جيت من قدام الكنيسه ناو
الشعب كان كتير جدا
بس كل الوقت ما يتاخر كل ما الناس تقل
كمان فيه 5 عربيات امن مركزى
قدام الكنيسه الناحيه التانيه فيه ارض واسعه الناس قاعده فيها
اللى بيرنم واللى بيصلى واللى بياكل
وفي كراسى كمان
بس الجو برد شويتين علشان على البحر
ناقص الجزء اللى مستنيينه طبعا
الظهورات
كل اللى شوفته شخصيا
حمامة بيضا بتدور حوالين القبه
وامبارح اللى شوفته شخصيا من البيت عندى دايرة نور بتتحرك
بس الفيديوهات موضحه كل حاجة طبعا
وانا راجع فى التوكتوك
سواق التوكتوك كان بيسئلنى ان كنت جاى من الكنيسه
قولتله اه
قالى فرجنى الفيديوهات
بس الموبايل كان فاصل شحن
معرفتش افرجه حاجة
قالى شوفتها مع واحد من شويه وجسمى قشعر
وبعدها دخل فى قصة ستنا مريم مذكورة فى القران ولكم دينكم ولى دينى
وبكدة تنتهى رحلتى لرؤيه ام النور
سلام ونعمه
