كيف تثق في مشاعرك ؟

[the shepherd]

المشاعر متغيرة . هكذا اخبرنا الاخرون و هو ايضا ما تعلمناه من خبراتنا الشخصية . فما تحبه اليوم قد تكره غدا . و صديق الامس هو عدو اليوم . فهي تتغير بتغير الاخرين و تتغير بتغيرنا نحن ايضا . ​

لذلك قرر الكثيرون منا و خاصة اصحاب الخبرات الشخصية مع اعصار المشاعر عدم تركها تقود حياتهم مرة اخري . مفضلين العقل . فالعقل هو الحل هو القائد هو الامان . و الاكثر نضجاً يحاولون ان يسير الفكر و المشاعر جنباً الي جنب . ان يصادق و يساعد كلاهما الاخر في رحلتهم نحو السعادة . ​

نحن نحلل مشاعرنا . فنعرف لما نحب و لما ننجذب الي ذلك الشخص . و لما نكره هذا . و نفهم كيف تسلل الغضب الينا . و مع ذلك نواجه صعوبة في التحكم في ذواتنا اثناء هبوب تلك الرياح . و لكن تلك ليست المشكلة .​

كيف اثق في مشاعري ؟ هذا هو السؤال الذي يطرح نفسه .​

انا احب . و اعلم لما احب . فقد تعلمت عن خريطة الحب و كيمياء الجسد و اعرف كيف يسري الحب في عروقي " و لاكون اكثر دقة هرمونات الحب " و اعلم كم من الوقت ستستمر و متي سيتوقف تاثيرها علي جسدي وسيطرتها و اضعافها لعقلي . و اعلم انها مسالة وقت حتي تتغير مشاعري مرة اخري . فلما اثق بها . او لنقل كيف اثق بها رغم اني اعلم انها ستزول ؟​

و انا قد اكون ذكرت الحب كمثال لكن الموضوع يتخطي الحب و يتلامس مع جميع المشاعر . ​

لذلك كتبت هذا الموضوع . اردت ان اعرف كيف يتعامل الاخرين في الواقع الذي نعيشه " و ليس كما اقراء في الكتب " مع مشاعرهم و هل يثقون بها ؟ و كيف يثقون بها ؟​

اتمني فعلا ان نتشارك الاراء و الخبرات ​

 

[ميرنا]

هقولك على حاجة فعلا المشاعر متغيرة جداا دليل على كدا ممكن تلاقى واحد حب مرة واتنين وتلاتة وكل مرة هيوصفلك مشاعر غير المراة اللى قبلها لانى فى كل مرة بيكون نضج اكتر وعرف اكتر بس الحب مش بيتغير هو وردة اعتنيت بيها كبرت اهملتها ماتت ومش انتا تهتم بوردتك لا الطرف التانى يهتم بوردتك وانتا تهتم بوردتة لانى الحب مشاركة لو واحد قصر فى حق وردة التانى مات ودبل

 

[the shepherd]

بس الحب مش بيتغير هو وردة اعتنيت بيها كبرت اهملتها ماتت ومش انتا تهتم بوردتك لا الطرف التانى يهتم بوردتك وانتا تهتم بوردتة لانى الحب مشاركة لو واحد قصر فى حق وردة التانى مات ودبل

هو انا دايما كنت بفكر في دوري او ان انا المفروض اعمل و ان انا الي اتغيرت يعني من الاخر كنت بهتم ب " انا " و بتجاهل كتير دور الاخر او للاسف كنت بعتقد ان الاهم المجهود الي انا ببذله مش الاخر .

تلاقى واحد حب مرة واتنين وتلاتة وكل مرة هيوصفلك مشاعر غير المراة اللى قبلها لانى فى كل مرة بيكون نضج اكتر وعرف اكتر

بس معني كدة ان الواحد طبيعي انه يحب اكتر من مرة او بصورة تانية ان مفيش مشكلة انه يمشي ورا مشاعره علي الرغم انه عارف انها ممكن تتغير . و ان التجارب الشخصية هي الي بتوصله للنضوج في الحب ؟ " يعني انا لازم احب اكتر من مرة علشان انمو في الحب "

بجد ميرسي كتير علي مداخلتك و رايك الي اثري فكري فعلا

 

[bob]

