*_^ لقاء مع Fadie *_^

[Coptic MarMar]

سلام ونعمة

أزيكم ؟؟

هنبداااا لقااء جديد
مع شخصية متميزة جدااااااااااااا ومحبوبة جدااااااا

المشرف المحبوب

Fadie



منورررررررررر كرسي الاعتراف

يلا هنبتدى
الاسئلة التمهيدية


اسمك الاول

عمرك

بلدك

دراستك\مهنتك

حالتك الاجتماعية

هواياتك

طموحك


مقولة متمسك بيهااا

طبعا يا فادى لو فى اسئلة شخصية مش حابب انك تجاوبها براحتك

ربنا معاك يا باشا

وانا لياااااااااااا عودة بأسئلتى الشخصية بقى :spor2: ​

 

[+Nevena+]

اهلا اهلا اهلا يا استاذنا ومشرفنا الجميل فادي
منور الكرسي بوجودك
انا حبيت اغلس بقي واسئل كام سؤال غلسين كدا

نقول باسم رب المجد
ونبدا
1- ايه اللي شدك انك تسجل في المنتدي
2- عملت ايه لما عرفت انك اصبحت مشرف
3- ايه رايك بالاعضاء كاوجه عام
4- والمشرفين والاعضاء المباركين وهل هما قايمين بوظيفتهم في المنتدي علي اكمل وجه
5- اختار 10 مشرفين ووجه ليهم كلمه
6- اختار برضه 10 اعضاء ووجه ليهم كلمه
7- تقول ايه لي ماي روك
8- اكتر قسم بتحبه وليه
9- قول كلمه لصديقك الشخصي
10- واخير ايه اكثر ماقوله بتحبها وليه



كفايه دول ولو جت حاجه تانيه في بالي هابقي ارجع
ماتقلقش​

 

[اغريغوريوس]

رد على: *_^ لقاء مع Fadie *_^

جالك الموت يا تارك الصلا هبتدي ب 3 اسالة بس وبعدين الباقي

متي بدات الدراسة والرد علي الشبهات ؟


ما الذافع الذي جعلك تدرس المسيحية ؟



شخص لة فضل عليك؟



انا ملاحظ انك عصبي وشخصية مندفعة فهل انا علي صدق ؟​

 

[Fadie]

رد على: *_^ لقاء مع Fadie *_^

شكرا يا ماريان على المقدمة الحلوة دى:

اسمك الاول

فادى

عمرك

20 و شوية

بلدك

ام الدنيا

حالتك الاجتماعية

اعزب أكيد

هواياتك

القراءة هوايتى الأولى و الأخيرة , و بحب موسيقى بودا بار

طموحك

دكتور فى سيمنار برينستون فى جامعة بيرنستون فى الولايات المتحدة

مقولة متمسك بيهااا

enjoy ur life today, cuz yesterday had gone & tomorrow may never come​

 

[oesi no]

هاى عليكم
جاى اغتت اونلى
بالتلفيق ياض

 

[Fadie]

رد على: *_^ لقاء مع Fadie *_^

ليه الافترا دة يا نيفين:

1- ايه اللي شدك انك تسجل في المنتدي

كنت مشترك فى منتدى تانى و قفل فواحد صاحبى كان مشرف هنا قالى على المنتدى فجيت سجلت

2- عملت ايه لما عرفت انك اصبحت مشرف

فى الأول خفت و بعد كدة فرحت و بعد كدة ضحكت اوى على نفسى عشان فرحت

3- ايه رايك بالاعضاء كاوجه عام

ناس جميلة اوى و بتمنى ألاقى وقت اندمج معاكم

4- والمشرفين والاعضاء المباركين وهل هما قايمين بوظيفتهم في المنتدي علي اكمل وجه

مفيش حاجة كاملة بنسبة مية فى المية , المهم نعمل اللى علينا

5- اختار 10 مشرفين ووجه ليهم كلمه

عشرة

ديسقورس احنا اللى هنعمل مستقبلنا مش هو اللى هيعملنا ثق فى ربنا بس و سيبك من الكريستولوجى

