ناشطة قبطية على تويتر : اقباط مصر .. ستعاقبون بما لم يعاقب به المسيحيون في

[Molka Molkan]

ناشطة قبطية على تويتر : اقباط مصر .. ستعاقبون بما لم يعاقب به المسيحيون في تاريخ مصر كله !


ناشطة قبطية على تويتر :
شفيق متقدم ف الكشح !! ، وشرحه ف شبرا !! ، اعزائي اقباط مصر المسيحيون ، ستعاقبون بما لم يعاقب به المسيحيون في تاريخ مصر كله !

 

[Molka Molkan]

تعليقي: كلامها صحيح تماماً...

 

[aymonded]

معلشي يا جميل مش فاهم القصد بصراحة !!!
ايه المقصود بـ: شفيق متقدم ف الكشح !! ، وشرحه ف شبرا !! ، اعزائي اقباط مصر المسيحيون ، ستعاقبون بما لم يعاقب به المسيحيون في تاريخ مصر كله !​

 

[joeseph.jesus]

يعني سوف ترجع عصور الفتنة تاني زي مثله الاعلي مبارك و رفاقه

ربنا يدبرها بقي

 

[aymonded]

يعني سوف ترجع عصور الفتنة تاني زي مثله الاعلي مبارك و رفاقه
ربنا يدبرها بقي

آها القصد كده يعني....
بصراحة انا مش شايف كده خالص، مش علشان عاجبني شفيق والا مش عاجبني، الموضوع أن لو الأقباط عاشوا حياة التوبة واتكلوا على الله بكل قلبهم، فسيتمجد الله الحي بصورة تفوق كل وصف، لأن الكنيسة رأسها المسيح وهو الغالب فيها والمُدافع عنها فعلاً، فالموضوع يتوقف على توبتنا وحياتنا كمسيحيين حقيقيين، ولمن نُسلم أمورنا، لأن الذي معنا أقوى من الذي علينا، وسيحدث العكس أن لم يكن لنا إيمان حي بيسوع المسيح رأس الكنيسة...
أما الموضوع السياسي فشيء آخر، لأننا لا نختار عموماً من يدافع عن الكنيسة أو الذي يقف بجوارها، ومن الطبيعي أن أي ناشط سياسي بعدم إيمان حي يقلق على الكنيسة لأنه ينظر إلييها كمؤسسة في دولة وليست كجسد المسيح الحي، لكننا كمؤمنين حقيقيين لا نقلق على كنيسة المسيح الحي فيها، أن كانت تحيا فعلاً كأعضاء حيه من لحمه وعِظامه على مستوى الواقع العملي المُعاش ويظهر فيها ثمار الروح.... النعمة معك
​

 

[man4truth]

آها القصد كده يعني....
بصراحة انا مش شايف كده خالص، مش علشان عاجبني شفيق والا مش عاجبني، الموضوع أن لو الأقباط عاشوا حياة التوبة واتكلوا على الله بكل قلبهم، فسيتمجد الله الحي بصورة تفوق كل وصف، لأن الكنيسة رأسها المسيح وهو الغالب فيها والمُدافع عنها فعلاً، فالموضوع يتوقف على توبتنا وحياتنا كمسيحيين حقيقيين، ولمن نُسلم أمورنا، لأن الذي معنا أقوى من الذي علينا، وسيحدث العكس أن لم يكن لنا إيمان حي بيسوع المسيح رأس الكنيسة...
أما الموضوع السياسي فشيء آخر، لأننا لا نختار عموماً من يدافع عن الكنيسة أو الذي يقف بجوارها، ومن الطبيعي أن أي ناشط سياسي بعدم إيمان حي يقلق على الكنيسة لأنه ينظر إلييها كمؤسسة في دولة وليست كجسد المسيح الحي، لكننا كمؤمنين حقيقيين لا نقلق على كنيسة المسيح الحي فيها، أن كانت تحيا فعلاً كأعضاء حيه من لحمه وعِظامه على مستوى الواقع العملي المُعاش ويظهر فيها ثمار الروح.... النعمة معك
​

يجب فصل الدين عن الدولة تماما
لتبقى الكنيسة مؤسسة روحيه فقط لا يربطها بالسياسة اى رابط
مشكلتنا هى الخلط ورجال الدين يزجون بانفسهم او يزج بهم بهم فى السياسة وهذا اخطر ما يكون على كنيسة المسيح
نريد كهنة واساقفة لا يكون لهم اراء سياسية غير ارائهم الشخصية التى يحتفظون بها لانفسهم مثلهم مثل اى قبطى اخر
بمعنى انهم افراد لا يكون لهم تاثير او توجيه سياسي على الاقباط
نريد كوادر قبطيه علمانيه تهتم بالسياسة وتتقدم فى السياسه والعمل السياسي لكى تعبر عن اراء الاقباط بلا طائفية ولا يكون عليهم او لهم تاثير كنسي
وهذا كله مبدا مسيحى اساسى
ان فقدناة رجعنا الى العصور الوسطى حينما فقدت الكنيسة عملها ومكانتها واهتمت بالسلطة والقوه فحدث ما نراة الان فى اوربا والغرب من بعد عن المسيح وخلط بين الاخطاء الفردية من الاشخاص اللذيين لهم مراتب كنسية وبين المباديء الكنسية.

​

 

[bob]

مممم وهل تقدم شفيق في المنوفية بقلتها المسيحية ايضا دليل علي عدم شعبيتة !!

