توبني ربي الحبيب فأتوب

حياة بالمسيح

خادمة الرب
عضو مبارك
إنضم
29 أبريل 2014
المشاركات
13,131
مستوى التفاعل
1,680
النقاط
76
توبني رب الحبيب وانا بأسمع صوتك يهمس فيّ شوق ومحبة وحنان بيبكتني على خطاياي وانا مشتاق ان أتواجد في محضرك القدوس وانا عطشان لمياهك الحية التي بترويني وبتغمرني وبتحييني
وايديك اللي سانداني وقت تجاربي وصعابي والامي وامراضي اللي بتجرح وتعصب وتسحق وتشفي وانا كنت فاكرك مش معايا وانت بالحقيقية ماسك الامور بالكمال والتمام
وشفتك حبيبي يسوع بانتصاري على الخطايا وانت بتغير مساري وانا شاهد بعنايتك الالهية وانت بترد لي اعتباري فانت جمالي وانت كنزي وكل ما ليٌ يا نور القلوب والارواح دايماً جنبي وبتحارب عني ان لزم الامر

اجعلني انظر اليك نظرة اللص التائب لكن نحوك انا بأنظر ونحوك عيناي وذكرني بها دوماً وليتني احظى بما حظي به اللص التائب

اجعل كل انشغالي بيك ومجدك غايتي فكيف لا وانا مشتهى سكناك وراحتك للابد
وانا خليقتك وصنع يداك ما احلى مسيري في ظلك يا ستري القدير وحصني الحصين واجعلني لا اطفئ روحك القدوس وانا عايش فيك وبأرفع ليك هتافي وغنايا

اسبحك يا الله واستنير بنورك وانا فرحان بيك ومفيش اي فرح تاني بيفرحني الا اتحادي بيك وتسبيحي ليك حتى في احلك الاوقات انا فرحان بيك وفيك يا منقذ النفوس ومنجيها يا قاضي المظلومين وسامع تنهداتهم وانا متمتع باشراقتك في حياتي فان نظرت للعالم اكتئب احزن اما اذا نظرت اليك يا الله فأستنير وأنظر مجدك بنورك لكونك انت النور الحقيقي لانك بنتحوطنا بملايكتك ان صرخنا ليك فمن فرط حبك لي فانت تعسكر حولي وتنجيني لانك انت اله صالح للكل ومراحمك على كل اعمالك فانا اقتنيتك لانك المحبة ذاتها فلقد اقتنيتك يا الله فأسبحك يا الله يفيض قلبي بالحب والحمد والشكر والطاعةً لك يا الله تبارك اسمه القدوس للابد امين
 
التعديل الأخير:
أعلى