حصريا ارقي مكتبة للترانيم الحزيـــنة و الهـادئة جميلة جدا(( متجدد يوميا))

+Bent El3dra+ · 12 فبراير 2011

رد: حصريا ارقي مكتبة للترانيم الحزيـــنة و الهـادئةslow جميلة جدا(( متجدد يوميا))

ترنيمة ( أنا عارف )

أنا عارف ومتأكد انك لما بتشدد والحمل عليا بتزود و ده علشان تقوى عظامى
وإنك لما بتجربنى مش غاوى يارب تعذبنى انت بس بتأدبنى وتثبت ع الارض اقدامى

† حتى لو اترميت فى البير واتبعت عبد واسير
جوة السجن اتهانت كتير عارف دى مجرد بداية
- مش هسأل ليه انت ناسينى بطلب بس ايديك قوينى
واثق انك هتخلينى حاجة تانية فى النهاية

† ولو اخدت منى كل شئ وفى احزانى ومرضى غريق
مش لاقى جنبى اى صديق انت لوحدك عندى كفاية
- شفت معاك الفرحة اصناف من حبة ضيق انا ليه اخاف
واثق هتعوضنى اضعاف هبدأ من جديد الحكاية

† ولو وقعت فى بطن الحوت وخلاص قربت على الموت
سامع قلبى من غير وحاسس باللى جوايا
- مش راح اهرب من قدامك وبإيمان هنفذ كلامك
مادام فى قلبى يارب سلامك وايديك فى طريق ليا حماية

† ومهما تجاربك بتوجعنى ولا الف شوكة راح تمنعنى
مفيش حاجة هترجعنى وتخلينى اخسر سمايا
بيك انا اقوى من الاول هدوس على الامى واتحمل
قوتك فى الضعف تكمل وانت يارب هو رجايا

التحميــــــــــــــل
http://www.mediafire.com/?ee7nyt9xdw2eo2e

ABOTARBO · 12 فبراير 2011

يا ساتر يارب ليه بس الحزن دة هههههههههه
ربنا طيب وحلو وحنين

بس مجهود حلو خالص تاسونى
ربنا يبارك خدمتكم

ABOTARBO · 12 فبراير 2011

هشارك يا تاسونى معاكم بترنيمة مش حزينة لكن مُعزية خالص

بتجرح وتعصب
للحن الروحاني ابونا موسى

بتجرح وتعصب…بتضرب وتشفي
لو اليأس يغلب…بتبعت امل
وتسمح بضيقة…لكنك بصفي
بتوجد طريقة…ومخرج وحل
بتيجي في ميعادك…وتنقذ ولادك…وابليس اصادك خلاص انهزم
وافراحنا تدبل…نجيلك تبدل…همومنا لسعادة وتمحي الالم
يسوع انت تقدر…تعيني في ضيقي…وللفخ تكسر يا رب البشر
مادمت انت سيدي…بوعدك حـــ توفي…حـــ تمسك بأيدي في وقت الخطر
بتيجي في ميعادك…وتنقذ ولادك…وابليس اصادك خلاص انهزم
وافراحنا تدبل…نجيلك تبدل…همومنا لسعادة وتمحي الالم

للتحميل

http://www.4shared.com/audio/OEnd0CFg/05-_.html

+Bent El3dra+ · 12 فبراير 2011

ABOTARBO قال:
يا ساتر يارب ليه بس الحزن دة هههههههههه
ربنا طيب وحلو وحنين

بس مجهود حلو خالص تاسونى
ربنا يبارك خدمتكم

ههههههههههههه
معلش يا ابوتربو
فى ناس بتعشق النوع ده من الترانيم وانا منهم
الشكر لاخونا شادى اللى كان عامل الموضوع من الاول

sameh fayez · 12 فبراير 2011

شكرا علي المجهود الرائع والرب يبارككم

candy shop · 12 فبراير 2011

جارى التحميل

شكرااااا ليكى با قمر

ربنا يباركك

+Bent El3dra+ · 13 فبراير 2011

ترنيمة ( تايه وسط بحور العالم )
للمرنم ( رومانى رؤوف )

تايه وسط بحور العالم ناسى انى ابن ليك
تارك نفسى للخطية بايع كل محبة اليك
قوينى ياربى فى ضعفى حسسنى ان انا غالب بيك
ياللى قلت فى وقت الضعف ثق دايما انا عينى عليك

