عضو / عضوة في مطبخ المنتدي

[staregypt]

السلطة:
سلطة طحينة :
لتتناسب مع السمك
سلطة الطحينة المصرية سهلة وبسيطة جدا
1 كوب طحينة
2 فص ثوم مدقوق يعنى مفروم
2 معلقة زيت زيتون او ذرة او عباد الموجود لديك
ملح - كمون - عصير ليمونة - م ك خل - م ك بقدونس مقطع صغير
ماء دافىء
الطريقة:
فى بولا نضع الطحينة وعليها الملح الكمون الليمون الخل الزيت
ونقلب ثم نضيف الماء الدافىء قليلا قليلا ونحرك سريعا
ثم نضيف قليلا من الماء الدافىء حتى يصير قوامة بالشكل الذى تريده
ولونه يصير افتح من الاول
صب الطحينة فى بولا أخرى للتقديم ورش البقدونس عليه

بالهناء والشفاء
​

 

[staregypt]

صباحكم احلي من الورد يا اجمل زهور في منتدي الكنيسه
رجعتلكم انهارده ومعانا الشيف الجديد
وهي العضوة الجديده معانا
staregypt

منورنا طبعا يا قمره في الموضوع
والاطباق علي حسب اختيارك طبعا صيامي او فطاري

بس رجاء تكون الاربع اطباق بالترتيب المذكور

واشكرك جداااااااااا لقبول الدعوه

يسوع يباركك
ونقول بسم الصليب
ونبدأ اليوم


​

ميرسى جدا لدعوتك الكريمة
انا هااقدم اكلات مصرية 100%
لانى مصرية 100%
:new6::new6::new6:

 

[staregypt]

الطبق الرئيسى هو الكشرى المصرى
"""""""""""""""""""""""""""""""""""""""""""""""""""
1 كيلو مكرونة صغيرة
نصف كيلو ارز مصرى
نصف ك عدس بجبة او اسمر
نصف ك حمص الشام
ربع كوب شعرية
2 بصلة ابيض مش احمر
1 كيلو طماطم
2 م ك صلصة طماطم
ثوم - خل - زيت ذرة - ملح - كمون
الطريقة :
نقطع البصل حلقات ثم تحمر فى الزيت حتى يصير لونة كراميلى ونصفية على ورق
نسلق المكرونة وبعد التصفية نضعها فى اناء او طبق كبير ونضع عليها معلقتين من زيت تحمر البصل(هاتفرق كتير معاكى رائعة)
ثم نسلق الحمص بعد ان يكون تم نقعة قبلها بليلة
ثم نسلق العدس ونصفية ايضا
ثم فى اناء نضع ملعقتين من زيت البصل ونضيف الثوم ونشوح الثوم حتى يصفر لونع لالالالالالالالا يتحمر علشان ها يمرر
بعدها نضيف 2 م ك خل وعليها 2 م ك صلصة طماطم +الطماطم المعصورة
ونضع الملح والتوابل ونقلل الحرارة ونتركها تتسبك
لعمل الدقة:
1 م ك زيت ونضيف الثوم ونشوح شوية صغيرة ونضيف عليها الخل والكمون والماء
لعمل الشطة:
ناخد كمية من صلصة الكشرى فى اناء على النار ونضع حوالى 3 م ك شطة احمر
و3 م ك مياة ونتركها تغلى (يستحسن لو فى احد عنده حساسية يبعد علشان الريحة ها تبقى جامدة قوى من الشطة عندما تغلى)
طريقة الغرف حسب كل ما بيحب
بس عادة بيكون
المكرونة ثم الارز ثم العدس ثم الصلصة ثم الحمص ثم الدقة والشطة حسب كل شخص

 

[اليعازر]

مرررسي يا ستار...

أنا كان نفسي من زمان اعرف كيف بيتعمل الكشري المصري

وطبعا والشكر لغوسبل على هالموضوع الممتاز.

