هل الرسل الناس كانت الناس تدعوهم سيدي؟!!!!

tomy tomy

Member
عضو
إنضم
5 مارس 2009
المشاركات
86
مستوى التفاعل
11
النقاط
8
هل الرسل الناس كانت الناس تدعوهم سيدي؟!!!!
الاجابه نعم
_طب ايه دليلك؟!
تعالوا نفتح الانجيل يا شباب
علي سفر اعمال الرسل الاصحاح 16 ونقرا القصه من اول الايه 20تقريبا
+ هنقرا فيها عن قصه الرسولان بولس وسيلا
ازاي كانوا مسجونين ومقيدين في القيود
وهما بيصلوا وبيسبحوا ربنا
حصلت زلزله عظيمه
وتزعزعت اساسات السجن
وابواب السجن انفتحت في الحال
+ وساعتها استيقظ حافظ السجن
ولما شاف ابواب السجن مفتوحه
مسك سيفه وكان عايز يقتل نفسه
عشان افتكر ان الرسولان بولس وسيلا هربوا من السجن
+ ساعتها نادي عليه بسرعه بولس الرسول وقاله
استني.....
احنا كلنا موجودين ومحدش هرب
+ ولما اتاكد حافظ السجن
من وجود الرسولان بولس وسيلا
وعدم هروبوهم بالرغم من انفتاح ابواب السجن
بيقول الانجيل :_
( 30ثُمَّ أَخْرَجَهُمَا وَقَالَ:«يَا سَيِّدَيَّ، مَاذَا يَنْبَغِي أَنْ أَفْعَلَ لِكَيْ أَخْلُصَ؟»
اع 16: 30)
+ هل اخدتوا بالكم يا شباب
واتأكدتوا بنفسكم...
ان حافظ السجن كان بيكلم الرسولان بولس وسيلا
وبيناديهم بلقب
( يَا سَيِّدَيَّ)
.....................
دليل تاني......
تعالوا كده يا شباب
نسأل بطرس الرسول نفسه ونقوله:_
_يا تري مصطلح ( يا سيدي)
لما نقوله لحد ده بيكون عيب او حرام او يتعارض مع الانجيل؟!!!!
هتلاقي بطرس الرسول بيجاوبنا في.....
رساله بطرس الرسول الاولي الاصحاح التالت
اللي بيقول فيها وبيمتدح
امنا ساره وهي بتدعوا ابونا ابراهيم
ابو الانبياء والرسل
بمصلح( يا سيدي)
_وبيقول...
ده دليل علي طاعتها وحبها ليه
وبيقول كمان....
لكل الستات ان انتوا اولادها ولازم تتعلموا منها وتعملوا زيها
+تعالوا نقراها من الانجيل :_
(
6كَمَا كَانَتْ سَارَةُ تُطِيعُ إِبْرَاهِيمَ دَاعِيَةً إِيَّاهُ «سَيِّدَهَا».
الَّتِي صِرْتُنَّ أَوْلاَدَهَا، صَانِعَاتٍ خَيْرًا، وَغَيْرَ خَائِفَاتٍ خَوْفًا الْبَتَّةَ.
1بط3:6)
+ يبقي مصطلح (يا سيدي)
كان بيتنادي بيه ابونا ابراهيم ابو الانبياء والرسل
ومدحه بطرس الرسول كلقب
بيتنادي بيه
+يبقي احنا ازاي نحرمه
ونخاف نقوله
+ احنا بنتمثل بامنا ساره
فيمدحنا بطرس الرسول زي ما مدحها وزي ما قالنا نعمل زيها
.............
طب هسالكم سؤال يا شباب
بعيد عن الانجيل....
تخيلوا نفسكم في زمن رسل المسيح وشايفنهم اد ايه هما ناس ليهم هيبه ووقار من معظم الشعب
واد ايه كانوا مقتدرين في الاقوال والافعال
لو كنتوا مكان الناس اللي بيشفوهم ويسمعوهم
يا تري
لو كلمتوا رسول فيهم هتنادوه بايه؟!!!!!!
اكيد ( يا سيدي)
...............
هل الرسل كانت الناس تدعوهم ابونا؟!!
الاجابه نعم
طب ايه دليلك؟!!!
+وانت بتفكر في اجابه السؤال ده
تعالوا نقرا من الانجيل
ونشوف ازاي
بولس الرسول وهو بيكلمنا في رسائله
كان بينادي علينا ويقولنا ايه :_

