يا جماعة دى قصة جميلة جدا وهى مكونة من عدة أجزاء منقولة من أحد الجروبات يعنى مش من تأليفى ولا حاجة علشان ابقى كده ضمنت الحقوق الفكرية للمؤلف ههههههههههههههه
خلونا بقى نبدأ حكايتنا ونقوووووووووووووووووووووول.................................
[ part [ 1
ربنا يتمم بخير ويعملوا الخطوبة وحبظلم كل مايروح يزور خطيبته يروح بمامته ومامة حبظلم كل مرة بتعمل اختبارات لعنابة وتتفرج مرة على لبسها ومرة على طريقة مشيتها ومرة على طريقة اكلها
وعنابة واخدة بالها وساكتة
ومش عارفة اللى هى حساه ده صح ولا غلط
ياترى مامة حبظلم مستقصدانى؟ ولا انا بيتهيالى؟
طب لو هى بتفرزنى ليه بتعمل كدة معايا؟
المهم حسمت عنابة الموقف وقررت تحكى لمامتها لانها اكيد عندها خبرة اكتر منها
جت عنابة تقول لمامتها فى يوم من ذات الايام:
مامتى يا مامتى انتى شايفة فيا حاجة وحشة ولا حاجة
ردت مامتها وقالت:
ابدا يا بنتى وهو انتى فيكى حاجة تتعيب
سالتها عنابة:
امال ليه مامة حبظلم بتقعد ترصد كل حركاتى
استغربت مامتها وقالتلها:
يمكن انتى مزوداها حبتين وبعدين دى الست بتحبك وبعدين ياعنابة الحما حما ولو ملاك من السما (مع احترامى لكل الحموات الفاتنات) هى اكيد خايفة تخطفى ابنها منها
هى كل ام كدة يا عنابة
سكتت عنابة وخدت الكلمتين وسكتت وقالت بينها وبين نفسها حتى لو بترصدنى انا مش هافك الخطوبة عشان مش هاعمل زى زوبة ولا سخسوخة صحباتى من ساعة لما فكوا خطوبتهم وهما مش لاقيين عرسان يتقدمولهم
ده على راى فلانة ان العرسان اليومين دول شاحين بسبب غلو اسعار البنزين
خلينى معاه واتجوزه وهى ياللا عيشة والسلام على راى المحبوبة اليسا
وتمر الايام وتفوت وعنابة تكلم حبظلم فى التليفون عشان تحدد معاه معاد ينزلوا يشوفوا فيه الشقة ويدور الحوار الاتى:
عنابة: ماقولتليش يا حبظلمتى هاننزل امتى وفين
حبظلم: مش عارف يا عنابة انا شفت شقق كتير بس اكتر شقة عجبانى الشقة اللى جمب ماما
عنابة: جمب ماما؟!! وماما دخلها ايه بالموضوع
حبظلم: دخلها ايه بالموضوع ازاى؟ امال لما هاحتاج اكل ملوخية بالجمبرى ولا اكل محشى ورق عنب مين هايعملهولى ولما احتاج افضفض اروح لمين غيرها دى امى اللى تعبت فيا يا عنابة..اكون انا قاسى عليها وابعد عنها؟!!
عنابة: (وهى بتحاول تتمالك نفسها) امال انا يا حبيبى صفتى ايه..يعنى بعد اذنك عاوزة اعرف فايدتى ايه؟
حبظلم: (مستغرب جدا من سؤالها) انتى مراتى يا عنابتى!!
عنابة: مانا فاهمة بس عاوزة اعرف لما تحب تاكل حاجة من ايدها وماتطلبهاش منى او لما تكون تعبان تروح تفضفضلها هى وما تفضفضليش انا يبقى انت جاى تتجوزنى ليه؟!
حبظلم: (ابتدى يغير نبرته فى الكلام) الله الله الله انتى هاتبتدى تغيرى من ماما من دلوقتى ولا ايه يا عنابة..لا انا ماكنتش اعرف انك كدة..يكون فى علمك ماما ليها حقوق عليا اكتر منك بكتير..و اوعى تكونى بتحلمى انك ممكن تاخدى مكانها ابدا..انتى فاهمة؟
عنابة: (بنبرة تستحث حبظلم على الهدوء..خايفة تعيد ماضى صحباتها طبعا) لا لا يا حبيبى انا عارفة طبعا بس بقولك يعنى انك لو حبيت تفضفضلى فى يوم انا موجودة
حبظلم: (حس انه اسد زمانه) ايوة كدة اتعدلى..عموما انا هاجى اعدى عليكى عشان تشوفى الشقة دى عشان احتمال كبير نشتريها
عنابة: خلاص اللى تشوفه (طبعا مش عاوزة تعمل مشاكل
تقفل عنابة السكة وهى حاسة انها واخدة الم تمام بس بينها وبين نفسها بتقول : استنى عليا يابن اطاطا بس لما نتجوز وانا هاطلعه علي جتتك (البلى الازرق)
المهم مش هاطول عليكم (قولولى طولى
)
شافوا الشقة واخدوها وجهزوا حاجة الفرح واتجوزوا اخيرا
والمرة الجاية هاكملكم ايه اللى حصل بعد كدة
خلونا بقى نبدأ حكايتنا ونقوووووووووووووووووووووول.................................