 

[staregypt]

الحلو زلابيا مصرية:
الشربات
2 كوب سكر
1 كوب ماء او عصير برتقال حسب الرغبة
1 عود قرفة - 2 قرنفل ان وجد مش اساسى
ونترك كل هذا على نار متوسطة
العجينة
3 كوب دقيق
نصف كوب سكر بدره
1 1/2 م ص بيكنج بودر
نقلب المكونات ونترك العجينة تخمر لمده ساعة او اكثر حسب جو المكان
ثم نضع العجينة فى قرطاس الكريم شانتية ونضع قطعة قطعة فى الزيت
ولما تحمر طبعا نار متوسطة ونخرجها ونصفيها من الزيت ثم نضعها فى الشربات
ثم نصفيها من الشربات الزيادة
وتوضع فى طبق تقديم ويمكن رشها بسكر بدره ايضا او مكسرات مفرية
"""""""""""""""""""""""""""""""""""""""""""""""""
الحلو كمان عصير شيكولاه بالقرفة
"""""""""""""""""""""
مشروب سهل وسريع وصيامى
2 م ك كاكاو
2 م ك سكر
2 م ك كريمر (بديل اللبن)
نصف معلقة صغيرة قرفة
نصف م ص مسحوق النيسكافية او الاسبرسو(يمكن الاستغناء عنه لمن لا يحبونه هو فقط لاظهار طعم الشيكولاه)
ربع كوب شيكولاتة ذائب(تذاب الشيكولاه فى بولا على ماء ساخن)
4 كوب ماء ساخن
الطريقة
نضع النيسكافية والقرفة والسكر والشيكولاه و الكريمر كل الخامات
ونضيف عليهم الماء الساخن ونضرب بالمضرب اليدوى حتى تصير رغــــــوة على الوش ويصب فى اكواب
بالهناء والشفاء

 

[staregypt]

مرررسي يا ستار...

أنا كان نفسي من زمان اعرف كيف بيتعمل الكشري المصري

وطبعا والشكر لغوسبل على هالموضوع الممتاز.

كل الشكر لاختى الحبيبة جوسبل القمر
واشكرك جدا على كلامك وتقييمك
الحمد الله انى اخترت الكشرى
سلام المسيح معك
​

 

[+Nevena+]

الله عليكي يا ستار
بجد وصفات مصريه جميله وسهله

بصراحه كان نفسي اعرف طريقه الزلابيا قوي
هههههه بشكرك كتير جدا

وكلها اكلات تنفع في الصيام
وطريقه سمك الفلييه دي جميله وبسيطه فعلا هاجربها واقولك راي

ربنا يباركك
وبجد شرفتينا بتواجدك العطر معانا انهارده

كان يوم جميل وعدي بسرعه معاكي


وانتظروني مع الشيف الجديد
سلام

 

[+Nevena+]

مرررسي يا ستار...

أنا كان نفسي من زمان اعرف كيف بيتعمل الكشري المصري

وطبعا والشكر لغوسبل على هالموضوع الممتاز.

كل الشكر لحضرتك لذوقك وكلامك
ومشاركتك حضرتك الاكثر من رائعه

ولمتابعتك الغاليه
يسوع يبارك خدمتك ابي

 

[staregypt]

لله عليكي يا ستار
بجد وصفات مصريه جميله وسهله

الله عليك وعلى افكارك الرائعة بجد جوسبل

بصراحه كان نفسي اعرف طريقه الزلابيا قوي
هههههه بشكرك كتير جدا

انا كنت متردده فى الموضوع ده بس اشكر ربنا

وكلها اكلات تنفع في الصيام:08:
وطريقه سمك الفلييه دي جميله وبسيطه فعلا هاجربها واقولك راي
انا بحبها لانى بعملها لاولادى بيحبوها موت وزيها بالظبط الفراخ الفيلية منتظرة ربنا يستر:08:
ربنا يباركك
وبجد شرفتينا بتواجدك العطر معانا انهارده
الشرف لى لدعوتكم لى