بص يا شيبرد
انا رايي الشخصي ان العقل مهم جدا جدا في مثلا الحب مع قليل من المشاعر حتي تتهيء الظروف المادية و الاحساس بالتجاذب عن طريق الملاحظة واخد بالك انت يعني عقلي صرف و ساعتها ممكن ادخل مشاعري في الموضوع و ساعتها يبقي امشي فكري مع مشاعري بعد ما اتاكد ان كل الظروف مواتية و واضحة

 

[the shepherd]

انا معاك يا بوب و مقدرش انكر اهمية و دور العقل في حفظ المشاعر لكن مقدرش انكر اني مقتنع جدا براي ميرنا " الحب هو وردة اعتنيت بيها كبرت اهملتها ماتت ومش انتا تهتم بوردتك لا الطرف التانى يهتم بوردتك وانتا تهتم بوردتة لانى الحب مشاركة لو واحد قصر فى حق وردة التانى مات ودبل " يعني فعلا قلة الاهتمام بتقتل و كمان افرض مشيت عقلي صرف و لما جه وقت المشاعر مقدرتش توصل للعمق الي المفروض توصله او الي كنت فاكر انك هتقدر توصله . يعني حققت نجاح علي المستوي الفكري و فشلت علي المستوي الشعوري !

 

[bob]

ايه يا عم شيبرد متوقعنيش مع ميرنا يا عم دي بيبقي فيها شريطة علي اسمي علي طول:act23:
بص كلامك صح و طبعا ميرنا هههههههه
بس الفكرة ان المفروض ان الواحد ميبينش مشاعرة غير لما يبقي متاكد انه حياخد خطوة ايجابية علشان ميبقاش بيعلق مشاعر حد معاه و طبعا الخطوة الايجابية دي بعد ما الواحد يبقي جاهز ماديا بعيد عنك

 

[the shepherd]

اوك انا متفق معاك بس مش هو دة جوهر الموضوع الي انا بتكلم فيه . افترض انك جاهز ماديا و نفسيا و عايز تاخد خطوة ايجابية . كل دة مش مشكلة . المشكلة هي كيف تثق في مشاعرك ؟ يعني احنا عارفين ان المشاعر بتتغير بسهولة جدا . فاذاي او اية الي يخليك تثق في مشاعرك تدي و تمشي وراها ؟ اتمني تكون فهمت الفكرة

 

[ميرنا]

ايه يا عم شيبرد متوقعنيش مع ميرنا يا عم دي بيبقي فيها شريطة علي اسمي علي طول:act23:
بص كلامك صح و طبعا ميرنا هههههههه
بس الفكرة ان المفروض ان الواحد ميبينش مشاعرة غير لما يبقي متاكد انه حياخد خطوة ايجابية علشان ميبقاش بيعلق مشاعر حد معاه و طبعا الخطوة الايجابية دي بعد ما الواحد يبقي جاهز ماديا بعيد عنك

طلع عليا سمعة :act23:

 

[ميرنا]

بص يا شيبرد انا اتكلمت من ناحية العاطفة وبوبو العقل
اجمع اتنين مع بعض يعنى العقل انى فى تكافؤ ما بينكم وتقارب وتفاهم والعاطفة حاسس بحاجة حلوة ناحيتها اما عن تغير المشاعر فى اختيارك لشخص لا مش هتتغير فجاءة ولا فى يوم وليلة اكيد بناء على تصرفات ومقالب وسهوات وهفوات وكدا يعنى انتا نفسك فى علاقتك مع اخوك او اختك فى وقت بتبقى بتحبه اوى لكن لو احرجك تحس انك واخد منة موقف مش معنى كدا انى مشاعرك اتغيرت لا ابدا بس بحكم الموقف نفسه مشاعرنا بتتحرك بنزعل بنفرح بنحب ولما بحب مشاعرى مش هتتغير غير بناء على تصرفاتة هو او استقبالى لاتصرفاتة بمعنى
انا حبيت واحد جرحنى مرة هعديها جرحنى التانية عاتبته جرحنى التالتة لا كدا كفاية الغلط مش فى مشاعرى انما فى تصرفات اللى قدامى

 

[bob]

اوك انا متفق معاك بس مش هو دة جوهر الموضوع الي انا بتكلم فيه . افترض انك جاهز ماديا و نفسيا و عايز تاخد خطوة ايجابية . كل دة مش مشكلة . المشكلة هي كيف تثق في مشاعرك ؟ يعني احنا عارفين ان المشاعر بتتغير بسهولة جدا . فاذاي او اية الي يخليك تثق في مشاعرك تدي و تمشي وراها ؟ اتمني تكون فهمت الفكرة

