"*"*"لقاء مع coptic hero "*"*"

[coptic hero]

رد على: "*"*"لقاء مع coptic hero "*"*"

سنو واااااااااايت
ياريت طلب منك
هنا منتدى ترفيهى
ومش منتدى حوار الاديان او عتاب ولوووم
ياريت لو هتشاركى يبقى تكتبى الائله اللى عاوزة تساليها لكوبتك هيرو
لكن اللوم والعتاب والحوار فى الادبان مش مكانه هنا
ياريت تقبلى كلامى
سلام

يا سلام عالعقل يا عاقله يا واعيه :mus25::mus25::mus25:

 

[coptic hero]

رد على: "*"*"لقاء مع coptic hero "*"*"

انا جيت بسى اسلم عليك يا هيرو واقولك وحشتينا بجد
وربنا يقويك على الاسئله دى كلها ​

انتى نورتى الموضوع يا ايمى الرقيقه وفعلا بقالى شهور ما شفتكيش وادعيلى على الصواريخ الجو ارض اللى بيسألوهالى ومعتمدين على صراحتى فى الآجابه ربنا يستر

 

[coptic hero]

رد على: "*"*"لقاء مع coptic hero "*"*"

شكلى جيت متاخره يا باش دكتور هيرووووووووووو

معلش هحاول اجبلك شويه اسئلة رخمة سورى قصدى حلوة هههههههه

المهم والاهم اننا بجد يعنى ................. اخدنا بركة

انتظر البركة الكبيرة قريبا هههههههههههه​

مش احنا اتفقنا يا نانا المباركه ان الناس بتقول لى يا دكتور هيرو واننا نرفع التكليف ما بيننا وتقوليلى يا دكتور بس ههههههههههههههه

على فكرة منتظر اسئلتك بس يا ريت ما تكونش متكررة والآهم بجد اخدنا بركه بركات منك ربنا معاكى

 

[twety]

رد على: "*"*"لقاء مع coptic hero "*"*"

يا سلام عالعقل يا عاقله يا واعيه :mus25::mus25::mus25:

علشان تعرف بس
اصحاببببك جدعااااااااات م شجدعان طبعا
ههههههههههههههههه
:59: :smil15:

 

[coptic hero]

رد على: "*"*"لقاء مع coptic hero "*"*"

علشان تعرف بس
اصحاببببك جدعااااااااات م شجدعان طبعا
ههههههههههههههههه
:59: :smil15:

انا متأكد طبعا ان ورايا نمور وأسود تاخد حقى وياكلو الزلط ههههههههههههههه

 

[twety]

رد على: "*"*"لقاء مع coptic hero "*"*"

انا متأكد طبعا ان ورايا نمور وأسود تاخد حقى وياكلو الزلط ههههههههههههههه

هههههههههههه
اى خدمه ياهيرووو
زرونا تجدوا ما يسركم
:new6::smil15::new6:

 

[coptic hero]

رد على: "*"*"لقاء مع coptic hero "*"*"

هههههههههههه
اى خدمه ياهيرووو
زرونا تجدوا ما يسركم
:new6::smil15::new6:

ميرسيه يا مدام صيدناوى بنت شيكوريل

 

[Coptic Man]

رد على: "*"*"لقاء مع coptic hero "*"*"

حبيبي كوبتك هيرو

شايفك بتهزر مع البنات براحتك ومش هامك ياتري المدام عارفة انك مشترك في المنتدي ؟ :smil15:

ولو مش عارفة وشافت هزارك مع بنات تانية بالصدفة او فاعل خير دلها علي المنتدي مثلا يعني هيكون ايه رد فعلها ؟ وهيكون فيه دم ولا صلصة ؟

 

[twety]

رد على: "*"*"لقاء مع coptic hero "*"*"

حبيبي كوبتك هيرو

شايفك بتهزر مع البنات براحتك ومش هامك ياتري المدام عارفة انك مشترك في المنتدي ؟

ولو مش عارفة وشافت هزارك مع بنات تانية بالصدفة او فاعل خير دلها علي المنتدي مثلا يعني هيكون ايه رد فعلها ؟ وهيكون فيه دم ولا صلصة ؟

