بس الجزء دا :
( بالتالي أول ما أجد إني غير متفاعل مع هذا الشخص ـ بدعوى إن معاناته تافهة أو لأن "عقله صغير" مثلا كما يُقال أحيانا ـ أصبحت نرجسي بدون ما أشعر! أصبحت مريض، عندي خلل في التقدير وفي الفهم والأفكار والمشاعر!)
فعلا مهم جدا .... يعنى حسب فهمى كدا الموضوع مش نسبى فقط الموضوع ممكن يكون كمان وضعى او مش عارفا اقولها ازاى ... ممممم
اكتشفت انى ممكن فى بعض الاوقات اكون تعاملت بنرجسيه !!!
مش واضح انتي عايزة تقولي إيه هنا يا حبو!
(وبالنسبة لك تحديدا أكيد انتي مش نرجسية يا حبو، أضمن لك ده شخصياا
بس فى حالات معينه احتمال لما حسيت ان الى قدامى مصاص دماء دى متعتيرش نرجسيه مممممم مش عارفا
لا دي مش نرجسية. لكن من ناحية تانية: حتى الفامباير بيعاني ويتألم. بالتالي افصلي من فضلك دائما بين رفضك انك تكوني ضحية لأي شخص وبين تعاطفك مع معاناته، بمعنى فهمك ومشاركتك واهتمامك، حزنك لأجله وحتى مساعدتك له، حتى لو كان مصاص دماء. رفضك انك تكوني ضحية شيء، وتعاطفك مع الجاني شيء تاني خالص! انتي ممكن ترفضي أن حد يسرقك مثلا، لكن انتي نفسك ـ تعاطفا مع ظروفه ـ اللي ممكن تروحي تسددي بنفسك ديونه. ما نرفضه أو نكرهه هو دائما الخطيئة وليس أبدا الخاطئ. بالتالي لا تخلطي بين الأمرين وإلا ح تقعي مش بس في النرجسية وإنما حتى السيكوباتية أيضا، كما يقع بالفعل الكثيرون.
الواحد فعلا فعلا محتاج يركز مع نفسه و افعاله و تصرفاته
موضوع المراجعه اهو اليوم او فجر تانى يوم الصبح دا مهم جدا ان الواحد يركز شويه على تصرفاته و افعاله و كلامه و يميز ايه الى عمله غلط و يحاول يصلحه و يطلب مساعده من الرب و ايه الى عمله صح و يستمر عليه و يشكر الرب
فيه حكمة جميلة ـ مقولة من النوع اللي لابد الإنسان يفضل دايما فاكرها، أو بالتعبير المصري الجميل "يحطها حلقة في ودنه" ـ بتقول:
We judge others by their behavior. We judge ourselves by our intentions
نحن نحكم على الآخرين حسب سلوكهم، ولكن نحكم على أنفسنا حسب نوايانا!
نحن نحكم على الآخرين حسب سلوكهم، ولكن نحكم على أنفسنا حسب نوايانا!
***
أشكرك يا جميل على الحوار الجميل، كالعادة، ومساء الخير والنور والجمال عليكي وكل الأحباء. الفيلم طبعا كله عبقري يا حبو، لكن بما أنك عارفاه يبقا نروح بقا لمستوى المحترفين، حيث التانجو الأصلي الأكثر "حرارة"! لسه ماوصلناش الأرجنتين طبعا بس ح نلاقي هنا الروح قريبة، وحتى آلة "الباندونيون" المميزة في حلقات التانجو اللاتيني موجودة أيضا. حتى نلتقي تحياتي ومحبتي، مع مقطوعة "ليبرتانجو" الجميلة:
[YOUTUBE]kdhTodxH7Gw[/YOUTUBE]