لقاء مع رامي غبريال

[artamisss]

اهلا اهلا اهلا انت بتضربنى على دماغى اخص على الصحوبيه طب بالعند فيك
بقى هاسالك هه بس





سؤال حقنه اليوم هو : ماهى وجهه نظر رامى فى الاتى

الحياه
الصلاة
الزواج
الصداقه
الحكمه

وماهى مميزات رامى التى تجعله يعتبر نفسه بروفيشنال عن بقيه الناس؟


لحل سؤال المسابقه اتصل على رقم 0900080000
او من اى موبايل على 55555
ده رقم رامى يا جماعه ماشى هههه

بالشفا انشاءلله

 

[Badr]

رحم الله امرء عرف قدر نفسة

[/CENTER]

جميل جدا !!!!!!!!!!

 

[meraaa]

هاااااى يارامى
انا اول مرة هبعت اساله لاى حد فى المنتدى يارب مكونش متقله عليك
وعشان دى اول مرة اسال فيها اسالتى هتبقه خفيفه وقليله خالص على قدى يعنى
1-ايه اكتر حاجه بتكرها فى الدنيا واكتر حاجه بتحبها؟
2-ايه مفهوم الحياه بالنسبالك؟
3-ايه اكتر مصيبه عملتها وانت صغير؟
4-تحب فرحك يكون يوم ايه؟ وليه؟
5-ايه العقاب اللى اتعقبته قبل كده فى المدرسه وعمرك ماهتنساه؟
6-ايه الايه اللى دايما حاطتها قدامك فى حياتك دايما؟
7-ايه معنى الصداقه الحقيقيه بالنسبالك؟ وهل لاقيت الصداقه دى فعلا؟
8-ياترى بتؤمن ان فى صداقه بين الولد والبنت ولا لا؟
9-لما بيجيلك حاله خنقه بتعمل ايه؟ بعد الشر يعنى
10-ايه العيوب اللى بتشوفها فى كنايسنا دلوقتى؟
11-البساطه عبارة عن ايه فى نظرك؟
12-بتشجع نادى ايه؟ ومين اكتر لاعب بتحبه؟
13-ايه اكتر صفه بتكرها فى الولد ؟ واكتر صفه بتكرها فى البنت؟
14- ايه اكتر قسم بتحبه فى المنتدى؟
معلش نكتفى بهذا القدر الان عشان اول مرة بس :t33: يلا ربنا معاك

 

[Coptic Man]

اهلا يا استاذ شرفت الكرسي المكهرب

اسمحلي اسئلك واحرجك وازنقك هههههه

ليا عندك كام سؤال كدا

ما سر ارتباطك العجيب بيوم الخميس وتلمحياتك بخصوص دكر البط في مواضيعك الاجتماعية ؟

ايه اول حاجة بتعملها اول ما تصحي من النوم وايه اخر حاجة بتعملها ؟

( اوعي تقولي بفتح عيني وبغمضها اخنقك )

ليك عادة معينة بتكرهها ؟

ايه اسؤ صفة في رامي ؟

ايه احلي صفة بتعتبرها مميزة فيك ؟

نفسك تشوف نفسك ايه بعد 50 سنة من دلوقت ؟

لو معاك عصا سحرية هتعمل بيها ايه ؟

ايه وضع الانثي في حياة رامي ؟

انا شايف انك بتديهم حقوقهم خالص ومش بيتيجي عليهم هل معني تصرفاتك انك بتحب تمشي تحت الحيط ومش عاوز مشاكل ولا الانثي ليها وضع خاص هههههه

واخيرا اتمني اكون تقلت عليك يا حبيبي​

 

[ramyghobrial]

اهلا اهلا اهلا انت بتضربنى على دماغى اخص على الصحوبيه طب بالعند فيك
بقى هاسالك هه بس

وانا مش مجاوب هه بس :beee:

