حوار صريح جدا بين اعضاء منتدي الكنيسة(متجدد)

[جيلان]

ههههههههههه يعني عشرة كلية وعايزه نغششك كمان لالالالالالا ده اتي اللي تعرفينا بيها بقي يا جيلان ههههههه

ههههههههه ماشى هحاول اجتهد وهبعتلك الجنيه بردوا متقلقيش :flowers:

 

[بنت موسى الاسود]

اولا ايه اكتر صفه نفسك تغيرها فيكى

ثانيا ايه اكتر حاجه كرهتيها فى الكليه

ثالثا ايه اهم طموحاتك

رابعا لو نفسك تروحى جزيره بعيده ايه هى وسيله الاتصال اللى تحبى تاخديها واختارى شخص واحد تاخديه معاكى سواء بنت او ولد


خامسا وليس اخيرا امتى حسيتى ان اايد ربنا بتطبطب عليكى

اظن كده تمام اهو يالا يا حلوة جاوبى وبكل صراحه

 

[بنت موسى الاسود]

معلش بقى مش عايزين انحياز يا روزى انتى شكلك جايه فى صفها

 

[بنت موسى الاسود]

ايه يا جيلى انتى فكره نفسك فى امتحان د/ سلوى ولا ايه كل ده بتجاوبى يالا بقى

 

[بنت موسى الاسود]

ها يا شباب مفيش حد هنا ولا ايه يا جماعه حد يرد عليا يا بنأدمين نحن هنا

 

[جيلان]

اولا ايه اكتر صفه نفسك تغيرها فيكى

التسرع خصوصا فى الثقة فى الناس حتى اسرتى طول الوقت بيحاولو يقنعونى ان الناس مش ملايكة وانا فاكرة نفسى جدعة اوى واقدر اعيش ضد العادات والتقاليد الى مش على مزاجى والصراحة لسة مقتنعة بده بس متقوليش لحد ههههههه

ثانيا ايه اكتر حاجه كرهتيها فى الكليه

المحاضرات الى بتتلغى كدة منهم لنفسهم بعد ما تضربى المشوار بحس بالدونية لما ده يحصل غير طريقة الدراسة والكثافة العددية صراحة كل حاجة فيها مكانتش عجبانى معادا انتو هههه بس كانت ايام حلوة اوى

ثالثا ايه اهم طموحاتك

يبقى عندى شركة سياحة لو السياحة متضربتش يعنى اكتر ماهى مضروبة ههههههه

رابعا لو نفسك تروحى جزيره بعيده ايه هى وسيله الاتصال اللى تحبى تاخديها واختارى شخص واحد تاخديه معاكى سواء بنت او ولد

وسيلة الاتصال الى عايزاها نت
لو كنت بحب هاخده معايا ولو لا هاخد اختى او حد من اصحابى المقربين

خامسا وليس اخيرا امتى حسيتى ان اايد ربنا بتطبطب عليكى

اظن كده تمام اهو يالا يا حلوة جاوبى وبكل صراحه

حسيت بايد ربنا كتييير اوى فى كلمة بيبعتهالى على لسان حد وقت ما اكون متضايقة او فى موقف بيكشفلى فيه الحقيقة ويلحقنى بطريقته وفى مواقف انتى عارفاها يبان فيها ان ربنا انقذنى فعلا

استنى بقى امخمخ فى اسئلة واجى

 

[جيلان]

ايه يا جيلى انتى فكره نفسك فى امتحان د/ سلوى ولا ايه كل ده بتجاوبى يالا بقى

ها يا شباب مفيش حد هنا ولا ايه يا جماعه حد يرد عليا يا بنأدمين نحن هنا

هههههه الله مش بجاوب على مهلى
د سلوى .. فكرتينى بالذى مضى
استنى اسألتى بقى

 

[بنت موسى الاسود]

المحاضرات الى بتتلغى كدة منهم لنفسهم بعد ما تضربى المشوار بحس بالدونية لما ده يحصل غير طريقة الدراسة والكثافة العددية صراحة كل حاجة فيها مكانتش عجبانى معادا انتو هههه بس كانت ايام حلوة اوى
دى كانت احلى حاجه المحاضرات تتلغى عشان نعقد مع بعض هههههههه