ههههههههههههههههههه
اجى معااااااااااااااك يا كوبتتتتتتتتك

انا احي اهدى النفوووس
:59::smil15:

 

[coptic hero]

رد على: "*"*"لقاء مع coptic hero "*"*"

حبيبي كوبتك هيرو

شايفك بتهزر مع البنات براحتك ومش هامك ياتري المدام عارفة انك مشترك في المنتدي ؟ :smil15:

ولو مش عارفة وشافت هزارك مع بنات تانية بالصدفة او فاعل خير دلها علي المنتدي مثلا يعني هيكون ايه رد فعلها ؟ وهيكون فيه دم ولا صلصة ؟

لا يا مينا عيب عليك كده

وبجد هازعل منك جدا


اولا هم دول بنات


وثانيا المودام معودانى على الصراحه وانت عارف الكلمه الآخيره ليا هى تقول اعمل كذا كذا وانا اقول حاضر فى الآخر وعلى فكره هى جنبى دلوقت وبتقولك لما نعوز موقعاتيه هانبقى نبعت لك ههههههههههههه

 

[coptic hero]

رد على: "*"*"لقاء مع coptic hero "*"*"

ههههههههههههههههههه
اجى معااااااااااااااك يا كوبتتتتتتتتك

انا احي اهدى النفوووس
:59::smil15:

ايه ده يا توته شمعه تحترق من اجل الاخرين حرام عليكى يا شيخه ما عندكيش اخوات بلاستيك اتسليتى وبقيتى زى عود الكبريت عاوزة تشوفينى طبعا متخرط حتت صغيره ده انتى عاوزة جنازة تشبعى فيها قهوة ساده

 

[twety]

رد على: "*"*"لقاء مع coptic hero "*"*"

لا يا مينا عيب عليك كده

وبجد هازعل منك جدا


اولا هم دول بنات


وثانيا المودام معودانى على الصراحه وانت عارف الكلمه الآخيره ليا هى تقول اعمل كذا كذا وانا اقول حاضر فى الآخر وعلى فكره هى جنبى دلوقت وبتقولك لما نعوز موقعاتيه هانبقى نبعت لك ههههههههههههه

هههههههههههههههه
ايوة ايوة ثبتها بكلمتين
احسن انت عارف اللى هيحصل :t19:

يلا بقى نسيبك شويه رافاتا بحااااااااااالك
:new6::new6::new6:

 

[twety]

رد على: "*"*"لقاء مع coptic hero "*"*"

ايه ده يا توته شمعه تحترق من اجل الاخرين حرام عليكى يا شيخه ما عندكيش اخوات بلاستيك اتسليتى وبقيتى زى عود الكبريت عاوزة تشوفينى طبعا متخرط حتت صغيره ده انتى عاوزة جنازة تشبعى فيها قهوة ساده

:bud::ura1::budo::act19::thnk0001:
اى خدمه
انت عااااااااارف
تلمييييييذتك فى الملاعب
هههههههههههههههههههههههههه

احنا نحب نخدم بس

 

[Coptic Man]

رد على: "*"*"لقاء مع coptic hero "*"*"

لا يا مينا عيب عليك كده

وبجد هازعل منك جدا


اولا هم دول بنات


وثانيا المودام معودانى على الصراحه وانت عارف الكلمه الآخيره ليا هى تقول اعمل كذا كذا وانا اقول حاضر فى الآخر وعلى فكره هى جنبى دلوقت وبتقولك لما نعوز موقعاتيه هانبقى نبعت لك ههههههههههههه

ههههههههههههههه

بقي بتقول علي بنات المنتدي هم دول بنات

ماشي يا سيدي ماليش دعوة با ارائك انا

انت اللي تتحمل نتائجها بنفسك leasantr

بدال بتشكك انهم بنات اساسا :94:

خلينا في الجزئية التانية وقول للمدام احنا نحب نخدم و يا ضامن الرجال يا ضامن المياه في الغربال :t13:

 

[nana25]

رد على: "*"*"لقاء مع coptic hero "*"*"

