايه بيه ​

فى كتير قريبين ليا وكتبتهم فى اوقات مهمه اوى فى حياتى
بس تقدر تقول ان اكتر قصيده كتبتها بكل احساسى هى قصيده

انتهت بالتمنى مع المجهول انا خايفه قوى ‏​

​

كتبتها ولسه بعانى منها , احداثها بتتكرر معايا وعايشه جوايا​

 

[G.a.L.a.x.y]

فعلا الأخت جلاكسي كلامها وكتاباتها جميل

متابع
​

شكرا بونا : )

 

[white.angel]

جلاكسى انسانه حساسه ومرهفه جداً ...
بحسها بنوته عثل فى زمن انقرضت فيه البنات ...
كتاباتها ومشاركتها وكل حاجة بتعبر عن كدة ...

تسجيل متابعه
​

 

[+Nevena+]

هما المستضفين نايمين ليه كدا

يا قوم اصحوا

طب اغلس وانشط الموضوع