ايه امنيتك فى 2010

[mora22]

كل سنه وكل الاعضاء طيبين احنا خلاص بنودع 2009 وبنبدا سنه جديده 2010
احنا هنلعب لعبه صغيره نتعرف بيها على بعض اكتر
عايزه اعرف من كل عضو ايه امنيته اللى متحققتش فى 2009 واللى نفسه يحققها فى 2010
وايه الامنيه اللى حققها فى 2009
وكمان كل عضو عايزه يتنمى امنيه للعضو اللى بعده
وانا هبتدى انا اتمنيت فى 2009 اجيب تقدير وللاسف محصلش وبتمنى السنه دى ان ربنا يبعتلى شغل مناسب
وبتمنى للعضو اللى بعدى لو بيدرس يجيب تقدير عالى ولو مخلص يلاقى شغل مناسب

 

[فادية]

قبل ما ارد على موضوعك اختي الحبيبة اسمحيلي انقله للمنتدى العام( ركن الاجتماعيات والشبابيات ) عشان هناك القسم مناسب ليه اكتر من هنا
ميرسي على امنيتك يا حبيبتي انا مخلصة دراسة وكان نفسي الاقي شغل كويس بس مشروع الشغل دلوقتي اتأجل لاني مستنية الاهم وهو ولادة طفلي الاول
امنيتي لسنة 2009 الحمد لله ربنا حققهالي وهي كانت ان ربنا يلم شملنا انا وجوزي لانه كان في ورق يتعمل وبياخد وقت عشان يقدر يجي ونكمل المشوار مع بعض وربنا حققلي الامنية دي في اول اسبوع من 2009
امنيتي ل 2010 اكيد طبعا ان ربنا يكمل نعمته عليا ويتولد طفلي بالسلامة ونفرح بيه والامنيه التانية ان ربنا يفتح باب رزق وشغل لجوزي في مجال هو بيحبه وبيرتاح فيه واكيد الصحة والسلامة لكل الاهل والاصحاب
امنيتي للي يرد بعدي ان سنة 2010 تكون سنة خير ومحبة وصحة وسعادة​

 

[روماني زكريا]

شكرا علي الموضوع الرائع والقيم يا mora22
واتمني ليكي ان ربنا يحققلك امنيتك وتلاقي الشغل المناسب
وبالنسبه ليا انا اتمنيت اني اجيب تقدير ولكن ربنا حققلي النجاح فقط
واتمني في 2010 اني اجيب تقدير​

 

[mora22]

شكرا علي مرورك فاديه
وربنا يبارك حياتك
​

 

[mora22]

شكرا علي مرورك يا روماني وربنا يبارك حياتك
​

 

[zama]

فكرة حلوة بردو ..

أنا أمنيتى فى 2009 أتحققت وأنى لفيت أماكن كتير بمصر .. و لى أمانى تانية كتير أوووووووووووووى ..

أمنيتى ل 2010 أنى أسافر برة أشوف أختى وأجى تانى لأنها وحشتنى جداً جداً جداً ..

أمنيتى ل 2010 أنى أنهى مراحل جيدة من دراستى فى بعض هواياتى ..

أمنيتى لأخواتى بـ 2010 أنهم يخططوا صح ليستمعتوا بحياتهم ..

أشكرك ع الموضوع الجميل ..

 

[النهيسى]

شكرا للموضوع


مش كل الامانى بتتحقق


لكن أمنيتى وبكررها دائما

أن الناس تحب بعض


تتقرب من ربنا

بكده بامانه امانيهم هتتحقق قبل ما يتمنوا

يارب أجعنا


اطلبوا اولا ملكوت الله وبره وهذه كلها تزاد لكم ( متى)[/
كل سنه وانتم طيبين
COLOR]

 

[kalimooo]

امنيتي

ان يعم السلام الكون كله

وكل مسيحي مظلوم يأخذ حقه

الشكر الك يا مورا

فكرة جميلة

الرب يحقق امنياتك

 

[mora22]

شكرااااا يا مينا على مرورك وجميل قوى حب لاخوات ربنا يبارك حياتك وتحقق امنياتك​

 

[mora22]

شكرااااا يا نهيسى على مرورك المميز جداااااااااااااا وكلامك ارائع​

 

[mora22]

شكراااا كليمو
فعلا امنيتك كلنا بنتمناها

وكل مسيحي مظلوم يأخذ حقه

ودى على الخصوص ياريت كلنا نصلى لتحقيقها فى السنه القادمه وربنا ستر على الايام اللى جايه

 

[عادل نسيم]