أهلاً وسهلا بيك يا هيرووووووو انا جبت شويه اسئلة يا رب متكونش متكرره


فى الاول انا جبتلك كرسى جميل جدا علشان تاخذ راحتك وانت بتجاوب

لو كان اسم كوبتك هيرو لقب لعضو اخر كنت اخترت لقب ايه تانى غيره ؟


ايه كان شعورك يوم ما عرفت انك انت اللي ترشحت لكرسي الاعتراف ؟ وهل تغير شعورك الان؟ ولا هو نفسه ؟



ايه اكتر الاسئله الى كنت تتمنى انك ماتتسئلهاش من اى عضو ؟



في حالة طرح سؤال لم يعجبك ماذا ستفعل
- هترفض الاجابه عليه وتقول انك مش هتجاوب عليه
- هتتجاهل السؤال
- هتحذف السؤال نهائيا



مع امكانية (طلب مساعدة من الجماهير – الاتصال بصديق – حدف اجابتين) بس من الاخر كل الاسئلة اجباريه يعنى غصبا واقتداراً ههههههههه



ليه انت كل يوم بتفوت على المنتدى ؟؟


من أهم 3 أعضاء تتابعهم ؟


من العضو اللي فراقه صعب ؟


من العضو اللي فراقه عيد ... (اوعى تقول انا) ههههههههههه ؟


مـا أكثر المواضيع التى جذبتك للمشاركة فيها ؟


ماذا يعني لك المنتدى ؟ وهل تفكر في يوم من الايام تركه ....؟


نفسك تبقى مشرف ؟ لو الاجابة نعم إذا بأى قسم ؟


ما أفضل موضوع كتبته إلى الأن وما أسوء موضوع ؟


ما هو مبداك وحكمتك في الحيـاه ؟


ما هى التجربه اللى تتمنى أنك تكررها ؟


معاك ثلاث هدايا لمن تقدمها ؟


ما هو شعورك عندما تواجه شخص لا يستطيع تفهمك ؟


بما انك حريف قرائه اذا اى كتاب قرأته وتتمنى من الجميع قراته ؟


ما الحلم إللى تتمناه وإنت على يقين أنه لن يتحقق ؟


لو اتاكدت ان ليك 3 دعوات ربنا هيستجيبهم منك تدعى بايه ؟؟؟؟؟؟


ايه الموقف اللى حصلك في الشارع وكان نفسك الارض تنشق وتبلعك ؟


كان نفسك تكون ايه وانت صغير؟


اية العملة الى عملتها وانت صغير وخفت تروح البيت بعدها ؟


لو معاك خاتم سليمان ومعاه طلب واحد تطلب ايه ؟




لو وحداه عكستك قدام المودام هتعمل ايه ؟؟؟؟



هل تاثرت ببعض الكلمات التى يرددها الاعضاء فى المنتدى واصبحت ترددها ؟ مع ذكر اسماء الاعضاء ويا ريت بالمره الكلمات دى ؟ سؤال رخم صح ههههههههه



نفسك تحط مين على كرسى الاعتراف وتساله اساله ............. من الاخر تخلص فيه اللى اتعمل فيك هههههههههههههه ؟




ـــــــــــــــــــــــــــــــــــــــــ
ــــــــ


السؤال الاخير


ايه رائيك فيا وفى الاسئلة دى وبكل صراحة ؟ وايه رائيك فى الاسم اللى بقولهولك لولو ههههههههههههه ؟


لو افتكرت اى سؤال تانى وقع منى فى السكة يعنى هبقى استمخمخ واجبهملك ........


يا رب تكون اسئلتى سهلة وظريفة ولطيفة


اه نسيت اهــــــم حاجـــــه

أخدنا بركة يا باش دكتور لولو هههههههههه​

 

[coptic hero]

رد على: "*"*"لقاء مع coptic hero "*"*"

ههههههههههههههه

بقي بتقول علي بنات المنتدي هم دول بنات

ماشي يا سيدي ماليش دعوة با ارائك انا

انت اللي تتحمل نتائجها بنفسك leasantr

بدال بتشكك انهم بنات اساسا :94:

خلينا في الجزئية التانية وقول للمدام احنا نحب نخدم و يا ضامن الرجال يا ضامن المياه في الغربال :t13:

طبعا كلامك فى محله يا احلى مينا وبعدين المثل اللى قلته اتعدل من سنه وبقى يا مأمن للحريم يا مأمن للمعزة فى وسط البرسيم

والتانى برضه من تأليفى يا مأمن للبنات يا واخد بمبه للممات هههههههههه

 

[twety]

رد على: "*"*"لقاء مع coptic hero "*"*"

طبعا كلامك فى محله يا احلى مينا وبعدين المثل اللى قلته اتعدل من سنه وبقى يا مأمن للحريم يا مأمن للمعزة فى وسط البرسيم

والتانى برضه من تأليفى يا مأمن للبنات يا واخد بمبه للممات هههههههههه

يارااااااااااجل
طب متزعلش بقى من الاسفين:a63:
اللى هيحصل بقى بينك وبين المودااااااام

وبقى بنات المنتدى مش بناااااااات
مااااااااشى ياهيرو
مش هرد عليييييييك:nunu0000:

 

[coptic hero]

رد على: "*"*"لقاء مع coptic hero "*"*"

أهلاً وسهلا بيك يا هيرووووووو انا جبت شويه اسئلة يا رب متكونش متكرره


فى الاول انا جبتلك كرسى جميل جدا علشان تاخذ راحتك وانت بتجاوب



ايوه كده يا شيخه كلهم بيسألونى وانا واقف كده اجاوب وانا قاعد فى التراس

لو كان اسم كوبتك هيرو لقب لعضو اخر كنت اخترت لقب ايه تانى غيره ؟

كنت هاختار اسمى على البالتوك وكان حورس ايجبت


ايه كان شعورك يوم ما عرفت انك انت اللي ترشحت لكرسي الاعتراف ؟

كانت لفته جميله من ارووجه وكان شعورى متضارب من ان اظل على صراحتى ام اغير بعض الاجابات لتلافى الاحراج

وهل تغير شعورك الان

تماما واصبحت كأنى اكلم صديق بدردشه صداقه
؟ ولا هو نفسه ؟



ايه اكتر الاسئله الى كنت تتمنى انك ماتتسئلهاش من اى عضو

الآسئله التى تفصح عن شخصيتى الحقيقيه او الآسئله التى يتعمد فيها السائل ان يحرجنى على اعتبار موقف حدث بيننا مسبقا

؟



في حالة طرح سؤال لم يعجبك ماذا ستفعل
- هترفض الاجابه عليه وتقول انك مش هتجاوب عليه
- هتتجاهل السؤال
- هتحذف السؤال نهائيا


مش فارقه كتير المهم انى مش هاجاوبه


مع امكانية (طلب مساعدة من الجماهير – الاتصال بصديق – حدف اجابتين) بس من الاخر كل الاسئلة اجباريه يعنى غصبا واقتداراً ههههههههه



ليه انت كل يوم بتفوت على المنتدى ؟؟

فعلا اول ما بادخل مكتبى او بيتى لازم افتح الكمبيوتر جرى لآنى بابقى مشتاق له


من أهم 3 أعضاء تتابعهم

؟


انا باتابع اعضاء كثيرون ولكن على سبيل المثال قبطى حقيقى و قلم حر و فادى وانسر مي مسلم و السفير ومن البنات فى الترفيهى سيادتك وفراشه و مرمر
من العضو اللي فراقه صعب ؟




السؤال ده صعب لآنى مش متخيل ان ممكن عضو فى المنتدى يمشى ويسيبنا


من العضو اللي فراقه عيد ... (اوعى تقول انا) ههههههههههه ؟

لآ بأمانه مافيش حد انا باكرهه حتى لو كان مختلفا معى فى الرأى ودائما مبدأى فى الحياه اختلاف الرأى لا يفسد للود قضيه وانا باعامل يوميا ناس كتير انا متأكد من انهم بيكرهو كل ما هو مسيحى لكن انا باحبهم وباعاملهم بمثل ما امناه منهم


مـا أكثر المواضيع التى جذبتك للمشاركة فيها ؟

تقدرى ترجعى للهيستور بتاعى وتشوفيها انما انا باحب الضحك جدا وهاتلاقينى فى القسم الترفيهى وبعض المناقشات الدينيه التى اتأكد ان من يناقشها محترم وغير مستفز