ههههههههه ماشي يا عم شيبرد فهمت فكرة الموضوع و متابع

طلع عليا سمعة :act23:

اصل ده اسمه اللعب مع الكبار و دي سكة اللي يروح و ميرجعش غير بعد انتهاء فترة الايقاف :smile01

 

[the shepherd]

اية دة يا بوب يعني انا المفروض اي رأي تقول عليه ميرنا اقول امين علشان انجو بعضويتي
ميرنا انا متفق معاك في كل حاجة و بسحب اي راي مخالف قلته

 

[the shepherd]

تغير المشاعر فى اختيارك لشخص لا مش هتتغير فجاءة ولا فى يوم وليلة اكيد بناء على تصرفات ومقالب وسهوات وهفوات

انا طبعا متفق معاك " عملا بنصيحة البوب " و بجد الجملة دي عجباني قوي بس مش هقدر انكر ان سعات مش بيحصل اي حاجة بس بنشعر ان في فتور ناحية الاشخاص و انك مقفول من ناحيتهم او مش حاسس انك مشتاق ليهم و محتاجلهم زي الاول . فهي دي المشكلة ان احيانا مبيبقاش في اسباب مفهومة

 

[sparrow]

اوك انا متفق معاك بس مش هو دة جوهر الموضوع الي انا بتكلم فيه . افترض انك جاهز ماديا و نفسيا و عايز تاخد خطوة ايجابية . كل دة مش مشكلة . المشكلة هي كيف تثق في مشاعرك ؟ يعني احنا عارفين ان المشاعر بتتغير بسهولة جدا . فاذاي او اية الي يخليك تثق في مشاعرك تدي و تمشي وراها ؟ اتمني تكون فهمت الفكرة

طالما ان الشخص مش قادر يثق في مشاعره وقادر يقيمها
يبقي هو شخص لم ينضج بعد

انا طبعا متفق معاك " عملا بنصيحة البوب " و بجد الجملة دي عجباني قوي بس مش هقدر انكر ان سعات مش بيحصل اي حاجة بس بنشعر ان في فتور ناحية الاشخاص و انك مقفول من ناحيتهم او مش حاسس انك مشتاق ليهم و محتاجلهم زي الاول . فهي دي المشكلة ان احيانا مبيبقاش في اسباب مفهومة

الفتور في العلاقه ليه اسباب كتير واسباب علميه
كنت لسه بقرا بحث بيقول ان توهج الحب بياخد مده اقصاها 3 سنوات بعد المده دي الشخص محتاج يجدد العلاقه
طبعا والفتور دا بيؤدي لملل وانك مش مشتاق للشخص دا ومش فارق معاك
واحاسيس كتير لو الاتنين غير ناضجين مش هيبقي زواجهم ناجح
فممكن يكون دا فتور طبيعي

وممكن يكون فتور مش طبيعي بمعني اننا محبناش اصلا الشخص وهو كان مجرد اعجاب بشخصيته اخد زهوته وانتهي فعشان كده بردو مش مشتاق ليهم
اما بالنسبه للاحتياج احيانا بيتهيلنا اننا بنحب شخص معين لاني ببقي محتاج تدعيمة ليا معنويا او نفسيا وممكن لما بتنتهتي الفترة دي خلاص مش ببقي محتاجة

 

[bob]

اية دة يا بوب يعني انا المفروض اي رأي تقول عليه ميرنا اقول امين علشان انجو بعضويتي
ميرنا انا متفق معاك في كل حاجة و بسحب اي راي مخالف قلته

يا شيبرد اول ما تشوف ميرنا تدخل الموضوع تقولها نورت يا كبيرة و تنسحب انت و اول ما تكتب تدخل تقول رد ممتاز و في محلة و التقييم ينزل
بس خليك عارف ان القوي فيه الاقوي منه و الكبير في الاكبر منه , طبعا متنساش انا مقلتش حاجه خالص

 

[the shepherd]

كنت لسه بقرا بحث بيقول ان توهج الحب بياخد مده اقصاها 3 سنوات بعد المده دي الشخص محتاج يجدد العلاقه

هو الفتور دة اعتقد ان حضرتك قصدك بيه توقف هرمونات الحب بعد فترة اقصاها 3 سنوات . و دة بيتبعه طريقين . لو الشخصيتين بنهم حب صداقة و عشرة فحياتهم و علاقتهم بتستمر معتمدة علي النوعية دي من الروابط " يعني انت وصاحبك مثلا بيجمعك بيه اهتمامات و افكار و احلام و تقبل و كدة " و دة الي بيحافظ علي استمرار علاقتكم و المتعة فيها . لكن لو كانت العلاقة كانت قايمة بس علي الانجذاب الجسدي فمع توقف دور الهرومونات في الجسم العلاقة هتفتر تدريجيا و هتموت لان جوهرها و اساسها كان مجرد تجاذب جسدي و انتهي خلاص وانتهت معاه العلاقة .

