الفرق بين الملحد و ضعيف الايمان.

GoGo No Way

عضو نشيط
عضو نشيط
إنضم
21 يناير 2013
المشاركات
753
مستوى التفاعل
104
النقاط
0
الإقامة
Egypt "cairo"
سلام ومحبة ..

مبدئيا وانا قاعد على الفيس وعامل follow ل بونا .. لقيته عامل شير لموضوع كدة كتبه واحد اسمو شادى شكله راجل بيفهم الصراحة قولت اقتبسوا هنا ...


كنت عايز اتكلم في حوار الإلحاد و الكلام ده
لازم نفرق بين حاجتين مهمين في الحوار ده .. في فرق بين واحد ملحد بجد و واحد إيمانه مش كامل !

كون ان انت عندك اسئلة علي حاجات كتيييير في دينك و عندك استفسارات كتييير و عندك حاجات كتييير مش فاهمها و عندك حاجات مش مقتنع بيها و عندك اعتراضات علي تصرفات و افعال و مواقف تخص رجال دينك
و كون انك انت بتحاول تفكر في كل حاجة انت مؤمن بيها و بتحاول تدور علي اسباب و بتحاول تفهم ليه كل حاجة بتحصل ...
ده مش معناه انك ملحد او انك كاره دينك او كاره ربنا !
ما هو انت لو كاره ربنا فعلا .. ليه مهتم انك تسأل و تدور علي ربنا !

الملحد ده شخص قرر انه يستغني عن ربنا و ينكر وجوده و يستغني عن الدين و عن كل حاجة ليها علاقة بالدين ... كاره للدين و لربنا او بمعني اصح مش مقتنع بالدين ولا بربنا اصلا !

كمل في طريقك و كمل تفكيرك و كمل اسئلتك في كل حاجة انت مش فاهمها ولا مقتنع بيها .. ما تعملش اي حاجة غير و انت مقتنع و مؤمن إيمان كامل بيها ..
فكر و دور و ابحث و ادرس و اسأل و صلي ..
كمل و ماتخفش من اي حد يقول عليك انك غلط .. ولا يقول عليك انك ملحد .. كل اللي عايز يقول حاجة خليه يقولها ..
و انت كمل طريقك طول ما انت ماشي صح و عارف انت بتعمل ايه ..
دور علي ربنا و خليك واثق انك وسط ما انت بتدور عليه هاتلاقيه و هو بنفسه هايجيلك كمان
:)

ملحوظة بس .. انا مش باقول علي حد انه غلط سواء الملحد اللي بجد او اللي بيتقال عليه ملحد ..
الاتنين احرار و الاتنين صح ..
كل واحد ليه افكاره و مقتنعاته ..
انا بس بافرق بين نوعين مختلفين :)
________________________________
تم ..
 

Desert Rose

I have a dream
عضو مبارك
إنضم
10 نوفمبر 2010
المشاركات
8,448
مستوى التفاعل
1,987
النقاط
113
موضوع حلو اوى ياجوجو
وفعلا لازم ناخد بالنا من الفرق ده
اللى بيسأل ده مش بيسأل علشان هو خلاص اخد قرار بالالحاد , لكن بيسأل علشان اولا من حقه يسأل ويفهم وثانيا علشان يبنى ايمانه على اساس سليم وقوى علشان مش اى حد واى حاجة تهدله ايمانه

فيه حد هنا ف المنتدى اتظلم اكتر من مرة واتفصل وهو دلوقتى مفصول , وفيه بعض الناس متخيلة انه ملحد فعلا علشان بيسأل الاسئلة ديه
مع اننا قولنا كتير لو هو ملحد مكانش هيسأل اصلا وحتى لو ملحد , ايه المشكلة ؟ مش الحل انى اوجهله اتهامات واسيبه , هل ده هيجاوب على اسئلته ؟ هل ده ممكن يساعده ؟ هل ده حسن موقفى قدامه ولا طلعنى انا بمظهر الضعيف اللى مش عنده حجة يقولها ؟
ده الرب نفسه فى الكتاب المقدس بيقول " هلم نتحاجج يقول الرب "
نيجى احنا نرفض اسئلة بعضنا البعض ؟ ليه ؟
 

GoGo No Way

عضو نشيط
عضو نشيط
إنضم
21 يناير 2013
المشاركات
753
مستوى التفاعل
104
النقاط
0
الإقامة
Egypt "cairo"
صح عنــــــــــــــــــــــدك حــــــــــــــــــــــــــــــــق .