ماذا يعني لك المنتدى ؟

المنتدى بالنسبه لى زى احتياجى انى اروح للكنيسه
وهل تفكر في يوم من الايام تركه ....؟

مع انى مشرف فى منتدى اخر ونائب المشرف العام فى منتدى اخر الا انى لا استطيع ترك هذا المنتدى الجميل الذى احس فيه انى فى وسط اخوتى الذين يواسونى فى الاحزان ويفرحون معى فى الافراح واجد فيه كل ما ينقصنى بجد يعنى ربنا يبارك فى خدمة المنتدى ويعوض القائمين عليه




نفسك تبقى مشرف ؟

اى عضو هنا يتمنى ان يكون مشرفا حتى لو كان يمتلك منتديا اخر

لو الاجابة نعم إذا بأى قسم ؟

اكيد هايبقى فى قسم يخدم الشباب وينصحهم او فى القسم الترفيهى وممكن اتنازل وامسك المشرف العام هههههههههههه



ما أفضل موضوع كتبته إلى الأن

اظن انه موضوع ما رد فعل المسلمين لو منعت اوروبا دخول المصاحف الى اوربا فى المنتدى العام وايضا موضوع للمكبوتين والمقهورين فى المنتدى الترفيهى


وما أسوء موضوع

اسوء موضوع ده اتركه لمتابعى مواضيعى

؟


ما هو مبداك وحكمتك في الحيـاه ؟

اعرف صاحبك وعلم عليه واختلاف الراى لا يفسد للود قضيه

ما هى التجربه اللى تتمنى أنك تكررها ؟

ارجع تانى لسن 17 سنه علشان ارفض كل حاجه وحشه او فاشله عملتها واستفيد بالفرص العظيمه التى جائتنى ولم اقتنصها

معاك ثلاث هدايا لمن تقدمها ؟

الاولى مناصفه بين روك وكوبتيك مان والثانيه لفراشه بمناسبه جوازها والتالته ليكى انتى

ما هو شعورك عندما تواجه شخص لا يستطيع تفهمك ؟

بينرفزنى جدا وخصوصا لو باحاول اقنعه بحاجه فى مصلحته

بما انك حريف قرائه اذا اى كتاب قرأته وتتمنى من الجميع قراته

كتب كتير جدا انصح بها القراء يعنى انا عندى كتاب 200 يوم حول العالم واغرب الرحلات فى التاريخ لآنيس منصور وكتاب ايامى الحلوه لعبد الرحمن الآبنودى وقبل السقوط للكاتب العظيم الشهيد فرج فوده

؟


ما الحلم إللى تتمناه وإنت على يقين أنه لن يتحقق ؟

بأمانه السؤال صعب لآن كل شئ مستطاع عند الله

لو اتاكدت ان ليك 3 دعوات ربنا هيستجيبهم منك تدعى بايه ؟؟؟؟؟؟

اكون اغنى واحد فى مصر

ربنا يقربنى منه ولا يدخلنى فى تجربه طوال حياتى


وبالتالى اكون غنى مع تقوى وصلاح فأضمن الآبديه

ايه الموقف اللى حصلك في الشارع وكان نفسك الارض تنشق وتبلعك


؟

كنت بافتح عربيتى قدام البنك والمفتاح مش عاوز يفتح ولقيت واحد ورايا بيقولى انت عاوز ايه من عربيتى التى تشبه سيارتى كثيرا وطبعا الراجل قدر الموقف بعد ما شاف عربيتى والغريبه انى كنت راكن فى حته بعيده عن مكان العربيه التانيه ولكن نعمل ايه فى الزهايمر