طابيثا عايزين نفرح بيكى بقى

جورج نفسى اتعلم انفض زيك

السفير خليك زى ما انت فى العلم و متتأثرش بالأساليب العشوائية فى النقد

فريدى يمكن منعرفش بعض بس انا بحترم كتاباتك الواعية

فراشة ثقى فى اختيارات ربنا لحياتك

تويتى الف مبروك ربنا يسعدك بجد

جبنة فيتا الندالة كلها اللى مبتسألش

مرمر مارو ربنا يسامحك انا قعدت ساعتين بفكر فى السؤال دة و اللى جاى انتى اللى وقعتينى الوقعة السودا دى

حبيبى اللى مش ممكن معتبروش مشرف مايكل مجدى انا متأكد انك مش هتهرب من المسئولية بسهولة و هترجع تانى

6- اختار برضه 10 اعضاء ووجه ليهم كلمه

يلهوى تانى

ستيفن جيرارد سيبك من الكريستولوجى و شوف مستقبلك

كيمو اقرأ كتير هتبقى استاذ

ايفا انتى فين بطلتى تدخلى ليه؟

انجى مبروك التخرج و بلاش ثانوى

إيمى ربنا يوفقك

اخرستوس آنيستى سيبك من الهيروغليفى و ركز فى الدراسة اللى بجد

إيند نفسى اتعلم منك بجد بس مفيش فايدة

بس كفاية كدة

7- تقول ايه لي ماي روك

كان الله فى عونك

8- اكتر قسم بتحبه وليه

قسم كتابات , بحبه عشان بنسى نفسى فيه.

9- قول كلمه لصديقك الشخصي

انت راجل بجد و وقفت جنبى كتير , و انا كمان هقف جنبك , أوعدك.

10- واخير ايه اكثر ماقوله بتحبها وليه

enjoy ur life today, cuz yesterday had gone & tomorrow may never come
​

عشان مش بحب النكد و التشاؤم , الدنيا حلوة و أحلى سنين...

ميرسى يا نيفين و متجيش تانى كفاية كدة​

 

[Fadie]

رد على: *_^ لقاء مع Fadie *_^

اهلا أغريغوريوس

متي بدات الدراسة والرد علي الشبهات ؟

اربع سنين تقريبا

ما الذافع الذي جعلك تدرس المسيحية ؟

قول الرب أذكر خالقك فى أيام شبابك

شخص لة فضل عليك؟

واحد فى البالتوك اسمه egoemi

انا ملاحظ انك عصبي وشخصية مندفعة فهل انا علي صدق ؟

انا ملاحظ انك جرىء , عصبى فى كل ما له علاقة بالعقيدة و دة شىء سلبى جدا انا عارف كدة بس بدرب نفسى دلوقتى على الهدوء يمكن , شخصية مندفعة مش عارف بصراحة اول مرة حد يقولى كدة فمفكرتش بس هفكر.

بس كفاية كدة بقى محدش يسأل تانى

 

[يهوذا الالفيه]

رد على: *_^ لقاء مع Fadie *_^

ازيك يا فادى ......

1. مين قدوتك فى الحياه ؟
2.رايك ايه فى حال المسيحين وحال المسيحيه فى مصر ؟
3.هل تعرضت فى يوم للشك فى الايمان ؟....اتغلبت عليه ازاى ؟
4.شفيعك المفضل وليه ؟
5.رأيك ايه فى النحل...وتنصحهم بايه ؟ السؤال ده مهم مهم مهم
كفايه كده دلوقتى بس اوعدك دى مش اخر اسئله ....بس على فكره انا مش عايز اكون فضولى وياريت متتضايقش .

 

[صوت الرب]

رد على: *_^ لقاء مع Fadie *_^

منور الكرسي يا مشرفنا الحبيب Fadie
أنا حابب أتعرف عليك أكثر عشان هيك حبيت أسئلك
و أغلب أسئلتي هي أسئلة دينية :-
1) ما هو الدافع الرئيسي لإنشاء موقع خاص بك للرد على الشبهات ؟
2) متى بدأت بدراسة المخطوطات ؟
3) ما أكثر الأقسام التي تحبها في هذا المنتدى ؟
4) ما أكثر سفر تحب أن تقرأه في الكتاب المقدس ؟
5) ما أجمل آية في الكتاب المقدس بالنسبة لك ؟
6) ماذا يعني لك " يسوع " ؟
7) من أكثر عضو في هذا المنتدى تحبه و تحترمه و تطمح أن تصبح مثله ؟
8) في المستقبل هل تطمح أن تعمل منتدى خاص بك ؟
9) هل تعتبر أن ايمانك قوي ؟
.
و آسف لتعبك معي
الرب يباركك و ينور حياتك

 

[Coptic MarMar]

رد على: *_^ لقاء مع Fadie *_^

مرمر مارو ربنا يسامحك انا قعدت ساعتين بفكر فى السؤال دة و اللى جاى انتى اللى وقعتينى الوقعة السودا دى​

اااااااااااخص عليك يافادى...