 

[girgis2]

المسيحيين ضحية مش سبب في كدة :

http://www.arabchurch.com/forums/showpost.php?p=3192847&postcount=53
​

 

[حبيب يسوع]

الرب معنا ولن نخاف ابدا

 

[justlonelyman]

كلام صح جدااااااااااااااا للاسف فيه مسيحين كتير انتخبوا شفيق و كان امامنا فرصة افضل لو اتحدنا خلف حمدين صباحى حمدين لو اخد اصوات الاقباط ف شبرا و سوهاج و اسيوط كان زمانه دلوقت فرصته اكبر لكن للاسف الاقباط لم يكونوا حكماء ف اختيارهم اتمنى ان حمدين يصل للاعادة و لو ان المؤشرات بتقول ان الاعادة بين مرسى و شفيق بجد خسارة و الف خسارة ان حمدين مش هيكسب حمدين كان الافضل و الاجدر و لو الاعادة بقت بين شفيق و مرسى مرسى له فرصة اكبر لان الاخوان هيعرفوا يحشدوا الكتلة التصويتية الاخوانية و السلفية لصالحهم بجانب شباب الثورة اللى ممكن يؤيد مرسى كرها ف شفيق بجانب المصريين الغير مسيسين اللى هينزلوا لمرسى عملا بمبدأ ان شفيق فلول .. عن نفسى مش شايف فرق بين شفيق و مرسى من ناحية مبدأ الفلول لان مرسى قال قبل كده ع زكريا عزمى و الشلة الفاسدة اياها بتاعة الحزب الوطنى انهم رموز للوطن و اننا هنفضى لهم دوائر الانتخابات ف 2005 ع ما اعتقد و كان بينسق مع الامن ع مقاعد البرلمان يعنى هو كمان فلول لو مشينا بنفس المبدأ

 

[+Nevena+]

ايه الكلام دا محدش انتخب شفيق خوف من الاخوان او غيره
واللي يفكر كدا يبقي غبي جدا وتفكيره محدود
لان اتكلنا اولا واخيرا علي ربنا اللي بيحمينا
مش علي ذراع انسان

وكلام غير صحيح بالمره

هما الاقباط بس اللي رشحوا شفيق ؟؟؟؟؟؟؟؟؟؟؟؟؟؟؟؟
اشك

 

[ميرنا]

ترشيحى لشفيق مش خوف من الاخوان ولا السلفين ترشيحى ليه جاى عن اقناع بشخصة وبفكرة وكل واحد حر مش مجبرة انا اختار واحد مش عاجبنى عشان اوحد صوتى وبعدين يكفيكو شر ابو وشين

 

[apostle.paul]

المنوفية مفهاش مسيحين كتير ونص مليون فيها لشفيق
الراجل شعبيته كبيرة مترمهاش بس على المسيحين
بس احنا لو وجهنا اصواتنا كمسيحين لحمدين كان الراجل زمانه على الاقل اعادة مع مرسى ودا افضل مليون مرة من الوضع الحالى

 

[وفاء وليم]

من ذا الذى يقول فيكون والرب لم يامر

 

[چاكس]

ستعاقبون بما لم يعاقب به المسيحيون في تاريخ مصر كله !!

بصراحة الجملة لها وزن جامد ، عجبنى وزنها ...
بالنسبة للاقباط فانا شخصيا انتخب شفيق عشان خاطر امرأة قبطية صديقة لوالدتى كنا فى اللجنة سوا ، نصحتنى انى انتخب شفيق مع انى كنت رايح لموسى، انا وافقتها لانها امرأة عاقلة بجد و لان الانتخابات مش فارقة معايا اصلا ، اعتقد شفيق اذا فاز يعنى هيظبط البلد داخليا ...
شفيق اذا فاز هترجع الفئران الى جحورها ..

رسالتى الى هذه الناشطة ... لن يفوز شفيق

 

[Abd elmassih]

انا رشحت شفيق بناء على قناعتى بيه وانا شايف انه الاجدر حاليا لهذا المنصب
وبعدين شفيق متقدم فى الشرقيه والمنوفيه والغربيه والمسيحيين قليلون فى هذه المحافظات
وربنا يوفقه
​

 

[sha2awet 2alam]

امبارح قعدت ساعتين تقريبا بشد مع مجموعة مسلمين شايفيين ان لو شفيق كسب المسيحيين هما اللى كسبوه ببساطة !!! و ان المسيحيين فلول و ناسين تماما ان الميسحين ككتلة تصويتية اصلا متجيش حاجة جنب الاصوات الاسلامية المكتسحة

احب اقولكم الناشطة دى عندها حق ... لو شفيق وصل للاعادة وش كدة اعرفو ان مرسى هيكسب باكتساح ... و برضه هيفضلو يقولو ان المسيحيين هما الى ساعدو شفيق يوصل للاعادة !!

لو حمدين هو اللى يوصل للاعادة يبقى افضل مليون مرة بجد ... ربنا يدبر بقا

 

[The Antiochian]

يا أحباء أرجوكم ، شفيق مهما كان جيداً فهو لن ينجح بالإعادة ، وحمدين مهما كان سيئاً فرصته كبيرة في الإعادة ، لماذا لا نتصرف بذكاء سياسي في وجه تجار الدين ؟؟

 

[apostle.paul]

نعمل ايه يعنى نجيب حمدين منين مخلاص مشى

 

[sha2awet 2alam]

لسة ممشيش المركز التانى بينه و بين شفيق بفارق اصوات بسيط مين عارف النتايج النهائية تكون فى صالحه !!!