""جمعية المخنوقين المحدودة""

[back_2_zero]

ميرسى يا مينا تعبتك معايا
انا خلاص فهمت كل حاجة كويس
​

 

[marcelino]

فين اقتراحات المواضيع يا مخنووووووقين
​

 

[Dona Nabil]

انا افتكرت اننا عندنا رصيد كافى من المواضيع اللى فى الويتينج ​

 

[marcelino]

دول 3 بس ههههههههه

فى ويتنجات تانيه شوفتها فيها بالعشرين موضوع هههههههههههه
​

 

[Dona Nabil]

ههههههههه
خلاص نقترح حبه كمان وماله
مثلا فكرة الهجره اللى شباب كتير النهارده بيسعوا وراها على انها الحل السحرى لكل مشاكلهم
هل هى فعلا كده ولا دى بدايه لنوع جديد من المشاكل ؟؟

 

[marcelino]

اة جميل الموضوع ده انا نفسي اهاجر اوى

وانا هقترح كام موضوع بردو

بس لما اجى
​

 

[back_2_zero]

لا يا جماعة عاوزين نقترح ممواضيع اغلبيتنا بيعانى منها
يعنى مثلا نتكلم فى موضوع و انا مالى
دة حنلاقى فية كلام كتير و ينطبق على معظمنا
​

 

[tamav maria]

ممكن كمان نقول يامينا
القسوة
البطاله
الفراغ

 

[dodo jojo]

ياريت توضح الفكره اكتر
​

هو فيه ناس مخنوقه او زهقانه من كتر الفلوس...وفيه ناس زهقانه او مخنوقه من قلة الفلوس

 

[روزي86]

احم احم​

ازيكم يا مخنوقين​

ممكن ارخم حبه واغششكم​

يعني مثلا في مواضيع​

عن الزواج التقليدي وياتري بينجح بنسبة كام في %​

ونشوف كمان وجهة نظر الشباب في الموضوع ده​

يعني يفضلوا يتزوجوا عن حب والا زواج صالونات والحب يجي بعدين او مايجيش خالص مش فارقه ههههههههه​

يلا عدوا الجمايل بقي​

 

[grges monir]

انا اقترحت موضوع الشغل اللى مش حقق اى هدف للواحد
وقلت ان الفرق بينى وبين العاطل انى اصحى اروح الشغل وارجع على الضهر

 

[marcelino]

انا اقترحت موضوع الشغل اللى مش حقق اى هدف للواحد
وقلت ان الفرق بينى وبين العاطل انى اصحى اروح الشغل وارجع على الضهر

وجهه نظر

بس انا اعتقد ان فى فرق حتى لو بتشتغل من غير فلوس حتى

بس اسمك بتصحى وتنزل من بيتك تعمل حاجه

بتسعى ومش ساكت ولا ايه رايك ؟
​

 

[marcelino]

انا عايز ارشح موضوع تاعبنى من زمان ونفسي افضفض فيه جامد وهو

غياااب الذوق العام

المحترمين بقوا قليلين ..

قلة الأدب بقت هي لغة العصر

دلوقتي قليل الأدب هو اللي بيعرف يتعامل اكتر من المحترم!

يعني باختصار شديد الآية مقلوبة

سواء فى الحياه العامه , فى البيت , اماكن العمل , وحتى على النت ده كمان

فى صور لغياب الذوق العام فى المنتدى هنا
​

 

[sony_33]

انا برجح موضوع زواج الصالونات
علشان متهيالى منتشر قوى اليومين دول​

 

[maro sweety]

لية بنكدب ع بعض
لية بقينا مش طايقين بعض لدرجة ان كل واحد فينا بيتكلم ع التانى من وراءة

لية كل حاجة ف الدنيا بقيت وحشة
لية الاصحاب بقوة وحشين لية معتش ف اصحاب تتصحاب

لية الدنيا واخدة مننا كل حاجة ومش مديلنا اى حاجة
لية الكرة بقة موجود ف كل حتة لية نيبقش الحب ف قلوبنا كلنا
نحب بعضنا ونخاف ع بعضنا لية . لية.

اتمنى ا لاجابة الاسئلتى
ميرسى

 

[back_2_zero]