وممكن يكون فتور مش طبيعي بمعني اننا محبناش اصلا الشخص وهو كان مجرد اعجاب بشخصيته اخد زهوته وانتهي فعشان كده بردو مش مشتاق ليهم

دي نقطة مهمة قوي الي حضرتك فتحتها . الفرق بين الاعاجب و الحب . اكيد الواحد لازم يبقي عنده نضج كافي علشان يقدر يفق بنهم .

اما بالنسبه للاحتياج احيانا بيتهيلنا اننا بنحب شخص معين لاني ببقي محتاج تدعيمة ليا معنويا او نفسيا وممكن لما بتنتهتي الفترة دي خلاص مش ببقي محتاج

و دي نقطة اجمل بيقولوا عليها " العلاقات الاعتمادية " يعني انا محتاج للعلاقة علشان تشبع حاجة معينة جواك . و لما تحس بالشبع او لما تلاقي مصدر عنده قدره علي اشباعك بصورة اكبر بنتقل مشاعرك للمصدر الجديد .

 

[the shepherd]

يا شيبرد اول ما تشوف ميرنا تدخل الموضوع تقولها نورت يا كبيرة و تنسحب انت و اول ما تكتب تدخل تقول رد ممتاز و في محلة و التقييم ينزل
بس خليك عارف ان القوي فيه الاقوي منه و الكبير في الاكبر منه , طبعا متنساش انا مقلتش حاجه خالص

عُلم و ينفذ يا بوب " احنا عايزين نمشي جنب الحيط لحد ما نوصل زي الناس الي وصلت " ربنا يدينا نعمة في عنيهم و يخلي مواضعنا و مداخلتنا خفيفة عليهم

 

[Critic]

انا متفق مع ميرنا بقا

 

[sha2awet 2alam]

بص يا شيبرد انا اظن و الله اعلى و اعلم ان موضوع الثقة دة بيجى عن تجربة .. يعنى انت مش هتعرف انت بتحب بجد ولالا الا اذا كنت عارف يعنى ايه حب ؟ او على الاقل تحسه حاجة غريبة !!

فكرة ان ازاى تثق فى الحب و انت عارف انه فترة و هيروح .. ليه ؟ انت ليك اصدقاء من الطفولة و لسة مكملين معاك عشان الموضوع بينكم اكبر من انه مجرد حب فيه ذكريات و فيه احترام لفكر و فيه اهتمامات مشتركة و فى نفس الوقت الاصدقاء بينهم مسافة محدش فيهم قاعد على قلب التانى و دة اكبر سبب ان مفيش بينهم الملل و الفتور دة و محدش فيهم بيتعدى على حدود التانى و حريته ... انت هتبدأ تزهق اول ما المشاكل تزيد اول ما نمط الحياة يبقى روتينى لو انتم قدرتو تتخطو فكرة الروتينية دى اظن كدة الموضوع هيبقى ارحم .... فالثقة مش فى ان الحب هيستمر المفروض الثقة فى انك قادر انت و شريك حياتك تكسر الملل و الفتور دة ... الثقة فى نفسك و فى الشخص اهم من ثقتك فى استمرار العلاقة نفسها

دة رأيى المتواضع اللى على ادى جامد الموضوع و متابعة

 

[the shepherd]

" فالثقة مش فى ان الحب هيستمر المفروض الثقة فى انك قادر انت و شريك حياتك تكسر الملل و الفتور دة "

بجد هي المداخلة كلها جميلة بس بجد الجملة دي عجبتني قوي

ميرسي علي المداخلة الرائعة و المثرية للفكر يا شقاوة .

بس هو ليه الكل اخد الموضوع اني بحب انا قلت اني ذكرت الحب كمثال انتم كدة هتوقفوا حالي علي فكرة في المنتدي ​

 

[bob]

خلاص يا عم شيبرد اتكشفت
و خد نصيحتنا و اتكل علي الله و احنا كلنا نباركلك