ولا اقولك يالا مش مهم اهو انتي زي اختي برضة

سؤال حقنه اليوم هو : ماهى وجهه نظر رامى فى الاتى

الحياه

الحياة هي الحب

الصلاة

روح الانسان

الزواج

نص +نص = واحد

الصداقه

كنت بتمناها زمان وانا صغير وربنا استجاب لدعايا وربنا يخلي ليا صحابي

الحكمه

الحكمة هي العقل

وماهى مميزات رامى التى تجعله يعتبر نفسه بروفيشنال عن بقيه الناس؟

ودة سؤال يتسال انا عما ماعرفش اتكلم عن نفسي يعني اذاي اقول انا حلو ولا وحش الناس هي اللي تقرر دة مش انا

لحل سؤال المسابقه اتصل على رقم 0900080000
او من اى موبايل على 55555
ده رقم رامى يا جماعه ماشى هههه

بالشفا انشاءلله

مش متصل بقة :spor22:

 

[ramyghobrial]

جميل جدا !!!!!!!!!!

ربنا يخليك يابدر

 

[ramyghobrial]

هاااااى يارامى
انا اول مرة هبعت اساله لاى حد فى المنتدى يارب مكونش متقله عليك
وعشان دى اول مرة اسال فيها اسالتى هتبقه خفيفه وقليله خالص على قدى يعنى

:new2: ايوة خفيفقة بااااااااااين اوي اوي

1-ايه اكتر حاجه بتكرها فى الدنيا واكتر حاجه بتحبها؟

اكتر حاجة بكرهها في الدنيا القسوة والظلم بجد صعبين اوي
واكتر حاجة بحبها (( الحب )) عما يعني اي حب مابين الاصدقاء العائلة كلة كلة

2-ايه مفهوم الحياه بالنسبالك؟

الحياة بالنسبالي هي ارضاء لربنا في الاول ولنفسي

3-ايه اكتر مصيبه عملتها وانت صغير؟

قولتها قبل دة لما جيرل سالتني عن ذكرة من الطفولة

كنت بحب العب اني احط طوبة على رجلي وانشنها في اي حاجة حدف برجلي يعمي ومرة عملتها وكان فية عربية حديثة جدا واقفة في الشارع راحت رجلي حادفة الطوبة ناحيتها طبعا قبل ماتنزل على قزاز العربية كنت انا فوق في بيتنا وخايف هههههههههه وقعدت مانب نفسي سنين على الموضوع دة :t33:

4-تحب فرحك يكون يوم ايه؟ وليه؟

يوم خميس علشان احبابي كلهم يحضروة ويبقى تاني يوم اجازة ومحدش يتحجج ويقولي اروح بدري علشان عندي بكرة شغل وبعدين دي حاجة مش في ايدي لما تبقى بنت الحلال تقررة معايا :t33:

5-ايه العقاب اللى اتعقبته قبل كده فى المدرسه وعمرك ماهتنساه؟

مرة رميت كشكول مدرس من الشباك على اساسا انة بتاع واحد صاحبي متخانق معاه اصله كان كشكول معفن اوي المهم المدير استبعدني اسبوع وكنت بروح العب كورة :t33:

6-ايه الايه اللى دايما حاطتها قدامك فى حياتك دايما؟

29فلا تَطلُبوا ما تَأكُلونَ وما تَشرَبونَ ولا تَقلَقوا، 30فهذا كُلُّهُ يَطلبُهُ أبناءُ هذا العالَمِ، وأبوكُمُ السَّماويُّ يَعرِفُ أنَّكُم تَحتاجونَ إلَيهِ. 31بَلِ اَطلُبوا مَلكوتَ_ الله، وهوَ يَزيدُكُم هذا كُلَّهُ. لو 12

7-ايه معنى الصداقه الحقيقيه بالنسبالك؟ وهل لاقيت الصداقه دى فعلا؟

الصداقة الحقيقة ليها معاني كتير مقدرش اقولهالك هنا لانه هاتاخد كتير اوي بس اهمها الصدق واني الاقي حد يسمعلي
والحمدلله لاقيت الصداقة الحقيقة وربنا يخليلي اصداقئي

