تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="Kerlos-love-Jesus, post: 3202648, member: 92141"] [COLOR=Green][FONT=Franklin Gothic Medium][SIZE=5][B][SIZE=5]عزومات المصريين مش عارف بصراحة اسمها عزومات ولا عزايم ولا اية ، المهم اني اقصد انها جمع العزومة والعزومة تعريفها " بالنسبالي " : شوية ناس ، بيقولوا لشوية ناس ف التليفون ، تعالوا كلوا عندنا ، [/SIZE][SIZE=5]وبعدين الناس الاولانين ، يعملوا اكل كتييير ، كأن في فرح هياكل ، مع ان بيبأة الناس التانيين شوية قليلين اوي . بعيدا عن الناس الاولانين والتانيين ، انا بستغرب جداً من العزومات في بلدنا ، من ناحية كل حاجة يعني اولا اسببابها مثلا ميدحة خدت شقة جديدة ، فلازم نعزمها هي وجوزها جمالات الشعر اللي ف ******* ، فلازم اعزمها ع الاكل برضو ، طبعا الأسباب مش كدة غالبا ، بس هي غالبا بنفس الهيافة دي غير الاسباب باة ، جو العزومة نفسوا ، يعني الاسرة المعزومة دي ، بيصحوا الصبح ف يوم العزومة ، بيفطروا حاجات بسيطة اوي ، عشان عارفين انهم هيروحوا ياكلو ف العزومة ، وبعدين يلبسوا ، وينزلوا يروحوا البيت اللي فيه الوليمة وفي الطريق الاب لو **** بيبدأ ينصح ولاده بأنهم يبعدوا عن العيش والرز والمكرونات ويركزوا في اللحوم ولو الاب ابن ناس وبيحب يخاف ع منظرو ، فبيكون بيحزر " الكيبورد مفيهوش حرف الزال " ! ، بيحزر ولاده من انهم ياكلوا الاكل كله وبيكون فيه شعور مسيطر ع الجميع : الإحراج ! بمناسبة الاحراج ، مرة اتعزمت عند راجل كبير كدة كان شغال معايا ف شغلانة ، ولما روحت هناك ، لقيت الاكل كان فيه بتاع كدة اسمه جلاش جواة لحمة ، وبطاطس فيها لحمة ، ورز وطبيخ مش فاكر اسمه لوبيا ولا فاصوليا ولا اية ، مبعرفش افرق بينهم المهم ، لما قعدت ولقيت الاكل ، ولأني معرفش اي حاجة عن الاحراج ، فقولت للراجل بالنص : انا مش باكل الحاجات دي :D لقيتو هو ومراتو وبنتو ***** ، بأوا ف نص الهدوم :D فهمت احساسهم فاضطريت اني اعدل الموقف عشان محسسهمش بالاحراج ، وقولت انا ممنوع عليا الاكل دة ، الاكل التقيل يعني ، انا ممكن بس اشرب حاجة وبعد محاولات اني اكل ، وانا ارفض ، قالولي خلاص تشرب اية ؟ وانا مش بشرب الا ماية ساقعه ، او عصير جوافة ، وخوفت يكون معندهمش جوافة واكسفهم تاني فقولت عايز اشرب ماية ساقعه :D بصراحة مش شايف اي سبب لشعور الاحراج دة ! ناس بني ادمين بياكلوا ، وناس اللي بتأكلهم موافقين انهم ياكلوا ، لية الاحراج ؟ والبني ادم لو مٌحرج ، بيروح لية اصلا !! ـ كان في حاجات كتير عايز اكتبها بلاحظها ف العزومات ، ف الناس اللي بتيجي عندنا تتعزم لاني مش بحب اروح عزومات ، ولما حد بيعزمني ، بيتصل يسألني ، نعملك اكل اية ؟ انت بتشوف اي ف العزومات ؟ بتلاحظ حاجة ؟ ولا بتروح تاكل وتروح :D ? [/SIZE][/B][/SIZE][/FONT][/COLOR] [/QUOTE]

التحقق