شكرا" يا مورا وكل سنة وأنتِ طيبة
حسناتك ليّ يارب لا تحصي ولا تعد ... أكثر بكثير مما تمنيت في العام الماضي لك الشكر والحمد الدائم ... أمنيتي للعام القادم هي كما قال البابا شنودة الثالث : يارب أجعل أتجاهي نحو الملكوت وأجعلني أسرع خطاى وأذ لم أستطع فأجعلني أخطو خطوات كبيرة وأذ لم أستطع أجعلني أمشي ببطيء وأذ لم أستطع أجعلني أسحف نحو الملكوت وأذ لم أستطع أجعلني أقف مكاني ولا أفكر في الرجوع الي الوراء خطوة واحدة ... وأتمني للورائي التعمق في شركة جديدة مع الرب يسوع المسيح آمين

 

[engy_love_jesus]

كانت امنيتى السنة الى عدت انى اشتغل فى مجال غير التدريس والحمد لله اشتغلت مدرسة

بس عرفت انى مش هينفع اشغل اى حاجة تانى غير كدة

بتمنى انى اعيش فى سلام وامان وان فريق الكرازة تمثيل فريقى يرجع تانى بنشاطة ونزيع الاعمال الى عملناها

بتمنى ربنا يوفقنى فى شغلى اكتر واكتر

وبتمنى للبعدى راحة البال​

 

[بنت موسى الاسود]

ثنكس على امنيتك ليا انت كنت يتمنى السنه اللى فاتت شخص عزيز عليا ربنا يشفى بس ربنا ماردش لسه وبتمنى السنه دى انه يشفيه والاقى شغل وافضل جمب يوع واقرب منه اكتر واكتر

وبتمنى للى ورايا ربنا يمسك ايده ويكون معاه علطول ويرشده فى حياته خطوه بخطوه

 

[روزي86]

موضوع جميل يا قمر

بتمني يكون في حب اكتر

ومحدش يفارق حد غالي عليه

وكل سنة وانتم طيبين يا اجمل اعضاء

 

[وليم تل]

نشكر رب المجد
دائما بجوارى وأى امنية بتتحقق
ان اجلا ام عاجلا فكل شىء ولة وقتة
واتمنى ليس للعضو اللى بعدى فقط
ولكن للجميع ان يحققوا كل ما يتمنوة
وان يعم السلام والمحبة والاخاء العالم
وشكرا مورا
على الموضوع الجميل
ودمتى بود
​

 

[Dona Nabil]

امنيتى الشخصيه للعام الجديد انى اكون مطمنه على بنتى فى زمن مليان امراض واو بئه وناس الشر ماليها
وللناس كلها بتمنى ان البسمه والفرحه ترجع لوشوشهم بعد غياب طويل
وبتمنى للى بعدى سنه مباركه مليانا بالعطايا
وميرررسى يا مورا وبتمنالك انتى كمان سنه جميله تحققى فيها كل امنياتك

 

[+Nevena+]

حاجات كتير اتمنيتها ومش اتحقق
بس طبعا انا عارفه ان
لكل شئ تحت السماء وقت
واكيد لما يجي وقتها ربنا هيحققها
والسنه دي بتنمي ربنا يخلي ليا شخص غالي عليا
ويحميه من اي شر ويفضل دايما مميز في شغله
ويحقق حلمي يارب
هههههههههههههههههههه

ويبعد عن اهالي واصدقائي وكل الناس
اي مرض وشر
ويحفظ اولاده من عدو الخير
وتكون سنه سعيده علي الكل

واتمني للي بعدي
الفرح والسعاده وربنا يبارك حياته


ميرسي علي الموضوع
وكل سنه وانتي طيبه يا قمره
وربنا يحققلك امانيتك
​

 

[mora22]

شكرا" يا مورا وكل سنة وأنتِ طيبة
حسناتك ليّ يارب لا تحصي ولا تعد ... أكثر بكثير مما تمنيت في العام الماضي لك الشكر والحمد الدائم ... أمنيتي للعام القادم هي كما قال البابا شنودة الثالث : يارب أجعل أتجاهي نحو الملكوت وأجعلني أسرع خطاى وأذ لم أستطع فأجعلني أخطو خطوات كبيرة وأذ لم أستطع أجعلني أمشي ببطيء وأذ لم أستطع أجعلني أسحف نحو الملكوت وأذ لم أستطع أجعلني أقف مكاني ولا أفكر في الرجوع الي الوراء خطوة واحدة ... وأتمني للورائي التعمق في شركة جديدة مع الرب يسوع المسيح آمين

كلام رائع يا عادل ميرسى على مرورك

 

[mora22]

كانت امنيتى السنة الى عدت انى اشتغل فى مجال غير التدريس والحمد لله اشتغلت مدرسة ​

بس عرفت انى مش هينفع اشغل اى حاجة تانى غير كدة ​

بتمنى انى اعيش فى سلام وامان وان فريق الكرازة تمثيل فريقى يرجع تانى بنشاطة ونزيع الاعمال الى عملناها ​

بتمنى ربنا يوفقنى فى شغلى اكتر واكتر​

وبتمنى للبعدى راحة البال​

ميرسى يا انجى على مرورك