8-ياترى بتؤمن ان فى صداقه بين الولد والبنت ولا لا؟

اكيد طبعا امؤمن بذلك لانها بتخلي الانسان سوي جدا مع نفسة

9-لما بيجيلك حاله خنقه بتعمل ايه؟ بعد الشر يعنى

انا من النوع اللي ضد الحزن وبقدر اخرج بسرعه لاني اتعرضت في حياتي لتجارب شديدة ووصلت معايا لاقصى مراحل فمعدش بيهمني اي حاجة تحصلي لان اية اللي ممكن يحصلي اكتر من اللي حصل وربنا انقذني منة
بس انا لو حصل حاجة احب انزل اقابل صحابي او اتكلم مع القريب مني وبفوق بسرعه

10-ايه العيوب اللى بتشوفها فى كنايسنا دلوقتى؟

لو واحد جديد دخل وسط الخدام صعب يقبلوة وبيتعب نفسيا

11-البساطه عبارة عن ايه فى نظرك؟

الحياة بدون تكلف

12-بتشجع نادى ايه؟ ومين اكتر لاعب بتحبه؟

الزمالك (بلا وكسة ) واكتر لاعب بحبة مصري هو حازم امام
واجنبي بموت في زيدان بس اعتزل

13-ايه اكتر صفه بتكرها فى الولد ؟ واكتر صفه بتكرها فى البنت؟

اكتر صفة بكرهها في الولد اللي بيبقى كذاب ومنافق واللي بيبقى فاكر نفسة ان مفيش منة اتنين ويستكبر حتى يسلم
والبنت اللي تحب تعيش دور الراجل يعني هي صاحبة الامر والنهي في كل حاجة واللي دايما تعيش في مشاكل من الهوا (مختلقة المشاكل )

14- ايه اكتر قسم بتحبه فى المنتدى؟

اكيد اللي انا مشرف فية قسم الاجتماعيات


معلش نكتفى بهذا القدر الان عشان اول مرة بس :t33: يلا ربنا معاك

ياعم سيبني اعيط

 

[ramyghobrial]

اهلا يا استاذ شرفت الكرسي المكهرب


اسمحلي اسئلك واحرجك وازنقك هههههه

ليا عندك كام سؤال كدا


​

كوبتيك انا عارف اللي بعمله فيه هايطلعه عليا وبعدين مش احنا اللي نتحرج ياد انت ياد

ما سر ارتباطك العجيب بيوم الخميس وتلمحياتك بخصوص دكر البط في مواضيعك الاجتماعية ؟

اسال جورج صبري كاتب الموضوع ياخويا :spor22:

ايه اول حاجة بتعملها اول ما تصحي من النوم وايه اخر حاجة بتعملها ؟

( اوعي تقولي بفتح عيني وبغمضها اخنقك )

اول حاجة بعملها اني بشوف الموبايل واخر حاجة بعملها بصلي

ليك عادة معينة بتكرهها ؟

اة النوم كتير والاكل في العشا بس بس الحمدلله بدات اظبط الامور دي

ايه اسؤ صفة في رامي ؟

القلق بس مش اوي يعني ساعات بقدر اتحكم فية بس مع ناس كتير مش بقدر

ايه احلي صفة بتعتبرها مميزة فيك ؟

ماعرفش صدقني

نفسك تشوف نفسك ايه بعد 50 سنة من دلوقت ؟

اشوف نفسي معايا اسرة كلها حب واكون راضي ربنا واكون مقدم خدمات حلوة للخير
+العربية والفيلا :smil12:

لو معاك عصا سحرية هتعمل بيها ايه ؟

اتمنى ارجع والدي علشان فية حاجات كتير كان نفسي نعملها سوا
وارجع ابونا بيمن اب كنيستنا
وهاغير حاجات في ناس نفسهم يغيروها في نفسهم
واللي مابيعرفش يحب هاخليه يعرف يحب
واللي مش بيحب الاطفال (ريمون ) هاخليه يحبهم

ايه وضع الانثي في حياة رامي ؟

وضع كبير ومؤمن جدا انها مكملة الرجل

انا شايف انك بتديهم حقوقهم خالص ومش بيتيجي عليهم هل معني تصرفاتك انك بتحب تمشي تحت الحيط ومش عاوز مشاكل ولا الانثي ليها وضع خاص هههههه