يبقى عندى شركة سياحة لو السياحة متضربتش يعنى اكتر ماهى مضروبة ههههههه
كان نفسى طموحى لما تعملها يا اختى متنسنيش فى اى حته كده معاكى انشاءالله اعملك الشاى والقهوه



وسيلة الاتصال الى عايزاها نت
لو كنت بحب هاخده معايا ولو لا هاخد اختى او حد من اصحابى المقربين



حسيت بايد ربنا كتييير اوى فى كلمة بيبعتهالى على لسان حد وقت ما اكون متضايقة او فى موقف بيكشفلى فيه الحقيقة ويلحقنى بطريقته وفى مواقف انتى عارفاها يبان فيها ان ربنا انقذنى فعلا
ولسه يامما هتشوفيه ايده بس متبقيش تشليهااا

استنى بقى امخمخ فى اسئلة واجى

طيب ياختى يالا بسرعه ايام ويتنج

 

[جيلان]

دودوو

1- ايه اكتر حاجة مش ممكن تقدرى تتحمليها فى شريك حياتك ؟

2- شايفة نفسك ايه كمان عشر سنين ؟

3- اختارى مكان فى العالم تتمنى تعيشى فيه ولو كان مصر قولى بردوا

4- ايه اكتر صفة بتحبيها فى نفسك ومش هنقول عليكى شايفة نفسك قولى عادى ههههه

5- لما تكونى متضايقة فى مكان معين بتروحيه او حاجة معينة بتعمليها ؟ ولو فى ايه هى ؟

 

[جيلان]

دى كانت احلى حاجه المحاضرات تتلغى عشان نعقد مع بعض هههههههه

هههههههههه واحنا كنا عاتقين ماهه حتى لو فى كنا بنعد بردوا

كان نفسى طموحى لما تعملها يا اختى متنسنيش فى اى حته كده معاكى انشاءالله اعملك الشاى والقهوه

لا عيب متقوليش كدة هنسىء احنا الاتنين ان شاء الله هههههه
شركا بقى

طيب ياختى يالا بسرعه ايام ويتنج

نزلت الاسئلة يلا ورينى بقى

 

[بنت موسى الاسود]

دودوو

1- ايه اكتر حاجة مش ممكن تقدرى تتحمليها فى شريك حياتك ؟

لو انا بحبها هتحمله اى حاجه منه لانى هشوفها كامل او حبى ليه هيخلينى اشوفه كده

2- شايفة نفسك ايه كمان عشر سنين ؟

مش عايزة اشوف عشان متصدمش بالواقع

3- اختارى مكان فى العالم تتمنى تعيشى فيه ولو كان مصر قولى بردوا

اى مكان مع البنأدم اللى بحبه

4- ايه اكتر صفة بتحبيها فى نفسك ومش هنقول عليكى شايفة نفسك قولى عادى ههههه

مش عارفه

5- لما تكونى متضايقة فى مكان معين بتروحيه او حاجة معينة بتعمليها ؟ ولو فى ايه هى ؟

سريرى وافضل اعيط كتير او اللى انتى عارفه

 

[جيلان]

ايه الكروتة دى ههههههههه انا عايزة اجابات شافية وافية
لازم تجاوبى على السؤال رقم اربعة
انا عن نفسى بحب اكتر حاجة فيكى الطيبة
انتى اكيد فى حاجة فى نفسك بتحبيها قوليها

 

[بنت موسى الاسود]

ايه الكروتة دى ههههههههه انا عايزة اجابات شافية وافية
لازم تجاوبى على السؤال رقم اربعة
انا عن نفسى بحب اكتر حاجة فيكى الطيبة
انتى اكيد فى حاجة فى نفسك بتحبيها قوليها

الطيبه دى اسوأ شى فيا عشان الناس بتفهمها غلط انا ممكن اقولك اكتر حاجه بكرها فى نفسى لكن اكتر حاجه بحبها مفيش بجد

 

[جيلان]

الطيبه دى اسوأ شى فيا عشان الناس بتفهمها غلط انا ممكن اقولك اكتر حاجه بكرها فى نفسى لكن اكتر حاجه بحبها مفيش بجد