كان يوم جميل وعدي بسرعه معاكي

الاجمل وجودك معانا
وانتظروني مع الشيف الجديد
سلام
سلام المسيح

 

[يسطس الأنطونى]

فكرة راااااااااااائعة أختى
بس أنا مش عارف إيه المقبلات دى
ويوم مهعرف أجيب مش هعرف أفرقهم من بعض
بقولك إيه خلينى أنا متفرج بس علشان الفضايح
ربنا يبارك حيااااااااااتك
​

 

[+Nevena+]

ههههههههههههه ماشي يا يسطس وميرسي علي مشاركتك
يسوع يفرحك دايما

 

[+Nevena+]

ورجعت ليكم ومعايا الشيف الجديد

وهي مشرفه القسم الجميله

candy shop

منورنا بوجودك يا احلي كاندي

وفي انتظارك

​

 

[مسرة]

موضوع جميل مثلك يا جوسبل

و مشاركة الاعضاء بأكلاتهم و وصفاتهم زينة الموضوع

الرب يبارككِ

و متابعة اكيييييد...لازم نتعلم بقى يكفينا دلال هههههه

 

[candy shop]

اهلا بيكوا جميعا

طيب ممكن اعرف تحبوا تاكلوا ايه

ياله منتظره ردكوا
​

 

[مسرة]

مممم انا مش من مصر و مش اعرف اكلاتكم

هكون فرحانة لو حكيتي لنا عن الاكلات المشهورة اليومية حابة اعرفهم

بس اكيد الخيار يعود لكِ..مجرد طلب

 

[mero_engel]

اهلا بيكوا جميعا

طيب ممكن اعرف تحبوا تاكلوا ايه

ياله منتظره ردكوا
​

اي حاجه من ايدك هتجيبهلنا هتبقي حلوووه

 

[candy shop]

مممم انا مش من مصر و مش اعرف اكلاتكم

هكون فرحانة لو حكيتي لنا عن الاكلات المشهورة اليومية حابة اعرفهم

بس اكيد الخيار يعود لكِ..مجرد طلب

من عينى بس كده

حاضر يا قمر
​

 

[candy shop]

اي حاجه من ايدك هتجيبهلنا هتبقي حلوووه

ميرسى يا ميرو يا حبيبتى

ربنا يخليكى
​

 

[candy shop]

نبتدى بقى

باله الكل يوسع ههههههههه

اولا المقبلات


بابا غنوج
المقادير
نجيب باذنجان رومى
وبصله كبيره
حبة فلفل رومي أحمر
3 فصوص ثوم مطحون
عصير ليمون
كوب من الطحينة
ملح
زيت


الطريقة
يشوى الباذنجان والبصل
و الفلفل الرومي و يفرموا ناعم
و الثوم و الملح و عصير الليمون و الطحينة
توضع في صحن التقديم ثم يرش عليها زيت الزيتون

وبالهنا والشفا

​

 

[candy shop]

الطبق الرئيسى

صينيه الكوسا بالبشاميل

المقادير :-



لحمه مفرومه معصجه طبعا عارفين ازاى

نقطع البصل ونحمره ونضيف عليه اللحمه

تقلب جيدا حتى السوا

1 كيلو كوسة متوسطه

2 ملعقه دقيق

2 ملعقة سمن

زيت للقلي

ملح - فلفل

كوب لبن

بيضه

الطريقة :-

تقطع الكوسا شرايح بالطول وتقلى في الزيت قليلا خفيفا

يحضر البشاميل بالطريقه المعتاده

ترص نصف كميه الكوسا في طبق فرن او صينية تيفال وتغطى بالعصاج ويضاف نصف كمية الكوسا الباقيه وتغطى بالبشاميل

تضرب البيضه بقليل من الفلفل الاسود ويدهن بها الوجه مع قليل من الزبدة

نحطها في فرن متوسط الحرارة لغايه ما يحمر وشها وتقدم سخنه

وبالهنا والشفا

​