لية بنكدب ع بعض
مش شرط سدقينى عشان فى حد كدب علينا مرة تبقة كل الناس زية فية ناس كتيرة كويسة و مش بيكدبوا و مش بيحبوا الكدب و بعدين يعنى احنا مش معصومين من الخطأ فية واحد بيكدب عشان دية عادة فية و فى حد بيكدب عشان بيخاف اللى فى ايدية يضيع منة و فية اللى بيكدب عشان خايف من العقاب و فى كل الحالات اكيد لو سامحناة و عرفناة غلطة بطريقة كويسة مش حيكدب تانى
لية بقينا مش طايقين بعض لدرجة ان كل واحد فينا بيتكلم ع التانى من وراءة
مش موضوع مش طايقين بعض بس المشاغل بقت كتيرة اوى و كل واحد وراة مسئوليات كتير فا مبقاش حد مستحمل كل الضغوط اللى علية عشان يستحمل اللى حوالية لكن تخيلى لو احنا استحملناة و عاملناة كويس و شفناة مش طايقنا لية و اتصافينا مع بعض تخيلى بعد كدا حيحبنا و يعاملنا ازاى و لما نبقى احنا كمان مش طايقين حد حنلاقية هو جة و عمل معانا كدا اصل كل واحد اكيد بيجيلة فترة بيبقة مخنوق فيها جامد و احنا لازم نستحمل بعض عشان نعيش
لو انا فعلا سمعت ان فى حد بيتكلم عليا من ورايا حروح اققولة انا عاوزة اعاتب عليكى فى حاجة اللى هى كذا كذا و سدقينى حترد عليا و نتناقش بس طبعا مش حقولها انا عرفت من مين و حنرجع احسن م الاول واللى وقع بينا دا حيبقة هو اللى خسران

لية كل حاجة ف الدنيا بقيت وحشةا
انا بردة كنت بقول كدا بس طلعت فى الاخر بنتيجة حلوة اوى
احنا اللى بأيدينا حنخلى الدنيا حلوة و احنا اللى بأيدينا حنخليها نجحيم منقدرش نعيش فية
احنا اللى بنحب الحزن بنقولة طريقك فين يا فقر و نروح وراة
احنا اللى ممكن نغير حياتنا نفتح طريق للامل نبعد عن الحزن و ندور على الفرح حتى لو مش موجود نخلقة

لية الاصحاب بقوة وحشين لية معتش ف اصحاب تتصحاب
عشان كل واحد بيدور على مصلحتة
يعنى صحابى حيعملولى اية لو جبت مجموع وحش فى الثانوية و لا لما كل واحد فينا يدخل كلية غير التانى و متقوليليش انهم حيسألوا عليكى ولا حيعبروكى سورى يعنى
فية حاجة اسمها زميلتى نخرج مع بعض نتفسح نهزر نضحك لكن اققولها اسرارى لا
اما مامتى راحت فين بقة حتى لو مش متعودة اققول لمامتى اسرارى اتعود على كدا و هى حتفرح بيا و حتقربنى منها و تبقة احلى صاحبة ليا

لية الدنيا واخدة مننا كل حاجة ومش مديلنا اى حاجة
احنا بردة اللى بنحس بكدا
احنا لو عندنا عزيمة حناخد منها كل حاجة و نرجع الفرح فى حياتنا

لية الكرة بقة موجود ف كل حتة لية نيبقش الحب ف قلوبنا كلنا
لما احنا الاول نشيل الكرة من قلبنا و نحط مكانة الحب نبقة نلوم الناس
اكيد يعنى لو بتدى لحد الحب مش حيردهولك اذية

نحب بعضنا ونخاف ع بعضنا لية . لية
لا سدقينى فية ناس كتيرة كويسة وبيحبوا بعض
بس زى ما قولتلك لما احنا نبتدى بالحب و الخوف على الناس
همة حيردولنا الاحساس دا


اتمنى الاجابة الاسئلتى
انا عارفة انى مش بعرف ارد و خايبة بس سدقينى انا رديت على قد ما اقدر
معلش بقة وقعتى فى ايد واحدة خايبة عاوزة اصلا اللى ينصحها

ميرسى

صلى من اجلى
​

 

[Critic]

انا عايز ارشح موضوع تاعبنى من زمان ونفسي افضفض فيه جامد وهو

غياااب الذوق العام

المحترمين بقوا قليلين ..

قلة الأدب بقت هي لغة العصر

دلوقتي قليل الأدب هو اللي بيعرف يتعامل اكتر من المحترم!

يعني باختصار شديد الآية مقلوبة

سواء فى الحياه العامه , فى البيت , اماكن العمل , وحتى على النت ده كمان

فى صور لغياب الذوق العام فى المنتدى هنا

انا مؤيد و بشدة
قلة الذوق بئت لا تطاق

 

[maro sweety]

صلى من اجلى
​

ميرسى لردك الجميل
بجد مش عارفة اقولك اية يا قمر

ربنا يعوضك

 

[grges monir]

وجهه نظر

بس انا اعتقد ان فى فرق حتى لو بتشتغل من غير فلوس حتى

بس اسمك بتصحى وتنزل من بيتك تعمل حاجه

بتسعى ومش ساكت ولا ايه رايك ؟

دة الجزء المظهرى بقى مارسلينو
اما الواقع ابة اللى حققتةانت لايوجد
يبقى اية الفرق ؟؟؟
هنا مربض الفرس قصدى الخنقة ههههه كدة ولااية

 

[marcelino]

فييييين الاقتراحااااااااااات
​