يا بنتى الطيبة بتبقى سيئة مع الناس الخبيثة ودى مشكلتهم هما مش مشكلتنا احنا
احنا كل حاجة فينا حلوة اصلا هو احنا فى مننا ههههههههه :smil15:
انا اكتر حاجة بحبها فيا الألاطة شايفة نفسى اوى هههههههه
يلا انزلى بالاسئلة بقى

 

[بنت موسى الاسود]

يا بنتى الطيبة بتبقى سيئة مع الناس الخبيثة ودى مشكلتهم هما مش مشكلتنا احنا
احنا كل حاجة فينا حلوة اصلا هو احنا فى مننا ههههههههه :smil15:
انا اكتر حاجة بحبها فيا الألاطة شايفة نفسى اوى هههههههه
يلا انزلى بالاسئلة بقى

مككن بردوا ها الخطوه الجايه ايه يا اليطه هانم

 

[جيلان]

انزلى بالاسئلة بتاعتك بقى

 

[بنت موسى الاسود]

سادسا ايه الخطوه القادمه فى حياتك الحاليه
سابعا ايه اكتر ايه ومقوله بتحبيها او بتحسيها
ثامنا حلم وحققتيه
تاسعا لو هتقولى وحشتينى لحد هيكون مين وليه
عاشرا اكتر حاجه نفسك تلقيها فى شريك حياتك انشاءالله

 

[جيلان]

سادسا ايه الخطوه القادمه فى حياتك الحاليه

شغل ودراسة لسة الحياه روتينية يعنى لسة مجاش وقت الخطط الكبيرة مش هينفع دلؤتى مش مستعدلها لسة

سابعا ايه اكتر ايه ومقوله بتحبيها او بتحسيها

لا تخف لانى فديتك دعوتك باسمك انت لى

ثامنا حلم وحققتيه

انا لسة فى بداية حياتى محققتش حاجة هههههه بس فى حاجة كان نفسى فيها وقربت احققها فيها نوع من الاستقلالية شوية الى كنت عايزاها

تاسعا لو هتقولى وحشتينى لحد هيكون مين وليه

حد من صحابى بقالنا فترة مش بنتكلم بقوله رغم كل الى حصل وحشتنى

عاشرا اكتر حاجه نفسك تلقيها فى شريك حياتك انشاءالله

الطموح وميبقاش معقد بالطريقة الشرقية بتاعة متعمليش ومتسويش ومتشتغليش ومش عارف ايه احنا ناقصين عقد :new2:
سبينى افكر فى كام سؤال ليكى بقى

 

[بنت موسى الاسود]

شغل ودراسة لسة الحياه روتينية يعنى لسة مجاش وقت الخطط الكبيرة مش هينفع دلؤتى مش مستعدلها لسة

لما نشوف يا اليطه هانم هتوصلى لايه



لا تخف لانى فديتك دعوتك باسمك انت لى

انا لسة فى بداية حياتى محققتش حاجة هههههه بس فى حاجة كان نفسى فيها وقربت احققها فيها نوع من الاستقلالية شوية الى كنت عايزاها

طيب يالا ع خيرت الله

حد من صحابى بقالنا فترة مش بنتكلم بقوله رغم كل الى حصل وحشتنى

اكيد انا

الطموح وميبقاش معقد بالطريقة الشرقية بتاعة متعمليش ومتسويش ومتشتغليش ومش عارف ايه احنا ناقصين عقد :new2:
سبينى افكر فى كام سؤال ليكى بقى

اه قولتيلى طيب عيدى تفكيرك من تانى يا اختى وانزلى شويه لارض الواقع ووسطنى امورك

 

[جيلان]

دودو

1- قوليلى ايه خلاكى تحبى المنتدى ؟

2- اكتر سنة عجبتك فى الكلية من اولى لرابعة ايه هى و ليه ؟

3- بتفكرى بعقلك ولا بمشاعرك اكتر وشايفة انهى طريقة تفكير صح فيهم ؟

4- ليكى حد فى اسرتك مصاحباه وبتحكيله كل حاجة عنك ولالا ؟

5- ازاى بتحكمى على الناس الى بتعرفيهم فى حياتك؟