- إنضم
- 29 يناير 2007
- المشاركات
- 50,819
- مستوى التفاعل
- 2,026
- النقاط
- 113
البنت الجامده او الاستايل يعنى ايه عند الشباب
انا بجد مش قادره افهم المصطلحات الغريبه دى
هما مش كانوا بيقولو باين ان الجمال جمال الروح مش جمال الشكل وان البنت باخلاقها وصفاتها وشخصيتها . ...مش بشكلها
ياناس الجمال دا مش مقياس نهائى..ماهو ممكن واحده تكون فى غايه الجمال ولكن ف نفس الوقت شخصيتها مش حلوه واخلاقها مش تمام ودمها تقيل
وعلى فكره الجمال دا احيانا بيكون نقمه مش نعمه على البنت وعلى الولد الى مرتبط بيها كمان
لانه اكيد طبعا هيخاف عليها من الهوا وهيغير عليها جدا حتى من نفسه
هاتقولى مش شرط ودا بيرجع للبنت نفسها وانا مدام واثق فيها يبقى خلاص هابقى مطمأن عليها و....
هاقولك انت بتضحك على نفسك ولا علينا يعنى
انت مهما اظهرت ليها كده فانت اكيد من جواك خايف عليها اكتر من نفسك وبتغير عليها من الهوا
والطبيعى ان الغيره الذايده بتقتل الحب ودا انا متاكده منه..لان مع الوقت هى هتحس انها مخنوقه ومحبوسه ف افكارك المريضه دى ...يعنى دا على اساس انك من اخوانا الى دماغهم متركبه شمال وفاكرين انهم بيتعاملو مع حاجه من ممتلاكتهم ملهاش حق الاعتراض ولا حتى المناقشه
وطبعا انا مقدرش اعمم لان فى شباب كتير اوى دماغهم كبيره وبيفهمو ان دى انسانه ومن حقها انها تعيش براحتها زى ما انت عايز ولكن طبعا فى حدود الادب والاحترام
وعلشان برده مبقاش ظلمت الشباب
نتكلم مع البنات شويه
عايزاكى برده تحطيلى مفهوم للشاب الاستايل او الجامد او المعدى ..يعنى زى ما بسمع
مع ان عمر الرجوله مكانت بالجمال او بالمظهر
والى هتختار شريك حياتها على اساس الجمال بس ان شاء الله وبدون مقاطعه كده هتاخد فوق دماغها ياريت اسمع تعليقاتكم الجميله اللي ها تفيد ناس كثيره
منقول