كان نفسك تكون ايه وانت صغير؟


كان نفسى اكون ظابط مباحث او طيار

اية العملة الى عملتها وانت صغير وخفت تروح البيت بعدها ؟

كنت ساكن فى شبرا ونزلت اشترى لماما زجاجه برفان واشتريتها وراجع لقيت عيال جيرانى بيتشعبطوا فى عربيه نص نقل قلت لما اعمل زيهم وفعلا اتشعبطت معاهم وانا ماسك البرفان المهم لقيت واحد كان نايم فى العربيه صحى فأنا اتخضيت والبرفان وقع جوه العربيه وانا بانزل منها وطبعا العربيه فريره ومالحقتهاش وروحت اكلت حته علقه يا مؤمنين ما اكلهاش حرامى جزم فى جامع مش ناسيها من سنه 78 تقريبا

لو معاك خاتم سليمان ومعاه طلب واحد تطلب ايه ؟

اشوف اولادى فى اعلى المراكز والروحانيات


لو وحداه عكستك قدام المودام هتعمل ايه ؟؟؟؟

على فكرة بأمانه شديده بيحصل كتيير جدا مع انى اسمر شويتين بس الموداام عندى بتتصرف بحكمه شديده مثلا كنا فى عيد ميلاد وواحده قالت لها جوزك أمور وشقى ردت مراتى وقالت لها الفهــــولك فى ورقه وطبعا انفجر كل الجالسين وهى اتحرجت جدا بس انا صالحتها بعد كده هههههههههههههههه

هل تاثرت ببعض الكلمات التى يرددها الاعضاء فى المنتدى

يعنى ممكن فيه كلمات بتعجبنى لكن ممكن ما ارددهاش
واصبحت ترددها ؟ مع ذكر اسماء الاعضاء

يعنى كان السمردلى يقول موفقون بعد كل مشاركه

وكلمه حبيبى بتاعه روك

ويا ريت بالمره الكلمات دى ؟ سؤال رخم صح ههههههههه



نفسك تحط مين على كرسى الاعتراف وتساله اساله ............. من الاخر تخلص فيه اللى اتعمل فيك هههههههههههههه ؟

كل اللى سألونى ومنهم سيادتك وتويتى وكوبتيك مان مهدئ النفوس وكل واحد شارك معانا ورخم رخامه زايده ههههههههههههههه


ـــــــــــــــــــــــــــــــــــــــــ
ــــــــ


السؤال الاخير


ايه رائيك فيا وفى الاسئلة دى وبكل صراحة


بأمانه اقوى اسئله اتسئلت وتحسى انك منقياهم مش مرصوصين فى الجهاز واى حد يقعد على الكرسى يلاقيهم فى وشه ههههههه
؟ وايه رائيك فى الاسم اللى بقولهولك لولو ههههههههههههه ؟

مع انه مافيهوش ولا حرف واحد من اسمى وما اعرفش ايه وجه الصله بينه وبين كوبتيك هيرو الا انى ما اقدرش اقولك حاجه يا ناعسه يا اختى هههههههههههه


لو افتكرت اى سؤال تانى وقع منى فى السكة يعنى هبقى استمخمخ واجبهملك ........

حــــــــــــــــــرام كفايه

يا رب تكون اسئلتى سهلة وظريفة ولطيفة
اسئلتك ظريفه مثلك

اه نسيت اهــــــم حاجـــــه

أخدنا بركة يا باش دكتور لولو هههههههههه​

مش احنا اتفقنا نرفع التكليف وتقوليلى دكتور بس من غير لول ههههههههههه

 

[coptic hero]

رد على: "*"*"لقاء مع coptic hero "*"*"

وبقى بنات المنتدى مش بناااااااات
مااااااااشى ياهيرو
مش هرد عليييييييك:nunu0000:

طيب انا باتكلم عن بنات المنتدى انتى مالك بقى ومالهم :yahoo::yahoo::yahoo:

 

[mrmr120]

رد على: "*"*"لقاء مع coptic hero "*"*"

هاى هيرو باشا
ازيك يامعلم
اانا هسئلك كام سؤال على قدى
اية الحلم الى انتا حلمتة ومتحققش ؟
واية الحلم الى حلمتة واتحقق ؟
مين مثلك الاعلى ؟
بتحب تعمل ايه فى يومك ؟
هل انتا فى وقت الجد جد والهزار هزار ولا كلة هزار ؟
بس كفاية عليك لانى مش لاقية حاجة اسالها بس لما القى
مش هبخل عليك​