[ part [ 1
ربنا يتمم بخير ويعملوا الخطوبة وحبظلم كل مايروح يزور خطيبته يروح بمامته ومامة حبظلم كل مرة بتعمل اختبارات لعنابة وتتفرج مرة على لبسها ومرة على طريقة مشيتها ومرة على طريقة اكلها
وعنابة واخدة بالها وساكتة
ومش عارفة اللى هى حساه ده صح ولا غلط
ياترى مامة حبظلم مستقصدانى؟ ولا انا بيتهيالى؟
طب لو هى بتفرزنى ليه بتعمل كدة معايا؟
المهم حسمت عنابة الموقف وقررت تحكى لمامتها لانها اكيد عندها خبرة اكتر منها
جت عنابة تقول لمامتها فى يوم من ذات الايام:
مامتى يا مامتى انتى شايفة فيا حاجة وحشة ولا حاجة
ردت مامتها وقالت:
ابدا يا بنتى وهو انتى فيكى حاجة تتعيب
سالتها عنابة:
امال ليه مامة حبظلم بتقعد ترصد كل حركاتى
استغربت مامتها وقالتلها:
يمكن انتى مزوداها حبتين وبعدين دى الست بتحبك وبعدين ياعنابة الحما حما ولو ملاك من السما (مع احترامى لكل الحموات الفاتنات) هى اكيد خايفة تخطفى ابنها منها
هى كل ام كدة يا عنابة
سكتت عنابة وخدت الكلمتين وسكتت وقالت بينها وبين نفسها حتى لو بترصدنى انا مش هافك الخطوبة عشان مش هاعمل زى زوبة ولا سخسوخة صحباتى من ساعة لما فكوا خطوبتهم وهما مش لاقيين عرسان يتقدمولهم
ده على راى فلانة ان العرسان اليومين دول شاحين بسبب غلو اسعار البنزين
خلينى معاه واتجوزه وهى ياللا عيشة والسلام على راى المحبوبة اليسا
وتمر الايام وتفوت وعنابة تكلم حبظلم فى التليفون عشان تحدد معاه معاد ينزلوا يشوفوا فيه الشقة ويدور الحوار الاتى:
عنابة: ماقولتليش يا حبظلمتى هاننزل امتى وفين
حبظلم: مش عارف يا عنابة انا شفت شقق كتير بس اكتر شقة عجبانى الشقة اللى جمب ماما
عنابة: جمب ماما؟!! وماما دخلها ايه بالموضوع
حبظلم: دخلها ايه بالموضوع ازاى؟ امال لما هاحتاج اكل ملوخية بالجمبرى ولا اكل محشى ورق عنب مين هايعملهولى ولما احتاج افضفض اروح لمين غيرها دى امى اللى تعبت فيا يا عنابة..اكون انا قاسى عليها وابعد عنها؟!!
عنابة: (وهى بتحاول تتمالك نفسها) امال انا يا حبيبى صفتى ايه..يعنى بعد اذنك عاوزة اعرف فايدتى ايه؟
حبظلم: (مستغرب جدا من سؤالها) انتى مراتى يا عنابتى!!
عنابة: مانا فاهمة بس عاوزة اعرف لما تحب تاكل حاجة من ايدها وماتطلبهاش منى او لما تكون تعبان تروح تفضفضلها هى وما تفضفضليش انا يبقى انت جاى تتجوزنى ليه؟!
حبظلم: (ابتدى يغير نبرته فى الكلام) الله الله الله انتى هاتبتدى تغيرى من ماما من دلوقتى ولا ايه يا عنابة..لا انا ماكنتش اعرف انك كدة..يكون فى علمك ماما ليها حقوق عليا اكتر منك بكتير..و اوعى تكونى بتحلمى انك ممكن تاخدى مكانها ابدا..انتى فاهمة؟
عنابة: (بنبرة تستحث حبظلم على الهدوء..خايفة تعيد ماضى صحباتها طبعا) لا لا يا حبيبى انا عارفة طبعا بس بقولك يعنى انك لو حبيت تفضفضلى فى يوم انا موجودة
حبظلم: (حس انه اسد زمانه) ايوة كدة اتعدلى..عموما انا هاجى اعدى عليكى عشان تشوفى الشقة دى عشان احتمال كبير نشتريها
عنابة: خلاص اللى تشوفه (طبعا مش عاوزة تعمل مشاكل
تقفل عنابة السكة وهى حاسة انها واخدة الم تمام بس بينها وبين نفسها بتقول : استنى عليا يابن اطاطا بس لما نتجوز وانا هاطلعه علي جتتك (البلى الازرق)
المهم مش هاطول عليكم (قولولى طولى
)شافوا الشقة واخدوها وجهزوا حاجة الفرح واتجوزوا اخيرا
والمرة الجاية هاكملكم ايه اللى حصل بعد كدة
