ثقافة جنسية 1 - لماذا تريد ان تتزوج ؟!

[قبطى حقيقى]

مجرد سؤال برىء

قل لى وبصراحة لماذا تريد ان تتزوج ؟!

هذا بالطبع لو كنت عندكم ارادة الزواج

فالزواج ارادة

المح احد الجهابذة النوابغ وقد فغر فاه وصنع بحيرة من لعاب الأندهاش تحت قدميه وهو يتساءل

وما علاقة هذا السؤال بالثقافة الجنسية

اقول ...

لا لن اقول

اجيبونى اولاً

العزاب .... لماذا تريدون ان تتزوجوا ؟ !

المتزوجون .... لماذا تزوجتم ؟!

 

[Coptic Man]

لتكوين اسرة

الزواج انا بعتبره نوع من انواع الخلود

انك تتجوز وتكون اسرة وتحس انك عملت شئ

وتجيب ابناء يحملوا صفاتك الوراثية

وهكذاا ...

 

[فراشة مسيحية]

و انا مع الأخ مينا لتكوين أسرة

و على فكرة أنا مخطوبة و هتجوز فى شهر 8

و مش عايزة أقلك أنا خايفة أد اية من الحياة الجديدة اللى دخلاها

صلولى كتير

 

[mr.hima]

أنا أينعم مش متجوز .....
بس أنا شايف ان الجواز دة شئ جميل بيعطى الانسان الاستقرار النفسى .
وبيعطى للواحد كيان خاص بية .
واينعم بردة أن ربنا موجود وكل حاجة
بس بيحس أنة مش لوحد معاة طرف تانى بيشاركة حياتة وفرحتة وأحزانة

يعنى الواحد يعد كدة زى طرزان... ولا اية​

سلام ونعمة​

 

[فراشة مسيحية]

يعنى الواحد يعد كدة زى طرزان... ولا اية

 

[Coptic Man]

و انا مع الأخ مينا لتكوين أسرة

و على فكرة أنا مخطوبة و هتجوز فى شهر 8

و مش عايزة أقلك أنا خايفة أد اية من الحياة الجديدة اللى دخلاها

صلولى كتير

مبروك يا مرمر

ربنا يكمل علي خير انشاء الله

ولازم تعزميناا :smil12:

انتم السابقون ونحن اللاحقون

 

[قبطى حقيقى]

طبعاً الف مبروك يا فراشه
ويا بخته يا ستى
ولازم دعوة الفرح دى تكون موضوع مثبت فى قسم الأجتماعيات فى شهر 8

لكن نحب نعرف ايه سر خوفك ؟!
ده سؤال مهم جداً
وهينفعنا كتير فى موضوعنا

 

[artamisss]

ايووووووووووووة اسال مجرب


عارفين انا مرة سالت شخص ما عنده بتاع 22 او 23 سنه
بقوله انت عاوز تتجوز ليه

قالى علشان اشيل مسؤليه واتحملها بنفسى لانى دلوقتى مش حاسس انى شايل مسؤليه
انا اندهشت وسكت
اكيد الغرض من الجواز حاجه مختلفه

 

[فراشة مسيحية]

مبروك يا مرمر

ربنا يكمل علي خير انشاء الله

ولازم تعزميناا :smil12:

انتم السابقون ونحن اللاحقون

الله يبارك فيك يا مينا

و عقبالك قريب بأذن يسوع :Roses:

أنا عندى أصحاب يجننوا تعالى الفرح و جوازك هيبقى على ايديى :Red_Heart_with_Arro

 

[girl_in_jesus]

مبرررررررروك يا فراشه مقدما
وعاوزين نخلص من مينا بقي شوفيله عروسه علشان ميرنا تعزك

اما بالنسبه للزواج ده استقرار وحياه جديده مسئوليه ومشاركه فى ظل محبة المسيح

 

[فراشة مسيحية]

طبعاً الف مبروك يا فراشه
ويا بخته يا ستى
ولازم دعوة الفرح دى تكون موضوع مثبت فى قسم الأجتماعيات فى شهر 8

لكن نحب نعرف ايه سر خوفك ؟!
ده سؤال مهم جداً
وهينفعنا كتير فى موضوعنا

الله يبارك فيك

و عقبالك لو كنت مش متجوز و عقبال اولادك لو متجوز :smil12:

ويا بخته يا ستى

:smil12: :smil12: :smil12:

بأذن يسوع أحدد المكان و المعاد و هقلكم كلكم المهم تيجوا :Love_Mailbox:

انا خايفة من حاجات كتيرة جدآ

حياة جديدة داخلة عليها فيها مسؤلية عن زوج و عن بيت و ليهم حقوق لازم اقوم بيها

و انا بما انى اصغر اخواتى فأنا الدلوعة يعنى ماشلتش مسؤلية حاجة ابدآ غير حاجة واحدة بس هى دراستى و نجاحى بس

و لما خلصت ماشتغلتش خافوا علية رغم انى كنت اتمنى اشتغل علشان اتعامل مع ناس تانية غير اصحابى فى الجامعة .. بس بابا مارضيش ابدآ و خاف علية

خوف كمان من انى هسيب بابا و ماما هعيش فى بيت لوحدى مع جوزى لا بابا ولا ماما معايا اللى مافرقتهمش يوم واحد

شعور صعب جدآ جدآ جدآ علية

و بعد كدة فية اولاد و هنخش فى حياة جديدة تانى ... مش متخيلة هيكون عندى بيبى و ابقى ام

كل الافكار دى فية منها بتخوفنى و فية منها خوف ممزوج بالفرح

يا ريت لو عندك نصيحة تقلهالى علشان اشيل الخوف دة من قلبى

هما نصحونى و قالولى الخوف هيروح بمجرد ما يخلص صلاة الأكليل لان ربنا هيبارك الجواز و يصبح الاتنين جسد واحد و مش هتحسى بخوف و غربة ..