اصلا الانسان لو مش ملحد و حد عامله كدة ومجاوبش على الاسئلة ليه كل العذر انه يبقى ملحد !! ما هو مش عارف دينه يبقى خلاص !!!

ربنا يباركك .
 

+Sameh+

stay positive
عضو مبارك
إنضم
20 ديسمبر 2009
المشاركات
21,745
مستوى التفاعل
983
النقاط
0
الإقامة
Kuwait
جميل
ربنـا يبارككـ
​
 

+إيرينى+

واحدة معاكم
عضو نشيط
إنضم
26 أبريل 2009
المشاركات
11,235
مستوى التفاعل
2,954
النقاط
113
الاتنين صح إزاى ؟؟؟؟​
 

GoGo No Way

عضو نشيط
عضو نشيط
إنضم
21 يناير 2013
المشاركات
753
مستوى التفاعل
104
النقاط
0
الإقامة
Egypt "cairo"
مبدئيا دة وجهه نظر كاتب الموضوع ..

ثانيا هو بيتكلم عن حد يعنى انو حر وهو كدة صح !!! هى مش بتتقال هههههه بتتحس الجملة دى .. بس عموما دى وجهه نظر صاحب الموضوع الاصلى " شادى " و عجبنى الموضوع .
 

sha2awet 2alam

شقاوة قلم
عضو مبارك
إنضم
23 يناير 2012
المشاركات
5,276
مستوى التفاعل
1,807
النقاط
0
عجبنى الكلام و التفريق

بس فيه ظاهرة غريبة على الانترنت اليومين دول .. و هى ان فيه شباب واخدين الالحاد حاجة حلوة و تنطيط .. و كأنها موضة !

للاسف الالحاد مش حاجة حلوة ولا بقت حتى ملفتة للنظر من كتر انتشارها بقت مالهاش معنى ولا مبرر ..

بس لو على أد الاسئلة اسأل براحة راحتك مادام بأسلوب لائق محدش هيقدر يمسك عليك غلط .. المسيحية دين فهم مش حفظ و رص :)

لازلت عند رأيى فيك .. ذكى و مستقبلك حلو :)
 

GoGo No Way

عضو نشيط
عضو نشيط
إنضم
21 يناير 2013
المشاركات
753
مستوى التفاعل
104
النقاط
0
الإقامة
Egypt "cairo"
sha2awet 2alam قال:
عجبنى الكلام و التفريق

بس فيه ظاهرة غريبة على الانترنت اليومين دول .. و هى ان فيه شباب واخدين الالحاد حاجة حلوة و تنطيط .. و كأنها موضة !

للاسف الالحاد مش حاجة حلوة ولا بقت حتى ملفتة للنظر من كتر انتشارها بقت مالهاش معنى ولا مبرر ..

بس لو على أد الاسئلة اسأل براحة راحتك مادام بأسلوب لائق محدش هيقدر يمسك عليك غلط .. المسيحية دين فهم مش حفظ و رص :)

لازلت عند رأيى فيك .. ذكى و مستقبلك حلو :)
أنقر للتوسيع...

[/SIZE]
ثانك يو :)

عندك حــــــــــــــق ... وللاسف فعلا ناس واخده الالحاد موضة ..

واحد اعرفو بيقولى انا هبقى ملحد وكدة ومعترض على حاجات وكدة .. هو المفروض مسيحى يعنى .. قولتلو هتلاقى اجابة الى بتسال فيه فى الموعظة على الجبل .. عارفها .. ؟ قالى لا ..

كنت هتجنن بجد ساعتها .. ...

وهو فرحان انو هيبقى ملحد .:D هههههههههه !! بجد حاجة فظيعة .

وفى الاخر ثانك يو تانى :D

 

GoGo No Way

عضو نشيط
عضو نشيط
إنضم
21 يناير 2013
المشاركات
753
مستوى التفاعل
104
النقاط
0
الإقامة
Egypt "cairo"
اظـــــــــــن ان الموضوع يستاهل ان يتعملوا ..... up Up UP Up UP UP UP up UP uP

علشان على الاقل حد يشوف اسم الموضوع ..
 
أعلى