† لما فى لحظة بحس بأنى هم العالم غطى رجايا
بلقى كلامك جه صحانى نبه قلبى يترجاك

† بدموع التوبة بصرخلك مد ايديك انا مستنيك
واثق انى بين ايديك ابن حقيقى غالب بيك

التحميـــــــــــــل
http://www.mediafire.com/?4jbtdxhl862c1hs

تيمو · 13 فبراير 2011

رد: حصريا ارقي مكتبة للترانيم الحزيـــنة و الهـادئةslow جميلة جدا(( متجدد يوميا))

+Bent El3dra+ قال:
تحت امرك
ربنا معاك

حاشاكِ ستّي

كلنا تحت أمر الحكومة :t33:

lovely dove · 18 فبراير 2011

مجموعه جميلة قوي انا بعشق الترانيم الحزينة
ربنا يعوض تعبكم

+Bent El3dra+ · 25 فبراير 2011

ترنيمة ( دمعة عينيا )
فريق ( بارثينيا )

امسح دمعة عنيا شيل الجراح من حياتي
ابعد عني الخطية نسيني عشقي لذاتي

انا عايزة حياتي تكون وياك
عايزاك تساعدني اعيش في حماك
وانا بترجاك بترجاك تمسح دمعة عنيا

† يايسوع يا غالي عندي انت الأمل الوحيد اللي يقدر بلمسة يحيني من جديد
غرقانة في بحر خطايا مش عارفة ازاي راح أموت لكن ايدك ويايا هتعديني السدود

† انا في انتظار وعودك عارفة ان الوعد اكيد انا هبدأ اول خطوة وانت عليك التجديد
اديني قلب يحبك مش قلب من حديد نورلي طريقي بحبك قربني من المواعيد

التحمـــــــــيل
http://www.mediafire.com/?d9h1ja2np42iq4t

reva samy · 26 فبراير 2011

شكرا جدا جدا جدا على مجهودك والترانيم الجميلة دى ربنا يعوضك تعب محبتك

+Bent El3dra+ · 26 فبراير 2011

ترنيمة ( لسة الباب مفتوح )
للمرنمة ( نرمين نمر )

لسة الباب مفتوح ادخل ياللى بعيد
لو ضاعت الفرصة ندمك مش هيفيد

† اللى هايقفل مش انسان ممكن تترجاه يفتحلك
لا ده الرب الديان ايه عزرك ماهو ياما ندهلك.

† ياللى غرورك يوم خلاك تنسى الام وجراح وصليب
حاسب اخر البعد هلاك حاسب اخر البعد لهيب.

† عهد النعمة اليوم بينادى يلا تعالى يا كل بعيد
تفرح ويا يسوع الفادى وفى الابدية الفرح يزيد .

التحميــــــــل
http://www.mediafire.com/?a6vplwhc9r3scaa

Samir poet · 27 فبراير 2011

عاوز ترنيمة
بنطرح قدام صليبك
للمرنم رومانى روؤف

+Bent El3dra+ · 27 فبراير 2011

سمير الشاعر قال:
عاوز ترنيمة
بنطرح قدام صليبك
للمرنم رومانى روؤف

مش موجودة
وياريت طلبات الترانيم تتحط بعد كده فى الموضوع المخصص ليها
سلام ونعمة

+Bent El3dra+ · 28 فبراير 2011

ترنيمة ( طوق النجاة )
للمرنم ( جورج أنور )

محتاج لطوق النجاة اللى انا هتعلق به
محتاج لايدين حبيبى وحمولى هسيبها عليه

† ازاى الجأ لغيره ازاى اسيب حبيبى
ازاى انسى جروحه انسى عذاب الصليب.

† ده العالم واللى فيه مليان بشوقى اليه
بجرى دايما عليه واهرب من نفسى له.

† ده انت اللى معاك حياتى وبايدك دى نجاتى
بتشيل عنى اهاتى لما برفع صلاتى.