 

[فراشة مسيحية]

مبرررررررروك يا فراشه مقدما
وعاوزين نخلص من مينا بقي شوفيله عروسه علشان ميرنا تعزك

الله يبارك فيك عقبالك

اوك بس اوعى تعزنى يعنى تخنقنى انا لسة جديدة و معرفش اللى كان بيحصل انا مش مطمنالك :t33: :t33: ​

 

[mary]

الزواج سر مقدس فيه بيشعر الاثنين إنهم واحد ودى حقيقة مش مجرد إحساس وعلشان كده يمكن فيه أسرار وأمور شخصية ممكن ماكنتش أقدر أحكيها لبابا أو لماما أو لأصدقاء مع الزوج أو الزوجة بتذوب كل الحساسيات وبيصبح كل ما يخص الزوج ملك الزوجة والعكس صحيح

بالنسبة ليكى يا فراشة ألف ألف ألف مبروك وكون إنك تخافى معنى كده إنك إنسانة تحب تشيل المسئولية ومستعدة ليها وأقولك ما تخافيش وإن كان خطيبك بيحبك عليه إنه يستحمل شوية فى الأول قلة خبرتك وعلى العموم يا سيتى قدامك فرصة لشهر 8 تقفى مع ماما فى المطبخ وفى الغسيل وفى التنظيف ومادام إنت ما بتشتغليش فده هيسهل الأمور كثيييييييييييييييييييير وزوجك لازم يساعدك فى البيت (خليكى واعية) وعلى رأى المثل جوزك على ما تعوديه وابنك على ما تربيه وربنا معاك يرشك للصالح ويبارك فى كل عمل إيديك

 

[artamisss]

مبروك يا فراشه وربنا يتمم لك بخير انشاءلله
بصى بقى احنا عاوزينك تحكى لنا من اول ما العريس شافك
الللللحد ما اتفقتوا على ميعاد الجواز احكى لنا كل مشاعرك بالتفصيل اصل انتى اللوحيده
اللى اتخطبتى من بنات المنتدى ههههههه يعنى لسه عروسه طازة فا زيدنا من خبرتك بىق وواكيد لما تحكى عن مشاعرك هانقدر نسالك ونساعدك وكده يعنى
يلا بقى gooooooooo

 

[sparrow]

الحياه الزوجية هي بناء كنيسة صغيره تحمل اسم المسيح
ليس ابداااااااااااااااا الزواج المسيحي بهدف الجنس
فهو بناء بيت مسيحي بين اثنين يجمعهم الحب والتفاهم وبركه المسيح ......
ايضا احتياج كلا منهم للاخر في تبادل الاراء والافكار بكل صراحة دون خجل........
احساس انك عايش مش لوحدك بل انك مسئول عن حد بترعاة وتحافظ علية والعكس طبعا .....
حد يهتم بيك وتهتم بية .. يملي حياتك يكون مرآيتك ... تتكلموا وتتناقشوا ... تلاقية وقت حزنك وضيقتك يقف جنبك ويقويك .......
فهو

شركة مقدسة تحمل اسم وبركة المسيح​

والف مبروك ليكي يا فراشة وربنا يكملك علي خير
والمخاوف الي عندك دي طبيعية
وفعلا كلها بتروح بعد صلاه الاكليل
بس المهم انك تكلمية عن مخاوفك دي (خطيبك ) علشان يبقي مقدر مشاعرك ومخاوفك دي وتقدري تتغلبي عليها ببركة المسيح

ربنا يباركم​

 

[فراشة مسيحية]

الف شكر يا مارى على النصايح الحلوة دى و هعمل بالمثل اللى قلتية و بالنسبة للمساعدة ماما انابساعدها بس فى حجات بسيطة اعملها السلطة ممكن

الله يبارك فيكى يا ديانا

يا خبر ابيض عايزانى احكيلك 4 سنين عدوا انا هقلك بدايتها و انتى اتخيلى الباقى
هو يا ستى كان زميلى فى الجامعة و خطبنى بعد ماخلصت :smil12:

و عقبال كل البنات و الولاد اللى فى المنتدى ​

 

[فراشة مسيحية]

sparrow

الف شكر على النصايح الغالية دى تصدق انا مسمعتهاش قبل كدة كلام جميل فعلآ

و الله يبارك فيك و عقبالك يا رب

 

[ramyghobrial]

في الاول ببارك للفراشة وهي انسانة ممتازة وجدعه واتمنى ليها كل خير انشاء الله وتعيش دايما في سعادة وحب

وبالنسبة للموضوع
انا مثلا عايز اتنجوز لاسباب كتير
زي تكوين اسره واخلى الحب يبقى عايش وسطينا واعلمة لاولادي
وكمان مهما كان ليك صحاب بتحس بالوحدة لان نصك التاني مش موجود
لان فعلا الجواز بيكمل الشخض وتحس ان فية حد مرتبط بية وهو مرتبط بيك حياتكم انتم الاتنين واحد بجد احساس اتمناه

 

[artamisss]

طب ماتكملى جميلك يا فراشه وتحكى بدل مانتخيل او نتخيل سوا يعنى ههههههههه

طب يعنى انتو واخدين بعض عن قصه حب اهوة ايه بقى اللى مخوفك ؟
ان الحب يتخنق بضغوط الحياه مثلا ولا ايه احكى يابنتى وفضفضى

 

[فراشة مسيحية]

شكرآ يا رامى

و بأذن يسوع تلاقى نصك التانى و تعيشوا فى حب و سعادة على طول