اخواتى محتاج مساعدتكم (صلوا من اجلى )

[+AMIR+]

اخواتى محتاج مساعدتكم (صلوا من اجلى )

انا فى محنه روحيه كبيرة بتتعلق بخلاص نفسى
ارجوكم صلولى كتير ....
( انا غلط فى حق ربنا ) ارجوكم اطلبوا عنى انه يسامحنى ويغفر لضعفى و يقبل توبتى..
انا بكلمكم دلوقتى وانا عينىّ مليانه دموع ... انا مش قادر اسامح نفسى على اللى عملته.
ارجوكم اطلبوا من اجل عدم هلاك ضعفى انا الخاطئ أمير.
لأنه اذا اجتمع اتنين فى طلبه .. الله يستجيب ليهم .... ساعدونى من فضلكم

 

[ميرنا]

ربنا قلبه كبير يا امير وثق انه هيسمحك لانه بيحبك ربنا معاك

 

[Maya]

أخي في المسيح

سلام المسيح يكون معك ...

أصلي باسم الرب الإله وقلبه الأقدس وبشفاعة أمنا البتول الطاهرة مريم العذراء وجميع القديسين لأجلك ليملأ سلام المسيح قلبك ويمدك نوره الأقدس بالشجاعة لتقف من جديد و تتجاوز هذه المحنة والصعوبة التي تواجهك ، فكلنا بشر ولنا أخطاء قد نقع فيها ولكن المهم أن نعرف خطأنا ونبدي ندماً عليه مع وعد بتوبة حقيقية صادقة ...

أصلي أن يغفر لك الرب كل ما فعلته بقصد أو بغير قصد وهو ذو القلب الرحيم الغفور الذي لا حدود لمحبته وحنانه ونعمة غفرانه ...

دع للمسيح مهمة تجفيف دموعك و كن واثق أن يحبك وكما أحبك وقدم حياته فداء لخلاصك وخلاصنا جميعاً على الصليب فسيبقى يحبك وسيمد لك يد محبته الحانية ليقويك ويعيدك إلى مكانك المميز في طريق الخلاص والدرب السائر نحو المسيح ....

:new5: كن شجاعاً وثق أن الرب يسوع وحده يعرف ما في قلبك ، فتوجه إليه من أعماق قلبك وروحك واطلب منه المغفرة والمسامحة وهو لن يخيبك :new5:

 

[جورج كرسبو]

بركة جميع القديسن معاك يا امير

 

[+AMIR+]

امين لصلاتكم اخواتى الاحباؤ شكرا لتعب محبتكم
اسمحولى احكي ليكم خطيتى وساعدونى ازاى اتوب عنها
" انا شماس وكنت باخدم على المذبح فى القاس وفى وقت التناول وبونا بياخد كاس الدم عاشان يناولنا اتخبط الكاس بسببى ووقع منه شويه دم على المذبح والحمد لله مفيش حاجه وقعت على الارض وابونا مسح الدم المسكوب بلفافه ( بينى وبنكم انا كان لى فترة كبيرة مخدمتش على المذبح يمكن حوالى سنتين وكانت دى اول مرة لى بعد رجوعى لحضن المسيح فى اليوم دة صحيت بدرى ورايح مبسوط انى هاقابل يسوع وقلت لنفسى اخيرا هابتدى حياة جديدة معاك يارب ) لكن بعد اللى حصل حسيت ان كل اللى عملته ضاع وانى مش مستحق انى ارجع لربنا تانى ( ازاى استهين بدم ربنا بالشكل ده حتى لو كان مش قصدى ) ومن ساعتها وانا مش عارف اعمل ايه .... اصلى ازاى واقول ايه ..... هى دى حكايتى..
ارجوكم صلوا من اجلى وارشدونى

 

[++menooo++]

ربنا معاك يا امير
انا اضعف من انى اصليلك
بس انا بشفاعه ام النور و البابا كيرلس حتمكن للصلاه من اجلك
انا عارف انك بتتالم تالم كبير بسبب ده
بس انت بتقول ((( لكن بعد اللى حصل حسيت ان كل اللى عملته ضاع وانى مش مستحق انى ارجع لربنا تانى ( ازاى استهين بدم ربنا بالشكل ده حتى لو كان مش قصدى ) )))
لا الكلام ده مش صحيح يا امير ربنا قلبه كبير و يساع لكتير وهو فاتحه
لو مش حيفتحه لواحد عارف غلطه و بيندم عليه
و بيتألم من قلبه يبقى حيفتحه لمين
استمر و روح الكنيسه علشان تخدم يمكن ده اختبار من ربنا ليك
و صلى من اجل ضعفى انا كمان يا امير
و اوعى تنسى تستمر الذهاب الى الكنيسه

 

[ميرنا]

امير اكيد دا غصبن عنك بس اللى بعدا كدا انك تيئس وتتالم دى محاوله من عدو الخير علشان يبعدك تانى عن الخدمه تفتكر لما تكون فرحان انك هترجع تخدم وفعلا تروح وكمان فى المزبح تفتكر هيفرح عدو الخير ولا هيعلن حربه عليك بنقط ضعفك يقولك ازاى توقع دم المسيح انتا متنفعش فى الخدمه وينزل عليك بكلامه دا علشان تضعف وتقول انا مستهلش بس ربنا عاوزك معاه ومتسيبهوش وربنا يحميك

 

[+AMIR+]

مش عارف اقول ليكم ايه بالضبط ......... انا فعلا حاسس انى لىّ اخوات بجد ..
ماتتخيلوش كلماتكم وصلاتكم الجميله علشانى .. غيرت فىّ اد ايه
بجد انا حاسس دلوقتى ان ده كان اختبار من ربنا وامتحان لقوة ايمانى .
واشكر ربنا لانه بصلواتكم من اجل ضعفى ..التأنيب اللى كان جوايا بدء يزول ... وبدأت اتغير للأحسن ...
معلهش انا اسف اذا كنت شغلتكم بضعفى وانا عارف ان كل واحد فيكم فيه اللى مكفيه من الهموم والمشغوليات ... باصلى من كل قلبى انكم تكونوا دايما فرحانين ومبسوطين طول حياتكم ويارب ما يكون اى شئ فى الوجود يقدر انه ينزع الفرح ده منكم..
ببركه صلوات وطلبات امى الحبيبه العذراء مريم وشفاعه جميع مصاف القديسين ... أمين
ربنا يكون معاكم ويحفظكم فى يمينه ... شكرا لمحبتكم تجاه ضعفى .. ربنا يبارك حياتكم.