التحمــــيل
http://www.mediafire.com/?nnh8zmazx59c444

smsm_mo7a · 1 مارس 2011

بجد مرسى كتيررررررررررررررررررررررررررررررررررر

+Bent El3dra+ · 2 مارس 2011

ترنيمة ( طعنت يسوع )
للمرنمة ( فيفيان السودانية )

أيوة طعنت يسوع بإيديا بعته سيبته ينادى عليا
ويا ذنوبى عشت زمان كنت المسجون والسجان
كنت انا جانى وكنت ضحية

† غرقت نفسى فى بحر دموع فى طريق عتمة مالهوش رجوع
سبت كنيستى وسبت يسوع سبت العالم يلعب بيا

† ونسيت اللى هناك مصلوب ونسيت حتى كلمة اتوب
صارت دقات قلبى ذنوب عايش بين شهوة وخطية

† لكن وسط بحور احزانى حسيت بيسوع جوة كيانى
واشتقت انى اعود من تانى تمسح ايده دمع عينيا

التحميــــــــل
http://www.mediafire.com/?jqy54vr75fqzcq9

+Bent El3dra+ · 2 مارس 2011

ترنيمة ( شموع التوبة )
لكورال ( فيلوباتير )

نورى ياشموع التوبة وانطفى يا نار الخطية
ده يسوع فتح لى قلبه عايزنى اعيش فى الابدية
نورى شمعة ورا شمعة وانزلى دمعة ورا دمعة
وأصرخى لربى يسوع دى دموع التوبة بتقيد شموع

نورى يا شموع الحرية خلاص هتحرر من العبودية
وتنتطفى نار الخطية واعيش مع ربى وفاديا
نورى شمعة ورا شمعة وانزلى دمعة ورا دمعة
وأصرخى لربى يسوع دى دموع التوبة بتقيد شموع

نورى يا شموع كنيستى بعدت عنك ورجعت ليكى
رجعت تانى لحضنك يا امى بعد ما سيبتك وقسيت عليكى
نورى شمعة ورا شمعة وانزلى دمعة ورا دمعة
وأصرخى لربى يسوع دى دموع التوبة بتقيد شموع

التحميـــــــــل
http://www.mediafire.com/?k5cwrnv6lcwan7r

+Bent El3dra+ · 3 مارس 2011

ترنيمة ( أنا طبيبك )
فريق ( السمائيين )

بصيت فى عينيه خدنى بين ايديه قالى تعالى يابنى مالك باكى ليه

† لو عندك هموم اتركها عليا من الحنان محروم خد منى شوية
ده انا طبيبك وانا حبيبك ولا يرتاح قلبك غير ليا

† لو مريت بضيق وغدر بيك صديق ولا ضليت الطريق
ارجع الي انا فاتح ايديا
ده انا طبيبك وانا حبيبك ولا يرتاح قلبك غير ليا

† لو عايش فى صراع سابك الكل وباع ولا حاسس بالضياع
ارجع الى انا فاتح ايديا
ده انا طبيبك وانا حبيبك ولا يرتاح قلبك غير ليا

† لو شاعر بالام او عندك اوهام ولا مش قادر تنام
أرجع الى انا فاتح ايديا
ده انا طبيبك وانا حبيبك ولا يرتاح قلبك غير ليا

التحميـــــــل
http://www.mediafire.com/?75oss5kaa25tk3c#1

+Bent El3dra+ · 7 مارس 2011

ترنيمة ( لما الدنيا تجرح فينا )
للمرنمة ( مريم وليد )

† لما الدنيا تجرح فينا واما نحس بخوف و آلام
ننده ليك ونقول يا فادينا تيجى يا فادى وتدى سلام
- تمسح دمعة تسيل ع الخد وترفع هم بقاله سنين
قلبك طيب من غير حد حبك داوى جروح وآنين

† لما الهم بيملى القلب لما الحزن يبان فى العين
نصرخ نشكى ونبكى يارب تسمع لينا بكل حنين
- تمسح دمعة تسيل ع الخد وترفع هم بقاله سنين
قلبك طيب من غير حد حبك داوى جروح وآنين

لما الحق يكون مهدور واما نحس بضيق جوانا
فجأة تشق الضلمة بنور تيجى يارب وتبقى معانا
- تمسح دمعة تسيل ع الخد وترفع هم بقاله سنين
قلبك طيب من غير حد حبك داوى جروح وآنين
التحميــــــــل
http://www.mediafire.com/?qe0dboeebv2ty78

حصريا ارقي مكتبة للترانيم الحزيـــنة و الهـادئة جميلة جدا(( متجدد يوميا))

بيك هقدر يارب

أنت تضئ سراجى

أنت تضئ سراجى

بيك هقدر يارب

New member

مشرفة منتدى الاسرة

بيك هقدر يارب

عضو نشيط

الي متي يارب ؟

بيك هقدر يارب

New member

بيك هقدر يارب

عضو نشيط

بيك هقدر يارب

بيك هقدر يارب

New member

بيك هقدر يارب

بيك هقدر يارب

بيك هقدر يارب

بيك هقدر يارب