تصدق بقى عشان الجملة دى انا هحضر اسئلتى واجى

واستعد بقى يا باشا..​

 

[ginajoojoo]

رد على: *_^ لقاء مع Fadie *_^

منور يافادى..انا مبدئيا جاية اسجل اعجابى الشديد بدراستك وقراياتك الكتير
اسلوبك كمان جميل جدا ولو انى زى اغريغوريوس بحس انك عصبى وده ساعات كتير مابينفعش
ربنا بجد يوفقك فى حياتك انت شخص ممتاز
ويمكن يكون لى عوده انت بالنسبالى شخصية جدلية فلازم اسألك همخمخ وارجعلك​

 

[oesi no]

جورج نفسى اتعلم انفض زيك

اين مثطلحات اللغه
انفض !!!!!!!!!!!!!!!!!!
نفض تنفيض

 

[Coptic MarMar]

رد على: *_^ لقاء مع Fadie *_^

أناااااااااااااااا جيت أهو... :yahoo::yahoo:

وجتلك مرمر يا تارك الصلاة :t33: واخد بالك انت يا فادى ههههه

يلا بقى نبتدى بسؤالين بس..

السؤال الاول بينقسم كده لكام سؤال بصراحة مش عارفة ابقى عد انت بقى :new2:ههه

1- أكتر أيه بتحبها فى الكتاب المقدس ؟

2- أكتر أصحاح ؟

3- أكتر شخصية بتشدك فى الكتاب ؟

4- وأكتر مزمور ؟

5- ليك خدمة غير منتدى الكنيسة ؟ ايه هى ؟

6- راضى عن حياتك الروحية ؟ وليه ؟

7- مواظب على الاعتراف والتناول ؟

نييجى بقى للسؤال التانى...

وهى الاسئلة الشخصية :ura1::ura1:

1- مين هو فادى فى كلمتين ؟

2- أكتر ميزة بتحبها فى فادى وأكتر صفة بتكرها فيه بردوا ؟

3- ياترى فى حاجة كان نفسك تحققها وحققتها :smil12: ؟ وايه هى بقى ؟ :t33:

4- هل وصلت مرة لمرحلة يأس ؟

5- حسيت مرة ان ربنا بعيد عنك ؟

6- ايه مواصفات العروسة :08::08: ؟

7- احكى لنا اكتر موقف حصل معاك ( محرج _ مضحك _ ضايقك ) ؟

8- مال الواد جورج وماااااااالك بقى نفسى اعرف :new6: اصلى بحب اهدى النفوس هههه

وكفاية كده وعايزة اشوف نموذج الاجابة بسرررررررعة

علشان انزل الجزء التانى... :dance:​

 

[Coptic MarMar]

رد على: رد: *_^ لقاء مع Fadie *_^

اين مثطلحات اللغه
انفض !!!!!!!!!!!!!!!!!!
نفض تنفيض

مثطلحات... :new6::new6:

اسمها مصطلحات يا جو :smil15:

ابقى اكتب صح يابنى متحرجناش مع الاجانب :new6:​

 

[Fadie]

رد على: *_^ لقاء مع Fadie *_^

يهوذا منورنا

1. مين قدوتك فى الحياه ؟

ماما

2.رايك ايه فى حال المسيحين وحال المسيحيه فى مصر ؟

لا مش هجاوب عشان اجابتى هتكون قاسية

3.هل تعرضت فى يوم للشك فى الايمان ؟....اتغلبت عليه ازاى ؟

أحياناً الناس بتفتكر ان المدافع المثقف مبيتعرضش لأى شك , مع أن مفيش حد بيتشكك زيه. بتغلب عليه بالسهر , بمنامش الا لما بوصل لحل. الشك هو أساس الإيمان , و من لا يشك إيمانه نظرى مش إختبار.

