يخربيت الافلام العربى

[ميرنا]

الواد يعمل من البحر طحينة وصباح الكلام الناعم والسهوكة والبت هبلة اول مرة تحب وتحس بلحاجات دى صدقتة جه فى وقت مزهق بتقله هتيجى امتى قلها لما انتى عارفة انى مش هاجى بتسئلى ليه انسينى

ومن يومها البت مدمرة هو ايه بنات الناس لعبة لدرجادى فعلا غلطتها انها بتحب ملهاش خبرات فى الحب
هتقولو البنت هبلة وهى صدقته طبعا صدقته واحدة اول واحد يقولها كلام كدا وعامل فيها ابن بارم ديلة وملهاش خلفيات عن الحب صح كنا بننصحها بس لما بنكلمها تصعب عليك اول مرة احس بدا وخدت صدمة بعمرها كفاية بقى لعب بلمشاعر

 

[kalimooo]

موضوع جديد للنقاش يلا يا جماعة
شكرااااااااا ليكي على المواضيع الجامدة ميرنا
ربنا يباركك اختي
سلام المسيح​

 

[ميرنا]

دايما منور يا كليمو

 

[Scofield]

مالك بس يا ميرنا اعصابك يا اختى دايما كده متعصبة بلاش سوسو و خدى توتو
بلاش افلام عربي اتفرجى على هندى

 

[ميرنا]

اصلى مش فاهمة يا سكوفا بلاش سوسو دى وفضايح ميتقلكش على سر ابدا

بص الواد ثبتها تمام ولانها يعينى عبيطة وعايشة فى الزمن الرومانس الجميل صدقته وقلتله هتستناه حتى سنتين وبعد مزهق قلها باى باى طب سهل اوى عليهم يعملو كدا

 

[Scofield]

اهو انتى قلتيها هى عبيطة يبقى زنبها على جنبها

 

[فراشة مسيحية]

نصحناها كتير ماسمعتش الكلام

لازم تتلسع علشان تتعلم​

 

[fns]

مش هى قررت انها تحب يبقى تستحمل
من اللى ايجيلها من ورا الحب
فيها لما البنات تتجوز جواز صالونات
ولا اتتعب نفسها ولا اتتعب قلبها
شكرا ميرنا على الموضوع الجميل
تحياتى​

 

[ميرنا]

ايه دا يعنى انتا مع جواز الصالونات وانا سمعت انى فى احصائيات اثبتت انى اكتر جواز فاشل اللى عن حب

 

[fns]

انا مش مع جواز الصالونات ولا حاجة
بس انا شايفه مناسب كتير لبعض البنات
يعنى فى بنات لما بتيجى تحب بتحب بقلبها بس
والكلام ده مينفعش لازم لما تيجى تحب تحكم عقلها قبل قلبها
علشان متتعبش فى الاخر وتقول يا ريت اللى حصل ما كان
وتفضل تعذب نفسها بذكريات ملهاش اى لازمة انها تفتكرها
وغير كده
المفروض على البنت لو لقيت شخص بيحبها وهى بتحبه
تقعد معاه تعرف ظروفه ايه وايجى يتقدم ولا لا
وهو مناسب ليها ولا لا
لو اتاكدت انه بيحبها صحيح تقوله انت عارف عنوان البيت وبابنا مفتوح ليك فى اى وقت
متقعدش تقابله من ورا اهلها وتكلمه فى التليفون بالساعات ويروحوا رحلات مع بعض
لكن لو قلها الظروف والجوابات وعملها من البحر طحينة يبقى لازم تبعد عنه
ومتكملش معاه
متقلش انا هقف معاك لاخر لحظة
اللى بيحب بجد بيبقى عاوز الانسان اللى بيحبه النهاردة قبل بكرة
ميقعدش يسمعه فى كلام حلو ويلعب بمشاعره
ده رايى واسف على الاطالة​

 

[ميرنا]

لا ابدا مفيش اطالة وانتا عندك حق فى ردك بس مين يسمع ويفهم انا الشهرين اللى فاتو مكنتش بنام بسبب موضعها دا لانى عارفة النهاية دى بس نشكر ربنا جت على كدا

 

[rana1981]

بصراحة انا بدايق كتير من البنت يلي بتمشي ورا عواطفها هاد الزمن ما بده بس عواطف بده كمان عقل يشتغل يعني نشغل الاتنين سوا والعقل اكتر​

 

[ميرنا]

هو محتاج الاول عقل العواطف ممكن تطلع بعد الارتباط كدا اضمن بصراحة

 

[R_love_Y]

صحيح ..........