لا معنى كدة اني بقول الحق ياخويا واكيد الانثى ليها وضع خاص عندك انت كمان هاها واخد بالك

واخيرا اتمني اكون تقلت عليك يا حبيبي

لا ابدا خااااااااالص (موت بغيظك)


​

 

[tina_tina]

ماكنتي نمتي ياتينا احسن :a82:

مش هرد عليك
اصلك غلس
​

مش هاسمح اني اضحي ولا حد يضحي بيا طالما احنا الاتين مرتبطين ببعض اساسا وبنحب بعض

افهم السؤال صح وجاوب عليه تانى​

يعني اية مش فاهم

اكتر ولد جذبتك شخصيتة؟
واكتر بنت جذبتك شخصيتها؟​

وانتي من اهله ياختي
شوفت منمتش من ساعتها الا النهاردة الصبح
اصل حد دعى عليا

بالنسة للسؤال التانى هقولك شرحه
البنبوناية هى شخصية حلوة اوى اوى ولذيذة اوى زى البنبون ولكن وقتية
يعنى حلاوتها بتروح مش دايمة شكل خارجى فقط

الجوهرة هى شخصيات فى حياتك خدتها جواهر ليك وكل يوم يتزيد غلاوتها عندك

اما البندقية هى شخصيات صعبة التعامل معاها ولكن لما دخلت لعمقها حسيت بحلاوتها وجمالها رغم القساوة الخارجية لكن شخصية حلوة من جوة اوى

انت جوبت على شوية جاوب على الباقى عقبال ما اكمل الباقى واجيلك

 

[Coptic Man]

كوبتيك انا عارف اللي بعمله فيه هايطلعه عليا وبعدين مش احنا اللي نتحرج ياد انت ياد

- ياباشا ده اقل واجب :big4:

اسال جورج صبري كاتب الموضوع ياخويا :spor22:

- وليه اسائل جورج مش انتا اللي جبت الموضوع معني كدا انك فاهمه كويس والا مش كنت نقلته ومتفق ايضا مع رواية الموضوع

- اذن انا اطلب منك انت التفسير الدقيق لهذا

:smil12:

لا معنى كدة اني بقول الحق ياخويا واكيد الانثى ليها وضع خاص عندك انت كمان هاها واخد بالك

- لا الحقيقة مش واخد لبالي :174xe:

لا ابدا خااااااااالص (موت بغيظك)

:new6: :new6: :new6:

سؤال اخير

ماذا تمثل لك كلا من 1- موني 2- نانسي ومن هما ؟؟



:t19: ​

 

[ramyghobrial]

[/color]

بالنسة للسؤال التانى هقولك شرحه
البنبوناية هى شخصية حلوة اوى اوى ولذيذة اوى زى البنبون ولكن وقتية
يعنى حلاوتها بتروح مش دايمة شكل خارجى فقط

الجوهرة هى شخصيات فى حياتك خدتها جواهر ليك وكل يوم يتزيد غلاوتها عندك

اما البندقية هى شخصيات صعبة التعامل معاها ولكن لما دخلت لعمقها حسيت بحلاوتها وجمالها رغم القساوة الخارجية لكن شخصية حلوة من جوة اوى

انت جوبت على شوية جاوب على الباقى عقبال ما اكمل الباقى واجيلك

طيب كويس انا وضحت في اسئلة ديانا وميرا اللي انتي عايزاة

 

[ramyghobrial]

إقتباس:
كوبتيك انا عارف اللي بعمله فيه هايطلعه عليا وبعدين مش احنا اللي نتحرج ياد انت ياد


- ياباشا ده اقل واجب :big4:

ربنا يخليك ياحبيبي ليا يارب

إقتباس:
اسال جورج صبري كاتب الموضوع ياخويا :spor22:


- وليه اسائل جورج مش انتا اللي جبت الموضوع معني كدا انك فاهمه كويس والا مش كنت نقلته ومتفق ايضا مع رواية الموضوع

- اذن انا اطلب منك انت التفسير الدقيق لهذا

:smil12:

اذن فسوف يباح دمي في هذا المنتدى

إقتباس:
لا معنى كدة اني بقول الحق ياخويا واكيد الانثى ليها وضع خاص عندك انت كمان هاها واخد بالك


- لا الحقيقة مش واخد لبالي :174xe:

لااصلي اعرف واحد صاحبي كدة عسل اوي ولذيذ جدا ومش هافضحة برضة

إقتباس:
لا ابدا خااااااااالص (موت بغيظك)


:new6: :new6: :new6:

سؤال اخير

ماذا تمثل لك كلا من 1- موني 2- نانسي ومن هما ؟؟

موني
مينا جورج صاحبي وحبيبي وكان قصد ميريت ان لو انت هاتكلم نبيل انا هاكلم موني صاحبي يعني
وابقى سلملي على جوزك يامويني واخد بالك

ونانسي بجد الموضوع دة بيتعبني ومقدرش اتكلم فية هههههههه
بس هاقولة علشان محدش يفهم حاجة غلط
ايو ياسيدي انارامي غبريال اللي قالو انة مرتبت بنانسي عجرم
بس بجد اشاااااااعه طلعوها عليا
والموضوع ضايقني اوي
بس الصراحه كنا نتمنى انا وهي نخلي الموضوع بينا ومش نطلعه برة بس

 

[ميرنا]

ايو ياسيدي انارامي غبريال اللي قالو انة مرتبت بنانسي عجرم
بس بجد اشاااااااعه طلعوها عليا
والموضوع ضايقني اوي
بس الصراحه كنا نتمنى انا وهي نخلي الموضوع بينا ومش نطلعه برة بس

لا يوااااد جامد يخرب عقلك

 

[ramyghobrial]

لا يوااااد جامد يخرب عقلك

:t33: :t33: :t33: :t33:
شوفتو بقة
هو انا اة رامي الليمعاكم في المنتدى

 

[tina_tina]

:t33: :t33: :t33: :t33:
شوفتو بقة
هو انا اة رامي الليمعاكم في المنتدى

طيب انا عمرى ما سمعت ده خالص

:smil12: ​

 

[ميرنا]

سيبه يا تينا يحلم يماما حتى الحلم هتدققو عليه مش حراام تضيقو عليه كده هيه صحيح وسعت جامدالمره دى بس الراجل معجب ببنت عجرم يعمل ايه يعنى :beee:

 

[tina_tina]

يالا بقى نبتدى الاسئلة
انا دلعتك امبارح خالص
انهاردة مفيش دلع
ونقول 1-

1- ماهى لحظة الضعف عند رامى؟ وهل مريت بيها ؟
2- ما هى اولوياتك فى قراءة هذه الكتب
روحية
سياسية
اجتماعية
عقيدية
تسليه
3- ايه الحاجة اللى نقصة فى رامى وبيحاول يقتنيها ؟
4- ايه رايك فى الامثال دى
البعيد عن العين بعيد عن القلب
خد اللى تحبك وما تخدش اللى تحيها
لا محبة الا بعد عداوة
اكفى القدرة على فمها تطلع البنت لامها وهاتوا الجردل واقلبوة يطلع الواد لابوة
5- كلمة او نصيحة او عتاب تحب تقدمها لمين ؟ فى المنتدى او برة
6- كلمة شكر تقدمها لمين؟
7- رامى راضى عن حالته
الاجتماعية
الثقافية
الروحية
8- اول حاجة بتعملها لما تدخل المنتدى
9- قول كلمة واحدة عن
البابا شنودة
الرئيس حسنى مبارك
الرئيس الاكبر روك
10 بلد تحب تزورها اوى ؟( طبعا معايا غير ايطاليا وفينا علشان روحناها قبل كده)
11- ايه الحاجة اللى رامى بيتضايق منها فى تينا اوى ونفسه تبطلها غير العند ودماغها الناشفة
( للاستفادة الشخصية )​

بس كفاية عليك كده النهاردة

عاوزة ردود كده تملا العين انت فاهم​

 

[ramyghobrial]

سيبه يا تينا يحلم يماما حتى الحلم هتدققو عليه مش حراام تضيقو عليه كده هيه صحيح وسعت جامدالمره دى بس الراجل معجب ببنت عجرم يعمل ايه يعنى :beee:

طيب الحمدلله انكم فاكرنها حلم
طيب كويس كويس انكم اقتنعتو بكدة :smil12:
اصل الموضوع دة بيتعبني اوي

 

[ramyghobrial]

يالا بقى نبتدى الاسئلة
انا دلعتك امبارح خالص
انهاردة مفيش دلع

​

:smil13: مش حاااااااارام ياتينا
ماشي

1- ماهى لحظة الضعف عند رامى؟ وهل مريت بيها ؟

ياريت مانتكلمش كلام يوجع ويضايق بس اعتقد لحظة فراق شخص غالي
والحمدلله انا من كتر ماشوفت في حياتي من صعاب كلمة ضعف معدتش في قاموسي عارفة الملاكم كل ماينضرب يبقى اقوى من الاول
انا معدش يهمني اي حاجة تحصلي لاني هاشوف اية اكتر من اللي حصل
فكلمة ضعف معدتش موجودة في حياتي

2- ما هى اولوياتك فى قراءة هذه الكتب

كدة ترتيبها
1-اجتماعية
2-روحية
3-تسليه
4-عقيدية
5-سياسية
​

3- ايه الحاجة اللى نقصة فى رامى وبيحاول يقتنيها ؟

ااقرب اكتر لربنا​

4- ايه رايك فى الامثال دى

البعيد عن العين بعيد عن القلب
مش اوي يعني بس ممكن نقول ممكن


خد اللى تحبك وما تخدش اللى تحيها
لاااااااا كنا زمانا متجوزين :t33: خد اللي تحبها وتحبك اكيد​

لا محبة الا بعد عداوة
ساعات

اكفى القدرة على فمها تطلع البنت لامها وهاتوا الجردل واقلبوة يطلع الواد لابوة
معتقدش اوي في المثل دة انا اقدر اشوفها من غير ماعرف مامتها

5- كلمة او نصيحة او عتاب تحب تقدمها لمين ؟ فى المنتدى او برة

نصيحة بقدمها لواحد صاحبي وبقولة اهدى شوية واتحكم في نفس كاكترمن كدة​

6- كلمة شكر تقدمها لمين؟

للدنيا اللي عملتني راجل وادتني فرصة اواجه صعاب كتير وخلتني اقوى
وكمان لاصحابي اللي عملو ليا روح في الدنيا
ولناس مقربة ليا
ويارب يخلهملي كلهم ​

7- رامى راضى عن حالته

الاجتماعية
طبعا الحمدلله
الثقافية
مش اوي
الروحية
بحاول اكون احسن​

8- اول حاجة بتعملها لما تدخل المنتدى

بشوف لوحه التحكم واخر مواضيع كنت مشترك فيها والردود اللي فيها ​

9- قول كلمة واحدة عن

البابا شنودة
قديس عايش وسطينا
الرئيس حسنى مبارك
سياسي
الرئيس الاكبر روك
الحبوب​

10 بلد تحب تزورها اوى ؟( طبعا معايا غير ايطاليا وفينا علشان روحناها قبل كده)

هي فينا علشان ليا صحاب هناك وهايفسحوني كويس وانشاء الله اقضي اسبوع العسل هناك :dance: ​

11- ايه الحاجة اللى رامى بيتضايق منها فى تينا اوى ونفسه تبطلها غير العند ودماغها الناشفة
( للاستفادة الشخصية )

ساعات بتفتكر حاجات غلط وتظلمنا :t32:

بس كفاية عليك كده النهاردة

عاوزة ردود كده تملا العين انت فاهم

هو لسة فية بكرة :a82: ​

 

[tina_tina]

هاى رامى
سؤال على الماشى كده
ايه السؤال اللى عاوزنى اسئله؟وطبعا تجاوب


وايه السؤال اللى متتوقعش انى اسئله؟وطبعا تجاوب

نفسك ايه اللى يتغير فى المنتدى على اول السنه الجديدة
وايه اللى ممكن يزيد فيه؟
ومتتهربش من الاسئلة دى​