(.... كَأَوْلاَدِي الأَحِبَّاءِ أُنْذِرُكُمْ.
1كو4 :14)
+(13فَجَزَاءً لِذلِكَ
أَقُولُ كَمَا لأَوْلاَدِي:
كُونُوا أَنْتُمْ أَيْضًا مُتَّسِعِينَ!
2كو6 :13)
+(
19يَا أَوْلاَدِي
الَّذِينَ أَتَمَخَّضُ بِكُمْ أَيْضًا إِلَى أَنْ يَتَصَوَّرَ الْمَسِيحُ فِيكُمْ.
غلاطيه 4 : 19)
++++ وبكده قرينا وشوفنا يا شباب
ان بولس الرسول
لما بيكلمنا ويعلمنا بيقولنا
( يا اولادي)
_ هي دي الابوه الروحيه لرسل المسيح نحو شعب المسيح كله
+ طب احنا لما حد ينادي علينا ويعاملنا (يا اولادي)
_ احنا طبيعي نرد عليه ونقوله
( يا ابونا)
*ده مش بس كده
ده من الانجيل كمان بنتعلم ان رسل المسيح بتنادي وتعامل واحد واحد مننا كابن روحي ليهم
تعالوا نقراها مع بعض :_
+( 17لِذلِكَ أَرْسَلْتُ إِلَيْكُمْ تِيمُوثَاوُسَ، الَّذِي هُوَ ابْنِي الْحَبِيبُ وَالأَمِينُ فِي الرَّبِّ،
1كو4 :17)
+(
1فَتَقَوَّ أَنْتَ يَا ابْنِي بِالنِّعْمَةِ الَّتِي فِي الْمَسِيحِ يَسُوعَ.
2تيموثاوس 2 :1)
+(10أَطْلُبُ إِلَيْكَ
لأَجْلِ ابْنِي
أُنِسِيمُسَ، الَّذِي وَلَدْتُهُ فِي قُيُودِي،
فيلمون 1 :10)
##طب هل يا تري
بولس الرسول بس هو اللي كان بيعاملنا كاولاد روحيين ليه؟!!
لاااااااااااااااا
تعالوا نقرا كمان يوحنا الرسول بيقول ايه....
+(18يَا أَوْلاَدِي،
لاَ نُحِبَّ بِالْكَلاَمِ وَلاَ بِاللِّسَانِ، بَلْ بِالْعَمَلِ وَالْحَقِّ!
1يو3 :18)
+++ طب احنا يا شباب
لما الرسل يقولوا لنا
(يا اولادي) بصيغه الجمع
احنا نرد عليه وناديه
ب(يا ابونا)
ولما الرسل تنادي علينا بصيغه المفرد ب (يا ابني)
احنا نرد عليه وناديه ب
(يا ابي او يا ابويا) بصيغه المفرد

+ وده مش استنتاج مننا ده تمثل برجال الله القديسين في الكتاب المقدس
فأليشع النبي كان بينادي عليه
علي أيليا النبي أبيه الروحي ويقوله :_
( 12وَكَانَ أَلِيشَعُ يَرَى وَهُوَ يَصْرُخُ: «يَا أَبِي، يَا أَبِي،......
ده الانجيل بيعلمنا
اكتر من كده ازاي؟!!!
شاول كان بيجري ورا داوود النبي
وعايز يقتله
ولكن داوود لانه كان عارف ان شاول ممسوح من الرب
كان لا يزال بيدعوه (ياابي)
تعالوا نقراها داوود بيقول ايه لشاول من الانجيل:_
+( 11فَانْظُرْ يَا أَبِي، انْظُرْ أَيْضًا طَرَفَ جُبَّتِكَ بِيَدِي. فَمِنْ قَطْعِي طَرَفَ جُبَّتِكَ وَعَدَمِ قَتْلِي إِيَّاكَ اعْلَمْ وَانْظُرْ أَنَّهُ لَيْسَ فِي يَدِي شَرٌّ وَلاَ جُرْمٌ، وَلَمْ أُخْطِئْ إِلَيْكَ، وَأَنْتَ تَصِيدُ نَفْسِي لِتَأْخُذَهَا. 12يَقْضِي الرَّبُّ بَيْنِي وَبَيْنَكَ وَيَنْتَقِمُ لِي الرَّبُّ مِنْكَ، وَلكِنْ يَدِي لاَ تَكُونُ عَلَيْكَ.
1صم 24 : 11
..................
+عرفتم يا شباب احنا بنادي علي رجال الله
ب (يا ابونا) وب(يا ابويا)
+احنا بنكون زي اليشع وهو بينادي علي ايليا
+بنكون زي داووود وهو بينادي علي شاول بالرغم من خطاياه
....................
.
 
أعلى