الكثير من شبابنا وشاباتنا يتاثرون بالافلام العربي وفي بعض الاحيان يحاولون التقليد بدون ادراك ومعرفة اذا كان هذا شيء جيد ام لا .​

 

[ميرنا]

اه وانا منهم مش عاوزة واحد يجى من البيت كدا ويتكلم لا حاجة تقع على الارض واتنين يوطو يجبوها بس تصوير بطىء ويطلعو واحدة واحدة ادى الافلام واللى بتعملو فينا

 

[Scofield]

المفروض يلغو الجواز و الحب حد فاضى اليومين دول للكلام ده مش لما ناكل نفسنا الاول

 

[ميرنا]

ايوا يا سكوفا عندك حق بامانة فاضين احنا للعب العيال دا

 

[+SwEetY KoKeY+]

مواضيع جامده يا ميرنا
فعلا اللوم مش هيبقا على البنت وبس والولد كمان
هى عبيطه ومالهاش خبرة وصدقت كلام حلو اتقالها وهو كمان فاكر البنات لعبه وتسليه وده اكبر غلط لتفكير الشباب من نحية البنت​

 

[ميرنا]

بس مجتمعنا مجتمع ذكورى يا كوكى يعنى مش هيقول ابدا الولد اللى غلط

 

[go love]

اولا تحيا ليكي على كلامك فى موضوعك
العيب مش فينا احنا بس لا
صدقينى العيب فى تكونة نفسة تربيتنا وبئيتنا لها عامل اساسي
مجتمعنا نفسة عامل اساسي
انا مصر ان السبب الاساسي هو البعد عن الاخر والتربيا من الصغر للكبر ان الاقتراب ممنوع

وطبعا كل منكبر فى ميول يكبر جوانا هو معانا
ولو تكلمنا عن البيئة والمجتمع والنشئا مش هتكفي صفحات المنتدي
بس
الطريق الصحيح لي ارتباط هو الجواز
ومش اي جواز لا بشروط ومقايش ومعاير
بمعنا ان يكون فى توافق فى كل حاجة مع شريك الحياة
عشان يكون جواز ناجح
ام غير الطريق دة فبتكون قصص وحكايات
بنقوم بتالفها وبنلاقى اللي يسمعها وكمان عايز
وبس مش عايز لا دة محتاج ان يعشها
البنت بسبب الكبت اللي بيتولد معاها من صغرها
والضغط عليها من الاسرة والاهل والخوف الزايد بيخليها
من ااقل كلمة او بس نظرة تلقيها وقعت
دة يمكن من غير متعرف الشخص بتبقى نفسها تتعرف على اى شخص
المهم عندها تلاقى اى حد يخرجها من اللي هي في..............

يا بنت حواء سيبك من الافلام العربي القديمة
و حتى الافلام الهندي الرومانسية اللي الكل بيبحث عنها(ما في احلا من الوقع حتى ولو كان مر)

هيخدك ويعيشك في اجمل قصة وهـــ ــــ ــــ ـــم ووهيسافر بيكي للجنة
بس فى الاخر هتلاقى نفسك لوحدك
فى الصحرا بدون اي شئ....... واتجرتي من كل شئ......

الحب جميل جدا ومين فينا مش نفسة يحب ويتحب حقيقي
بس المشكلة فين نلقي ومع مين نعرف نعيش بي
مترموش الوم بس على الولد
الحرامي لو ملقاش مغفل يسرقة مش هيسرق
وعلاج اي مشكلة حقيقي هو قربنا من ربنا
ومن الكنيسة امنا

تقبلي مروري
واسف اوي للاطالة
go love