4.شفيعك المفضل وليه ؟

القديسة دميانة , ساعدتنى كتير

5.رأيك ايه فى النحل...وتنصحهم بايه ؟ السؤال ده مهم مهم مهم

النحل له تلت معانى:

النحل اللى بيقرص دة , النِحل أى الفرق الطائفية , النِحل أى الهرطقات , تقصد مين فيهم؟

 

[ميرنا]

رد على: *_^ لقاء مع Fadie *_^

نهارك انتا هنا وقعت وقعة سودة يا فادى

بص هو سؤال واحد اوصف فادى فى 10 سطور بس بزمة بقى ​

 

[My Rock]

اللهم لا شماتة

داخل بس اعلن متابعتي و شماتتي فيك, قصدي تأسفي عليك و على الي يجرالك

دول ناس ما ترحمش...

 

[Fadie]

رد على: *_^ لقاء مع Fadie *_^

صوت الرب , منور حبيبى:

1) ما هو الدافع الرئيسي لإنشاء موقع خاص بك للرد على الشبهات ؟

ندرة المواقع العلمية المسيحية , اقدر اعدهم على اصابع اليد الواحدة

2) متى بدأت بدراسة المخطوطات ؟

أول لقاء لىّ مع المخطوطات كان من تلت سنين , و بدأت دراستها من حوالى سنتين و نص , لكن الكتابة بدأت من سنتين.

3) ما أكثر الأقسام التي تحبها في هذا المنتدى ؟

قسم كتابات

4) ما أكثر سفر تحب أن تقرأه في الكتاب المقدس ؟

إنجيل مرقس هو سفرى المُفضل

5) ما أجمل آية في الكتاب المقدس بالنسبة لك ؟

1 يو 5 : 20

6) ماذا يعني لك " يسوع " ؟

المحب الألزق من الأخ

7) من أكثر عضو في هذا المنتدى تحبه و تحترمه و تطمح أن تصبح مثله ؟

end

بحقد عليك حق يا ايند

8) في المستقبل هل تطمح أن تعمل منتدى خاص بك ؟

منتدى لا , لكن بطمح بعمل موقع علمى كبير و نشكر ربنا اول خطوة بدأت

www.apologetics-center.com

9) هل تعتبر أن ايمانك قوي ؟

بالعكس , إيمانى أضعف من كثيرين

صوت الرب انت شخص موهوب , استغل موهبتك و الرب معك

 

[يهوذا الالفيه]

رد على: *_^ لقاء مع Fadie *_^

لا يا فادى ركز شويه ....انا قصدى النحل البشرى اللى بيحبوا يخلصوا اللاهوت فى يومين مع ان اقل موضوع فيه بيتدرس فى سنه .....فهمتنى .
ايه رأيك فى الشخصيات دى ؟
ازاى ممكن نساعدهم على الرغم ان بعضهم بيتمتع بفضول شديد جدا للمعرفه على الرغم من ان نيه بعضهم بتكون جاده جدا فى المعرفه ومحتاجين مرشدين بجد .
تعرف....انا مستنى اعرف اجابه السؤال ده اكتر من اى سؤال تانى
انا عندى فضول فى حاجات كتير بس مش هتقل عليك وهتابع يمكن الاسئله اللى عايز اسئلها لك تتسأل .
اه اخر سؤال معلش .....بتسمع اغانى ولمين ؟؟؟
ملحوظه : متقوليش عمر خيرت وموسيقى موتستارت وبيتهوفن والعالم دى

 

[Fadie]

رد على: *_^ لقاء مع Fadie *_^

منور يافادى..انا مبدئيا جاية اسجل اعجابى الشديد بدراستك وقراياتك الكتير​

اسلوبك كمان جميل جدا ولو انى زى اغريغوريوس بحس انك عصبى وده ساعات كتير مابينفعش
ربنا بجد يوفقك فى حياتك انت شخص ممتاز

ويمكن يكون لى عوده انت بالنسبالى شخصية جدلية فلازم اسألك همخمخ وارجعلك​

ميرسى يا جينا , العصبية فعلاً بوظتلى حاجات كتير انا دلوقتى بدرب نفسى على الهدوء ربنا يسهل. شكراً لمرورك